Gretchen Barretto downplays "intimidating presence"; praises KC Concepcion and Angelica Panganiban

IMAGE Mark Gacer

Gretchen Barretto on her so-called "intimidating presence": "Parati nilang sinasabi na nai-intimidate sila. Ewan ko ba kung bakit. Bakit ba? Malakas ba ang dating ko?"

On her Alta co-stars Angelica Panganiban and KC Concepcion: "What I can say is that she [KC] is hungry to be a good actress and that is a good thing. That is a good thing. And nakilala ko si KC and si Angelica through the workshop and I love them.


Isang nakangiting Gretchen Barretto and dumating sa Baume and Mercier timepieces press conference kanina, ilang minuto bago mag-8 p.m. sa Fashion Walk ng Glorietta 5, Makati.

She was her usual glamorous self. "Blooming" ang comment sa kanya ng isang kasamahang entertainment writer.

Pagkatapos ng maiksing programa, nagpaunlak na agad si Gretchen ng interview.

Unang tinanong sa kanya ang pagkabanggit ng kanyang pangalan sa isang memorable at quotable line sa No Other Woman, na paulit-ulit naririnig tuwing ipapakita ang trailer ng blockbuster hit.

Ito ang dialogue ni Carmi Martin sa kanyang anak, played by Cristine Reyes: "I-pack up mo na si Lucy Torres. Ilabas mo na si Gretchen Barretto. Ako na ang bahala sa red stilletos mo!"

Meaning, si Greta (palayaw ni Gretchen) ang ginawang simbolo ng isang palabang babae.

"Naging inspirasyon ko din ang No Other Woman," sabi ng aktres.

"After watching that movie, No Other Woman, sabi ko, a, panahon na talaga na lumaban in many ways.

"Ang laban, hindi naman puro tarayan at murahan, but in many other ways."

Para kay Gretchen, compliment ang paggamit ng kanyang pangalan sa dialogue sa movie.

"Sabi nga nila naka-arrive ka na daw pag ginamit ang pangalan mo [sa dialogue sa movies].

"I said, 'Oh, thank you very much.'"

BEFRIENDING CRISTINE REYES. Natanong ang isa sa mga bida ng No Other Woman, si Cristine Reyes, kung puwede raw ba niyang maging kaibigan si Gretchen Barretto.

Sagot daw ni Cristine ay mukhang di siya bagay mapalapit kay Greta dahil tingin niya ay "mataas" ito at "sosyal." Di raw gaya niya na "jologs."

"Ay naku, natutuwa ako sa mga jologs!" natatawa namang sabi ni Greta.

"Gusto ko rin matuto ng gano'n. Para maiba.

"At least I can learn from her."

ALTA. Sunod na kinumusta ang pagsisimula ng teleseryeng Alta, na medyo matagal na ring napapabalita.

ADVERTISEMENT - CONTINUE READING BELOW

"Sa 19 [nitong Oktubre], magsu-shooting na ko," maagap na sabi ni Gretchen tungkol sa bago niyang proyekto sa ABS-CBN.

Excited ang mga tao na malaman kung ano ang magiging role niya sa Alta. Mahirap ba ito o magaan lang?

"Walang madaling role na ibibigay sa 'kin because I want to give my best as an actor," sagot ni Gretchen.

"An as an actor, kailangan ang role mo, hindi madali.

"Para ma-enjoy ng tao, gusto ko ibang Gretchen ang makita nila. All facets ang makita nila.

"And, of course, alam natin na magaling na magaling si Angelica [Panganiban].

"And, of course, si KC [Concepcion]. Nag-workshop kami, magaling si KC. I'm very proud [of her], and I believe we're ready to work."

Ang Alta ay tungkol sa buhay ng mga nasa mataas na antas ng lipunan, or alta-sosyedad. Mayaman ba siya sa Alta, o mahirap?

"Alta ako. Isang anak-mayaman but mero'ng mga twists.

"So, challenging yun, kasi di naman talaga ako anak-mayaman sa totoong buhay," pahayag ng aktres.

FIRST WITH THEM. Bukod kina Angelica at KC, makakasama niya rin sa Alta sina Sam Milby, Zanjoe Marudo, at Luis Manzano.

"I'm very excited, first because I'm gonna be working with Sam," sambit niya.

"It's gonna be fresh. First time I'm gonna be working with Sam and with Luis and with Zanjoe.

"So, exciting."


KNOWING KC AND ANGELICA. Tanong ng isang kasamahan sa press kung ano ang naramdaman niya with KC during the workshop.

"A, whatever happens in the workshop, stays in the workshop. Workshopper ako ng isang taon, so I respect that.

"What I can say is that she [KC] is hungry to be a good actress and that is a good thing. That is a good thing.

"And nakilala ko si KC and si Angelica through the workshop, and I love them. I love them as a person. And I'm excited to work with them.

ADVERTISEMENT - CONTINUE READING BELOW

"Na bukod sa maganda sila, bukod sa totoong tao sila... a, normal din silang tao.

"Hindi lang sila mga artista na puro palamuti, pero they have depth.

"At mero'n rin karanasan sa buhay," saad ni Gretchen.

Pero ano ang masasabi niya na medyo naiilang daw sina Angelica at KC pag kasama nila si Greta?

"Parati nilang sinasabi na nai-intimidate sila. Ewan ko ba kung bakit.

"Bakit ba? Malakas ba ang dating ko?" balik-tanong ni Gretchen.

"We will have a great time, I promised them," naka-smile namang patuloy nito.

Nahirapan ba siya sa kanilang workshop?

"Alam mo, as a workshopper, dapat walang mahirap na eksena.

"I would call it a challenging role. Pero, sa dami ng karanasan namin sa buhay, I'm sure... a, marami kaming magagamit na in store para sa Alta.

"So, you'll have something to look forward to."

OTHER PROJECTS? Kung may offer para sa kanya na gumawa ng indie film, tatanggapin niya?

"That's really far out for now because of the schedules.

"And I cannot join Cinemalaya for the simple reason that Tony [Cojuangco, her partner] heads Cinemalaya, and it's unfair that I join it.

"But I would love to join," dire-diretsong sagot niya.

Plano ba niyang magkaroon uli ng record album?

"Far out pa ang album ngayon. I'm so into acting right now.

"So, ang una ko, Unexpected... Complicated. The next, Disappointed?" biro pa niya sabay tawa.

"Or, a... Fooled? Di ba?

"I don't know if my next album is Fooled!" tawa niya nang malakas, sunod ang kanyang pasalamat sa amin at pagpapaalam.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN