Willie Revillame asks court to dismiss ABS-CBN counterclaim against him

IMAGE Noel Orsal

As the Court of Appeals dismissed the copyright infringement case against Willie Revillame, the TV host through his counsel pleads that, "the pending motions of defendant ABS-CBN emanating from its counterclaims should be denied outright by the honorable court."


Hiniling ng TV host na si Willie Revillame sa Quezon City Regional Trial Court Branch 217 na ibasura na ang counterclaim na inihain ng dati niyang network na ABS-CBN laban sa kanya.

Ito ay kaugnay ng kanyang hindi tinapos na kontrata sa kanila noong nakaraang taon.

Ayon sa artikulong lumabas sa isang national daily ngayong araw, September 13, ang hiling daw na ito ni Willie ay binase niya sa inilabas na desisyon ng Court of Appeals kamakailan lang.

Dito'y sinabi ng Court of Appeals na iisantabi na ang kasong copyright infringement laban sa TV host sa Makati City Regional Trial Court Branch 66.

Noon daw September 7, Miyerkules, pumunta ang legal counsel ni Willie na sina Lemuel Santos at Dennis Espejo, sa opisina ni Judge Santiago Arenas sa Quezon City Regional Trial Court Branch 217.

Sa kanilang pahayag, sinabi nilang nasa desisyon daw ng Court of Appeals na nilabag ng ABS-CBN ang rule sa "forum shopping."

Ayon sa kanilang pahayag, "With the finding of the Court of Appeals, that herein defendant ABS-CBN violates the rules on non-forum shopping, its counterclaims against plaintiff Revillame in the instant case can be dismissed already with prejudice."

Dagdag pa nila, "As such, the pending motions of defendant ABS-CBN emanating from its counterclaims should be denied outright by the honorable court."

"NO GROUND TO PROCEED." Matatandaan na noong nakaraang taon ay nagsampa ng kasong copyright infringement ang ABS-CBN laban kay Willie.

Ito'y dahil daw ginaya ng bagong show ni Willie sa TV5 na Willing Willie ang format ng dating show nito sa Kapamilya network na Wowowee. (CLICK HERE for related article.)

Pero paniniwala naman ni Willie, wala nang dahilan para ipagpatuloy pa ang hearing sa mga naturang kaso dahil tapos na ang kanyang kontrata sa ABS-CBN noong Agosto ng nakaraang taon.

Aniya, "There is no more ground to proceed with the hearing for the issuance of a preliminary injuction."

ADVERTISEMENT - CONTINUE READING BELOW

Kaugnay pa nito, sinabi rin ng counsel niya na ibinasura ng Court of Appeals ang desisyon noon ni Judge Joselito Villarosa ng Makati City Regional Trial Court Branch 66, na ipahinto ang pag-ere ng Willing Willie.

Ang ibig sabihin daw nito'y napawalang-bisa na rin ang copyright infringement case laban kay Willie.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN