Bruno Mars produces latest single of Charice titled "Before It Explodes"

IMAGE 0


Charice is set to release her new single "Before It Explodes" this month, with Filipino-American singer-composer Bruno Mars as producer of the single.


Bago pa ang nakatakdang muling pagbabalik sa Glee at ang pagpapalabas ng Hollywood movie niya, lalabas muna ang bagong single ni Charice na "Before It Explodes."

Pasa-pasahang tweets ng mga fans at kapwa celebrities ni Charice ang nagbalitang ang Filipino-American na si Bruno Mars pa nga raw ang producer ng bagong single ng Pinay international singing sensation na nakatakdang i-launch daw sa April 18.

Sa Amazon.com naman na may 30-second audio clip ng kanta, naka-announce na April 19 ang release nito.

Sa interview ni Philippine Star columnist at TV host na si Ricky Lo, kinumpirma ni Bruno Mars ang pagpo-produce ng bagong single na ito ni Charice.

Kaya nga lang, "Before They Explode" ang nakasulat sa interview ni Lo kay Bruno, ngunit nagbanggit naman ng ilang isang linya mula sa kanta ang Filipino-American singer-composer na galing mula sa kantang aawitin ni Charice.

Ang "Before It Explodes" ay unang ni-record ng British X-Factor season 5 winner na si Alexandra Burke. Unreleased pa rin ang version ni Alexandra na, ayon sa YouTube, ay produced at composed din ni Bruno Mars.

Si Bruno ay gumawa rin ng kanta para sa iba pang artists noon, tulad ng "F*@!k You / Forget You" ni Cee Lo Green at "Right Round" ni Flo Rida.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN