Naging matunog noon ang balita na magiging bagong miyembro ng TV5 family ang DJ at Showbiz Central host na si Mo Twister. Pero nang ipakilala na ang mga artistang Kapatid sa trade launch with advertisers na ginanap sa World Trade Center last March 25, walang Mo na binanggit o humarap sa entertainment press.
Pero di rin ito nakaligtas sa PEP (Philippine Entertainment Portal) at sa iba pang press na naiwan sa WTC nang bigla itong dumating.
"I just came here as a friendly hello," aniyang nakatawa.
Sinabi pa niya na eventually raw ay lilipat din siya sa TV5, tinatapos lang niya ang kontrata niya sa Showbiz Central.
"I have a contract that runs till May with GMA. But it's for Showbiz Central, I'm not a contract artist of GMA-7," paliwanag niya.
Wala bang counter-offer ang Kapuso network para manatili siya?
"No, not really, no... GMA has been rather clear that my role there is for Showbiz Central and titingnan natin kung ang TV5 will be a little bit more, mas malaking opportunity kapag ready na akong mag-move."
WORKING WITH OLD FOES. Balitang magiging part siya ng showbiz news and talk show na Paparazzi at variety show na P.O.5. Dati niyang nakasamaan ng loob ang dalawang female hosts ng Paparazzi na sina Cristy Fermin at Ruffa Gutierrez. Hindi ba magiging awkward?
"Well, tingnan mo naman si Ruffa. Di ba, kaaway si Annabelle Rama at Cristy Fermin, so, there's really a lot of tension in the show. I think magiging okey naman kami. Ka-close ko naman si Raymond Gutierrez, so, I think, puwede naman siyang maging bridge for a relationship between Ruffa and I.
"Tapos naman kay Cristy, sobrang tindi ang away namin so, titingnan natin kung puwede kaming maging okey."
Hindi ba siya naiilang na magiging katapat ng Paparazzi ang panggagalingan niyang show?
"Okey naman ako to be in that position... I think that's just really the nature of the business... Financially it's better, so why not, di ba?"
SAD TO GO. Kung meron daw siya talagang ikinalulungkot sa mga career decisions na ginagawa niya ngayon, ito raw ay ang mga iiwan niyang mga staff.
"We're like a family there. Pero siyempre, you know, at the end, you just have to realize that there's also a business aspect to it and you should, you know, think about that."
Dagdag pa niya, "Noong isang araw nga, naiiyak nga ako when I was talking to some management people in GMA with the thought of there might be a possibility that it won't work out between us... I was actually teary-eyed because, you know, I love these people."
Sa huli, diretsahan naming tinanong kung anong buwan siya magiging isang Kapatid na?
"Ay naku, whenever it allows me to... Right now, there's also something that I'm looking into... I also try out for other things. I auditioned for Amazing Race in AXN and that will take a month. We'll see... If that happens, I'll find out in a couple of weeks, audition lang yun, e."
Kung matatanggap daw siya run, it will only take around 24 days.
"Sayang din yun, di ba? Mga five million din yun," lahad niya.
Pero talaga raw he's looking forward to working at TV5.
"Yes, it's a great place. The environment is nice. The energy of TV5 is very exciting. If I'll get an opportunity to work in this company, I'll take it."