Andrew Wolff was Mr. Fu's special guest on his birthday

IMAGE 0


"Pag kausap mo siya, may sense siyang kausap. So iyon yung okay sa kanya, na akala natin, di ba, parang basagulero, ganyan. Pero ngayon, parang nagbabago na siya, soft-spoken, ganyan. At nagba-violin!" says Mr. Fu about Andrew Wolff.


Ang model-actor na si Andrew Wolff ang special guest ni Mr. Fu sa nakaraang birthday celebration niya na ginanap sa isang spa.

Ni-request ba niya si Andrew?

"Hindi naman," tanggi niya.

"Hindi, kasi si Andrew, nakasama ko siya sa P.O.5, tapos ano, nakakasama ko sa dressing room.

"So, kuwentu-kuwentuhan kami, ganyan. So, mabait na tao pala si Andrew," kuwento ni Mr. Fu sa PEP.ph (Philippine Entertainment Portal).

Gaano sila ka-close kapag nasa dressing room? Gaano sila kakumportable?

"Usap lang, mga buhay-buhay."

Nagbibihis ba ang hunky model kahit kaharap siya?

"Oo!"

Hanggang saan naghuhubad si Andrew sa harap niya?

"Hanggang dito lang, pang-itaas lang. Ibaba, 'wa!" tawa ni Mr. Fu.

Attractive ba si Andrew para sa kanya?

"Oo naman!" sambit niya.

"Sino ba naman...magiging choosy pa ba ako, di ba? In fairness."

Pero kahit given the chance, ayaw ni Mr. Fu ng karelasyong celebrity.

"Huwag na, magulo!" aniya.

Paano kung mahal niya?

"Kung mahal ko, keri lang," sagot ni Mr. Fu.

"Pero hangga't maaari huwag na, huwag na yung nasa showbiz."

SPECIAL GUEST. So, bakit nga si Andrew ang special at nag-iisang guest ng birthday celebration niya?

"E, kasi tinutukso ako ng manager ko doon," sabi ng radio-TV host.

Incidentally, iisa ang manager nina Mr. Fu at Andrew—si Noel Ferrer.

"Siyempre naman, choosy pa ba ako, e, guwapo naman niya.

"Hindi ako nag-request..."

Pero biglang nag-react ang manager ni Mr. Fu na si Noel, na kaharap din namin habang kausap ang kanyang alaga. Aniya, "Huwag magsisinungaling!"

Paliwanag naman ni Mr. Fu, "Well...it was a joke.

"Nung tinanong ako kung sino ang gusto kong guest ko, sabi ko si Andrew Wolff, but it was a joke.

"Sineryoso nila."

Hindi nga raw niya alam bago siya pumasok sa spa na naroroon si Andrew.

"Hindi, hindi ko alam, surprise talaga.

ADVERTISEMENT - CONTINUE READING BELOW

"Actually, bago niya ako sinorpresa sa spa, tatlong beses niya akong sinorpresa.

"Una sa Pinoy Samurai [TV5 show], nagpunta siya doon, nagkainan kami ng hotdog...

"Kasi may contest sa Pinoy Samurai na kakainin mo yung hotdog, pero naka-blindfold ako."

Sumayad ba ang lips niya sa lips ni Andrew?

"Slight! Slight!" ang tawa nang tawang reaksiyon ni Mr. Fu.

"Sa radio naman, nagra-radyo ako, bigla siyang dumating dun, a day after my birthday."

June 8 ang birthday ni Mr. Fu.

May regalo sa kanya si Andrew?

"Wala! Wala, o!" tawa niya.

"Iyon na, yung pagpunta niya, yung sinorpresa niya ako.

"Tatlong beses, yung pangatlo yung spa.

"Hindi ko na nga in-expect yung pangatlo kasi dalawa na, kaya akala ko iba na, hindi na siya. E, siya pa rin."

OPEN RELATIONSHIP. What if madiskubre niya na open pala si Andrew na makipagrelasyon sa kanya?

"Game, game!" tawa niya ulit.

"Uy, joke lang!"

Nang sabihin namin kay Mr. Fu na may girlfriend si Andrew, ang mabilis na sinabi ni Mr. Fu ay, "Wala na sila. Wala na sila, o! Ha! Ha! Ha!"

Bakit alam niya?

"Hindi, kasi tinanong ko siya kung single siya, sabi niya oo daw.

"He said it on air sa radio. Wala siyang girlfriend."

Ano ang pinakagusto niya kay Andrew physically?

"Kaha niya, kasi ang ganda ng katawan niya, di ba?

"May sports siya, nagra-rugby siya."

Sa pagkatao niya?

"Ano siya, e, may ano siya, e... Pag kausap mo siya, may sense siyang kausap.

"So iyon yung okay sa kanya, na akala natin, di ba, parang basagulero, ganyan.

"Pero ngayon, parang nagbabago na siya, soft-spoken, ganyan,

"At nagba-violin! Nine years old pa lang siya nagba-violin na siya.

"Nag-stop siya for three years, I think, so gusto niya mag- aral ulit."

Bakit alam na alam niya ang mga bagay na ito about Andrew?

ADVERTISEMENT - CONTINUE READING BELOW

"Siyempre may mga interview portions," sagot ni Mr. Fu.

Si Mr. Fu ay single. Kailan siya huling nagkarelasyon?

"Hindi ko na matandaan."

"ANG LAKI!" Paano niya ide-describe niya si Andrew in one word?

"Ang laki! Ay, two words pala yun!" tawa ni Mr. Fu.

Malaki ang alin?

"Malaking tao!"

Textmates sila?

"Oo, tumatawag."

May time ba na lumabas sila ng sila lang?

"Hindi, kasama namin siya," sabay turo niya kay Noel Ferrer.

So, bawal silang magkarelasyon dahil magkapatid sila sa manager?

"Kaya nga hindi kami puwedeng magpatulan kasi kapatid ko siya, bawal ang incest! Bawal ang incest!" at muli siyang humalakhak.

Bakit lumipat si Andrew kay Noel; niyaya ba ni Mr. Fu?

"Dahil gusto niya," sagot nito.

"Tinanong niya ako, kaya sabi ko, e, di kausapin mo.

"Tinanong niya lang ako kung sino manager ko, tapos tinanong niya kung okay ba si Noel.

"Sabi ko, oo, kausapin niya. Tapos sila na nag-usap. Wala na akong kinalaman doon."

Magkaklase din sila ngayon ni Andrew sa culinary school, so mas close sila ngayon.

"Tama! Naman! Ha! Ha! Ha!"

Panno naman niya ikukumpara niya si Andrew sa pagkain?

"Bulalo! Kasi matigas sa labas malambot sa loob."

Binanggit namin kay Mr. Fu na in gay lingo, ang "bulalo" ay nangangahulugang silahis, "paminta," closet queen, or bisexual ang isang lalaki.

Kaya sabi niya, "Ay! Hindi ko alam yun!

"Ay, palitan natin, huwag iyon!

"Sinabi kong bulalo, na matigas sa labas pero malambot sa loob kasi, di ba, ang laki ng katawan niya, tapos ang bait niyang tao.

"Ganun ang ibig kong sabihin.

"O siya, huwag na bulalo. Hindi, paella na lang. Dahil malinamnam na maraming sahog.

"Marami kang makukuha sa kanya, marami kang mapupulot na mga bagay-bagay.

"Parang paella, maraming ingredients."


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN