Marian Rivera sad as Amaya comes to an end; looks forward to new teleserye with real-life boyfriend Dingdong Dantes

IMAGE 0

Sa January 13 na ang huling episode ng Amaya. Inaabangan din ang susunod na project ni Marian Rivera (photo above), kasama ang real-life boyfriend niyang si Dingdong Dantes. Ito angsoap na My Beloved.

"Hindi naman sa mas masaya, pero, ang ganda na sa pagpasok ng bagong taon, ang ine-expect ko, magpapahinga muna ko. Tapos, sitcom lang ako. So ngayon, sabay na," she says.



Two more taping days at sa Biyernes, January 13, na ang finale ng kauna-unahang epicserye sa bansa, ang Amaya.

Maituturing na isa na rin ito sa longest-running primetime series sa ngayon, at sa loob ng panahon na umere ito mula umpisa hanggang sa huling linggo ay masasabing top-rater.

Isang masayang Marian Rivera ang nakipag-kuwentuhan sa ilang entertainment press, kabilang na ang PEP.ph (Philippine Entertainment Portal), nang magkaroon ng press visit sa set kahapon, January 6, sa Marilao, Bulacan.

Ani Marian nang matanong ito tungkol sa pagtatapos ng epicserye, "Nakakaiyak kasi, napag-usapan nga namin kahapon, naka-sampung buwan kami sa Amaya.

"Actually, isa ito sa pinakamahaba. Kasi, mahaba rin ang Marimar at saka Dyesebel, then ito nga."

Ang Marimar at Dyesebel ay pinagbidahan din ni Marian sa GMA-7.

Hindi nga raw maiwasan ang makaramdam ng lungkot si Marian sa pagtatapos ng Amaya.

"Nalulungkot ako, naiiyak ako.

"Kasi, parang, kami ni Direk [Mac Alejandre], nag-uusap kami. 'Direk, mami-miss kita.'

"Kasi, halos after Endless Love, siya na naman ang kasama ko. Ang haba namin.

"Tapos, dito rin yung nagkaroon ako ng maraming kaibigan, naging close ako sa mga co-stars ko rito.

"So, nakakalungkot lang na magtatapos na, pero, siyempre, ganoon naman ang show. Palaging nagtatapos. Ang haba kasi," nakangiti niyang sabi.

Ngayong nasa huling linggo na nga sila, ano ang mga aabangan ng manonood sa pagtatapos nito?

"Marami! Kasi, maraming magbabati, maraming mamamatay at maraming mabibigyan ng leksiyon."

Happy ending ba?

"Ang soap opera naman, palagi namang happy ending dapat.

"Kahapon [Thursday] ang isa sa pinakamalaki naming fights.

"Medyo mahirap kasi, yung mga fight scenes noong simula, medyo dumoble pa siya kahapon. Lalo na sa gagawin namin sa Monday.

"Medyo mahirap kasi, ang dami. Tapos, 'eto na yung paghaharap namin ni Lamitan. Yung final na paghaharap namin. "

SHE LEARNED A LOT. Marami raw siyang natutunan habang ginagawa ang Amaya.

ADVERTISEMENT - CONTINUE READING BELOW

Ayon nga kay Marian, "Lahat e. Unahin ko na siguro sa salita. Mga salita rito malalalim, marami akong natutunan.

"Nahirapan na akong ialis. Minsan, kahit may interview ako, minsan, natatanggal ko ang mga dapat hindi.

"Bawal ang mga salitang nakuha sa Spanish. Hindi puwede ang 'puwede'; 'maaari' dapat.

"Yung malalalim na salita, minsan, yun ang nagagamit ko. Na-adapt ko siya, bilang sampung buwan akong nag-taping."

Dugtong pa niya, "Tapos yung mga costumes... Pati yung mga uripon. Hindi ko naman alam yun dati.

"Ang alam ko lang, slave, alipin, yun pala, uripon ang mga 'yan. Alam ko naman na may prinsesa, hari, pero, ang tawag pala sa kanila, mga hara.

"Ang datu pala, pinakamataas na 'yan. Ang pangalan ng Diyos nila, hindi naman Father, God. Kung hindi Diwata, Umalagad—so, marami akong natutunan.

"At higit sa lahat, ang pakikipag-kapwa-tao... At dahil doon, marami talaga akong naging kaibigan, halos lahat."

Kung tutuusin nga, dito siya halos hindi ginawan ng intriga, lalo na sa co-stars niya.

Natatawang sabi ni Marian, "Hindi sa walang masyado, wala talaga at all! Si Lamitan lang, sa soap."

REUNION WITH DINGDONG. Maganda raw ang susunod na project ni Marian kasama ang real-life boyfriend niya na si Dingdong Dantes.

Ito angsoap na My Beloved.

Masaya niyang kwento, "Oo naman! Hindi naman sa mas masaya, pero, ang ganda na sa pagpasok ng bagong taon, ang ine-expect ko, magpapahinga muna ko.

"Tapos, sitcom lang ako. So ngayon, sabay na."

Biro nga namin kay Marian, siya na talaga ang babaeng walang pahinga.

Natatawang sabi naman niya,"Okay lang yun. Hangga't kaya, hangga't bata."

Dapat nga ay ang sitcom na niya ang susunod niyang gagawin, pero, mamu-move muna raw ito.

"Gagawin ko rin yun, pero, ini-adjust ko muna. Magka-kambiyo muna ko rito sa My Beloved.

"Kapag nakapa ko na, saka na ko magsi-sitcom."

ADVERTISEMENT - CONTINUE READING BELOW

Made-delay pa ang sitcom niya?

"Parang ganoon na nga. Ayoko kasi ng sabay-sabay tapos, hindi ko maiintindi lahat.

"So, kapain ko muna itong My Beloved, kapag medyo okay na 'ko, e, 'di mag-sitcom na ko.

"Tutal once a week lang naman ang sitcom at comedy naman."

Ayon kay Marian, ang alam daw niya, sa unang linggo ng My Beloved ay wala namang mababago as na-i-tape na.

Pero sa ikalawang linggo, posible raw na marami na ang mabago.

Ayon pa kay Marian, "Marami raw silang i-a-adjust para sa akin."

May balitang ipapaputol daw ni Marian ang kanyang buhok for My Beloved, pero nakangiti nitong pinahindian ito.

Aniya, "Hindi! Ano ba?"

Sabay parang napaisip at nakangiting humirit ng, "Malay mo."

Pero may naiisip ba siyang gagawin para makalimutan muna ng manonood na si Amayasiya at bago na ang kaniyang character sa My Beloved?

Lalo na't sa February 13 na ang pilot ng bagong primetime series niya?

"Actually, sa January 11, imi-meet ko ang buong production nila. Mag-o-open sila sa akin kung ano ang character ko, ano ang dapat kong gawin.

"Hindi ko pa rin alam ang character ko, focus muna 'ko sa Amaya."

SECOND CHOICE. Tila expected na ni Marian na tatanungin siya sa pagiging second choice niya para sa My Beloved.

Alam naman ng lahat na si Rhian Ramos ang unang choice para sa role.

Pero dahil na rin sa kontrobersiyang kinasangkutan ni Rhian kamakailan, ito na ang nagdesisyong umalis sa soap.

Does Marian mind being second choice?

"Kahit pang-sampung choice pa ako, okay lang.

"Ang importante, ako ang gagawa at ako ang pinagkatiwalaan na maging partner ni Dong."

May balitang triple raw ang talent fee niya sa My Beloved, totoo ba?

"Smile na lang ako," natatawang sabi niya.

"Basta ang masasabi ko lang, 'binigay ng GMA ang mga hiniling ng manager ko para sa akin."

ADVERTISEMENT - CONTINUE READING BELOW

Ang manager ni Marian sa simulat-simula ay si Popoy Caritativo.

Did Dingdong factor in her decision to accept the role in My Beloved?

Ayon naman kay Marian, "Sabi ko nga, ang ganda ng pasok ng taon ko.

"Akala ko, magpapahinga ko. Akala ko, sitcom lang.

"Ngayon, magkakaroon pa ako ng trabaho, at may bonus pa, partner ko pa si Dong, so, ano pa ba ang hihilingin ko?"

Kinamusta rin namin kay Marian ang kanyang nagdaang Christmas at New Year.

Makikitang masaya at kuntento nga ito sa mga nangyayari sa buhay niya.

Nakangiting kuwento pa rin niya, "Masaya. Happy. Siyempre kasama ko ang family ko, kasama ko si Dong, kasama ang family ni Dong. Masaya!"

Kasama rin siya sa Boracay nang magpunta ro'n si Dingdong at ang pamilya nito.

"Yes, treinta kami!" nakangiting sabi pa niya. "Wala ngang tulugan do'n dahil kain-kain, swimming, kuwentuhan."

What about New Year?

"Secret!" natatawang biro pa niya. "Bago maghiwalay ang taon, kasama ko si Dong sa family niya. Tapos, noong umaga ng January 1, sa Cavite na kami."

SHARING THE BLESSINGS. May isang magandang ugali si Marian kaya naman she is blessed. Ito ay ang pagsi-share niya ng blessings na natatanggap niya.

Natuloy rin daw ang pamimigay niya ng mga de lata at bigas sa mga kapitbahay nila sa Cavite.

Kuwento ni Marian, "Marami yun. Hindi ba, parang may stubs ba ang tawag do'n, kung sino ang isang daan na maagang pumunta sa bahay."

Natatawang kuwento ni Marian na alas-singko pa lang daw yata ng umaga, may nagpunta na sa bahay nila sa Cavite.

"Sabi ng lola ko, 'Magsisimba muna ko.' Pagkasimba ng lola ko, hayun na!"

Hindi lang ngayong taon ito ginawa ni Marian.

Aniya, "Palagi naman e, every year, ginagawa ko yun. Ang maganda lang, every year, nadaragdagan nang nadaragdagan ang mga laman ng 'binibigay ko.

ADVERTISEMENT - CONTINUE READING BELOW

"Dati kasi mga pagkain lang, noodles, mga de lata na puwedeng kainin. Ngayon, may bigas nang kasama."

Biniro ulit namin si Marian na, imagine na lang kapag mayor na siya ng Cavite.

Mabilis na napa, "Huwag! Ano ba, ayokong maging mayor," natatawa niyang sabi.

O, sige, First Lady na lang, hirit namin sa kanya.

"O, yun, puwede," natatawa niyang sabi. "Huwag mayor."

DINGDONG'S WIN. Magkasama sina Marian at Dingdong sa Boracay nang itanghal ang huli bilang Best Festival Actor sa nakaraang Metro Manila Film Fesrtival.

Ano naman ang naging reaction ni Marian nang malaman ang pagkapanalo ng kasintahan?

"Ay, hindi namin ine-expect.

"Sabi ko nga, 'yan ang masarap na pakiramdam na wala kang inaasahan na kusang dumarating sa 'yo.

"So, magkasama kami noon at pareho kaming, totoo ba?

"Para kaming 'Wow!' Heaven ang feeling namin na nanalo siya at unexpected talaga.

"Kasama pa namin yung family niya—okay, cheers! Ang saya-saya kasi wala kang ine-expect."

Para kay Marian, expected na rin daw na hindi naman lahat ay masaya sa pagkapanalo ni Dingdong.

Ang sabi niya, "Well, ganoon talaga ang pagiging artista. Hindi puro saya, hindi puro papuri.

"Palagi talagang may magki-criticize sa 'yo. At sa pagki-criticize na 'yan, diyan ka magiging magaling at mabuting tao."

Tinanong din si Marian kung isa rin ba sa wish niya ngayon ay ang manalo ng award.

Nakangiting pahayag nito, "Alam niyo po, ang artista naman, siyempre, palaging sa lahat ng ginagawa niya, gusto na pinupuri.

"Siyempre, lahat naman nga artista, gustong magka-award, pero, kung hindi mo pa time at merong mas magaling sa 'yo, okay lang.

"As long as may trabaho ka at ginagawa mo ang 100 per cent sa trabaho mo, siguro okay lang yun."

When is the right time to win an award?

"Matagal na akong may award," nakangiting sabi niya.

"Sa trabaho ko pa lang, marami akong [projects] at para sa akin, award na yun.

ADVERTISEMENT - CONTINUE READING BELOW

"Tapos, siyempre kay Dong, sa family ko at sa mga bago kong kaibigan, para sa akin, yun ang totoong award."

Sa movies naman daw, marami ang naka-line up.

WEDDING PLANS? Siyempre pa, sa huli, hindi nakaligtaan ng PEP na itanong kay Marian ang tungkol sa kasalan.

Hirit naman niya, "You can never can tell! Kapag si God ang nag-call, wala kang magagawa. Kapag hindi natuloy, wala ka pa rin magagawa."

Magugulat na lang ba ang mga tao na ikakasal na pala siya?

"Manggulat? Hindi ako nanggugulat kasi very transparent ako na tao.

"Kapag may gusto akong i-share, isini-share ko naman yun."

E, yung bigla na lang silang magpapakasal?

Ayon naman kay Marian, "Hindi naman puwede yung biglaan. Ang kasal kasi para sa akin, hindi biglaan 'yan.

"Kailangan pinagpa-planuhan 'yan dahil, sa isang babae, 'yan ang pinaka-mahalagang nangyayari sa buhay niya.

"Moment niya 'yan, e."

Hindi pa ba talaga nagpo-propose si Dingdong sa kanya or hindi ba talaga nila napag-uusapan?

Ayon kay Marian, "Hindi! Kasi siguro dati, medyo nagdyu-joke kami, pero hindi pa ganoon kalalim ang relationship namin.

"Pero ngayon na lumalalim ang relationship namin, wala na sa amin yung o, 'Ganito tayo ha...'

"Hindi kami nagdi-detalye."

Dugtong pa niya, "Si Dong kasi ang taong masurpresa at hindi mo aakalain na gagawin niya, at ganoon din naman ako sa kanya."

Nararamdaman niya ba na this year na nga?

"Ay, ayokong pakiramdaman. May tendency na aasa ka, tapos, wala!

"Pangungunahan mo, tapos, hindi ka na mae-excite, ang pangit, e."

Kung yayain siya ni Dong any time, handa na ba siya?

"Ang plastic ko naman kung sabihin kong hindi, 'di ba?

"Pero teka, check ko muna ang contract ko ha?

"Okay check! May isa pa ko ha," natatawa niyang sabi.

"Check ko muna kasi may mga endorsement din naman siyempre ako."

Sinabi namin kay Marian na, obviously, super love naman siya ni Dingdong dahil kahit sa sariling opisina nito, puro pictures niya ang makikita at kahit sa wall paper ng computer nito.

ADVERTISEMENT - CONTINUE READING BELOW

Nakangiting sabi naman ni Marian, "Oo nga, ewan ko ba sa kanya!"

Dagdag pa niya, "Kasi minsan, ang maganda sa amin ni Dong, halimbawa ganito, busy ako sa taping. This Saturday, wala kong gagawin, okay date tayo.

"So, mag-aayos ako, mag-aayos siya. Parang first day na naman. Parang ganoon.

"Hindi kami nawawalan ng ganoon.

"Kaya siguro mas tumatatag at mas exciting ang relationship namin."

Sinabi ni Dingdong sa KrisTv na kumpleto na ang buhay niya, pero mas nakumpleto noong dumating si Marian.

Masayang sabi naman ng aktres, "Salamat naman. At palagi naman siyang walang araw na hindi sinasabi na thankful siya at pinapasaya ko siya at masaya siya sa kung anong meron kaming dalawa."

May kinakatakutan ba siya sa relasyon nila?

"Isa lang ang kinakatakutan ko. Ang mawalan ng mahal sa buhay.

"Pero the rest, alam ko na habang may buhay, may paraan at may solusyon. So, bakit ka matatakot, 'di ba?"


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN