COUPLES WATCH. Nikki Gil on Billy Crawford: “This is the kind of person I want to be with for the rest of my life.”

IMAGE Noel Orsal


Nikki Gil (left) and Billy Crawford (right) have been together for five years and their relationship has become stronger and stronger over the years. Their secret? “What’s different with our relationship compared to other relationships is that it is God-centered,” Nikki proudly said.


Bibihira sa showbiz ang mga magkasintahang nagtatagal ang relasyon.

Ang magkaibang oras ng trabaho, iba’t ibang nakakasalamuha, at mga kontrobersiya ang ilan sa mga itinuturong dahilan ng pagbagsak ng relasyon ng isang showbiz couple.

Pero tila kabilang sina Nikki Gil at Billy Crawford sa mga magkasintahang mayroong matatag na relasyon dito sa industriya.

Nagkaroon ang PEP.ph (Philippine Entertainment Portal) ng pagkakataon na eksklusibong makapanayam si Nikki tungkol sa kanilang relasyon ni Billy.

Komportableng umupo ang TV host-actress matapos ang kanyang rehearsal para sa musical play na They’re Playing Our Song noong Pebrero 1, sa Philippine Opera Company sa Bautista St., Makati City.

Matapos pag-usapan ang kaunting detalye tungkol sa kanyang musical play, malugod na sinimulan ni Nikki ang kuwento kung paano sila nagsimula ni Billy.

HOW IT STARTED. Unang nagkakilala sina Nikki at Billy sa reality talent show na Pinoy Dream Academy noong 2006, kung saan sila nag-host kasama si Toni Gonzaga.

Tandang-tanda pa ni Nikki ang suot nila ni Billy nang ipakilala sila sa isa’t isa sa photo shoot ng kanilang show.

Pag-alaala ng aktres, “Naka-hat siya na grey, tapos naka-green vest ako, gano’n, kaming tatlo ni Toni [Gonzaga], that’s how we first met.”

Pag-amin pa niya, “to begin with, crush ko na siya, I mean, sino ba naman ang walang crush sa kanya nang time na ‘yon, di ba?

“I remember high school pa lang [crush ko na siya].

“Hindi naman ako super fan, crush ko lang siya, di ba may gano’n, ‘yong hindi ka naman sobrang fan. Crush mo lang kasi cute, guwapo, galing gumalaw.

“Pero at first kino-convince ko pa ang sarili ko na kunwari hindi ako star-struck, kunwari dedma, pero ang cute niya…”

“Bango pa!” natatawang pahabol pa ng aktres.

FIRST IMPRESSION. Noong una silang magkita, hindi naisip ni Nikki na magkakaroon sila ng “romantic relationship” ni Billy.

ADVERTISEMENT - CONTINUE READING BELOW

Tanda pa nga raw niya, “when we were introduced by Direk Lauren Dyogi or EJ Salut, one of them said, ‘Hi, Nikki, this is Billy. You’ll be working together.’

“Parang sabi ng lolo mo, ‘I guess I’ll be seeing a LOT of you!’” sabay tawa niya nang malakas.

Pero taong 2008 hanggang 2009 daw sila nagsimulang ma-“develop” sa isa’t isa.

Bukod kasi sa Pinoy Dream Academy, magkasama rin sila sa Sunday variety show na ASAP at mayroon din silang “common friends.”

Tatlong taon na rin single si Nikki bago dumating sa buhay niya si Billy.

Katunayan ikinukunsidera pa nga niya ito na kanyang “first boyfriend.”

“The first one [boyfriend], five months lang. I was eighteen, parang hindi naman considered pa ‘yon,” paliwanag niya.

“But at first hindi namin iniisip na seryosohan, flirting lang,” pagtukoy niya sa madalas nilang pagkikita ni Billy.

“Kasi nga he’s gonna leave to go back to L.A. [Los Angeles], I knew that. So parang hindi talaga long-term ‘yong iniisip ko, pure date, fun, whatever.

“First time ko ginawa ‘yon.”

Gayunman, paglipas ng ilang araw, linggo, at buwan ay pinatunayan sa kanya ni Billy na hindi lamang pang-“fling” ang nararamdaman nito para sa kanya.

“Matiyaga siya, e, in-araw-araw niya ako, e!” tila kinikilig pang sinabi ni Nikki.

“I lived in Alabang, then ihahatid niya ako do’n, um-effort siya. E, no’ng time na ‘yon ang tagal ko na rin single, so umabot ako sa point na, ‘you know what, whatever, I’ll just start dating. Bahala na.’

“So sakto na when I let my walls down, na parang bahala na, dumating siya.”

PATIENT BILLY. Mula noong ligawan siya ni Billy, nakita na ni Nikki kung gaano ito kapasensyoso at kung paano ito magpahalaga sa kanya.

Isang patunay dito ay ang nangyari sa kanila kamakailan lang.

ADVERTISEMENT - CONTINUE READING BELOW

Kuwento ni Nikki, “Magkikita kami dapat for dinner. Hindi ko sinabi sa kanya kung nasaan ako.

“Tapos in-assume na lang niya kung nasaan ako, kasi nagre-rehearse ako, so hindi ko siya ma-text, hindi ko siya masagot.

“One hour naghihintay si Kuya!

“Hindi siya nagalit at all, hindi ako nakarinig ng ganyan, achuchuchu, ‘You should have told me,’ wala! Sabi niya lang, ‘It’s okay, don’t worry. It’s not a big deal.’

“Pagdating ko naka-order na siya para kakain na lang ako, gano’n.”

Ang isa pa niyang nagustuhan sa nobyo ay ang pagiging malapit nito sa kanyang pamilya.

“Billy is very respectful,” nakangiti niyang sinabi.

“Mahal na mahal niya ‘yong pamilya ko. Mahal na mahal niya ang family ko, maybe also because he’s here by himself and his family is in Texas. So he longs for that kind of interaction.

“But sobra niyang galang, you know, and mabait. Mabait siyang tao, alam mo ‘yon?

“Oo, sometimes he comes across us loud because he’s American, he deals with things differently.

“Pero mabait siyang tao, you’ll see it in the very core of him, he always has good intentions for everyone.”

SHOWBIZ COUPLE. Aminado ang ilan na mahirap kapag nakamasid ang marami sa inyong relasyon, lalo na sa kaso nina Nikki at Billy na parehong nasa showbiz.

Hindi ba nagdalawang-isip si Nikki na magkaroon ng relasyon sa isang taga-showbiz din?

Sandaling nag-isip ang dalaga, 'tsaka nakangiting sumagot.

Aniya, “For some reason I always know that I’ll end up with someone in the same industry because maiintindihan niya, e.

“I mean, maiintindihan niya what I went through, ano ba… and I’m attracted to… I’m an artist. So I’m attracted to people who are as passionate in the art as I am.

“I don’t think I’ll find that with a corporate person, I don’t know.

ADVERTISEMENT - CONTINUE READING BELOW

“I mean, you know, just the same… ah, hindi naman sa scared. I knew what I’ll be getting into, I know what I was getting into.”

Dagdag pa niya, bago pa niya pasukin ang relasyon na iyon ay alam na niyang magiging mahirap.

Pero giit niya, “Hindi rin naman kasi ako 'showbiz', you know, if we must use the derogatory [term]…hindi naman ako in that sense ‘showbiz.’

“Kasi when Billy and I get through things, we keep it to ourselves, you know.

“We don’t really like discussing it, not really like… unless it’s a good thing and, of course, we always like sharing good news.

“But hindi rin… it’s do-able, it’s possible. Kung puwede mo naman iwasan, kung puwede namang huwag pag-usapan, e, the press will respect you for it.”

CULTURAL DIFFERENCES. Samantala, hindi naman kaila sa marami na bagamat dito ipinanganak si Billy ay sa ibang bansa siya lumaki.

Katunayan, nang mag-migrate sila sa Amerika ay nagkaroon ng international singing career si Billy.

Bagamat magkaiba ng kulturang kinalakihan, hindi ito naging isyu sa relasyon nila ni Nikki.

“His mom is a Filipina, and he was always with his mom,” mabilis na tugon ni ng aktres nang tanungin ng PEP kung isyu sa kanila ang cultural differences.

“So ‘yong Pinoy values na-instill sa kanya, kung hindi na-instill sa kanya ‘yon, hindi na ako… wala siyang sense of parang ligaw, di ba?

“But he grew up here to start off, he’s been everywhere.

“Pero ‘yong everywhere na ‘yon he was with his mom, so he is very much Pinoy at heart. ‘Yong tipong pupunta sa bahay ko may dala pa rin, cute nga…

“Pinoy na Pinoy pa rin!”

BONDING. Siyempre, isa sa mga nagpapatibay ng relasyon ay ang bonding ng magkasintahan.

Dahil sa parehong mahilig sa musika sina Nikki at Billy, ito ang pangunahin nilang bonding.

ADVERTISEMENT - CONTINUE READING BELOW

Mahilig din raw silang magkuwentuhan.

Natatawa-tawa pa ngang kuwento ni Nikki, “Pagkahatid niya sa akin sa bahay, tatawagan pa niya ako kapag may nakalimutan siyang ikuwento.

“On his way home tatawag pa siya, ‘I forgot to tell you, achuchuchu,’ pagkauwi sa bahay at may nakalimutan, tawag na naman.

“Mahilig kaming mag-tik-takan.”

Bilib din ang aktres sa kanyang nobyo, dahil hindi katulad ng ibang lalaki, hindi ito naiinip na samahan siyang mag-shopping.

“Ano siya, sobrang bonggang shopping buddy!” pagmamalaki niya.

“Kasi di ba ‘yong ibang guys naiinip? Siya hindi, talagang sasamahan niya ‘ko, hindi siya mareklamo.

“Iiwan niya lang ako diyan, sabihin niya, ‘Sige, iwan muna kita, I’ll go to the Mac store or something,’ so hindi siya hassle kasama.”

LONG DISTANCE RELATIONSHIP. Mula nang magsimula ang relasyon nina Nikki at Billy, nasanay na silang laging magkasama.

Pero Abril 2012, kinailangang pansamantalang uamlis ni Billy patungong Paris para sa kanyang international singing career.

Ang mga panahong iyon, ayon kay Nikki, ay naging “challenge” para sa kanilang relasyon.

“Mahirap!” bulalas ng aktres.

“Kasi you want to be part of each other’s lives, you want to experience things together and when you don’t, it gets frustrating.

“Wala lang…”

Sandaling tumahimik si Nikki na parang inaalala ang mga panahong iyon.

At saka siya nagpatuloy, “Maraming bagay na, ‘sana nandito ka, kung hindi ka lang umalis,’ or siya rin, ‘Kung puwede lang kita isama.’

“So mahirap, pero you know, it’s challenging and relationships sometimes needs that for growth, I guess.

“The hardest part is when you celebrate important occasions apart, like his birthday.

“It was kind of depressing,” pag-amin ni Nikki.

“Kasi magka-Skype lang kami, tapos may cake ako [na hawak], ‘Happy birthday! Huhuhu.’

“Plus kasi, he’s so used to having me around na kasi wala ‘yong family niya, ‘yong family naman niya dito parang ako na ‘yon.”

ADVERTISEMENT - CONTINUE READING BELOW

AGE GAP. Bukod sa kanilang pagkakalayo ng ilang buwan, ang isa pang sumusubok kina Nikki at Billy ay ang kanilang mga away.

Normal naman ito sa magkasintahan, pero sa tuwing nagiging “irrational” na raw si Nikki, sumasaklolo na si Billy sa nanay ng kanyang nobya na si Mommy Julie.

“Si Billy kasi ano ‘yan, e, sumbungera sa nanay ko!” sinabi ni Nikki sabay tawa nang malakas.

“Sinusumbong niya ako sa mommy ko, lalo na kapag nagiging ano na ‘ko…minsan kasi irrational ako. Minsan ako ‘yong parang, ‘grrr!’

“Kasi he’s much older that I am, so he sees the bigger picture, ako ‘yong… may pagka-brat kasi ako.

“Kapag nag-aalburoto na ako, ayan na, susumbong na niya ako sa nanay ko, or sometimes common friend, so we would… ‘yon, sasaklolo na siya kapag hindi na niya ako kayang i-handle.

“Hihingi na siya ng saklolo sa ibang tao, and we’re able to patch things up naman all the time.”

Limang taon ang tanda ni Billy kay Nikki, na ayon sa dalaga, ay isang “advantage” para sa kanilang relasyon.

“Kasi psychologically, girls mature faster than men, psychologically and emotionally.

“So I need someone much older that I am that can definitely deal with… alagain ako, e. Ano, laki kasi ako na, I still live with my parents, I'm used to everything being prepared for me, everything is so convenient, I’m babied, I never lived by myself.

“So I need someone who will take care of me.”

GOD-CENTERED. Limang taon na ang relasyon nina Nikki at Billy.

Nagawa nilang mapatagal at mapatatag ang kanilang relasyon, sa kabila ng mga pagsubok na dumating sa kanilang dalawa.

Minsan nang tinanong si Billy kung paano nila napatagal ang kanilang relasyon.

Ani Billy, “Siguro just by being honest and by being real with each other.

ADVERTISEMENT - CONTINUE READING BELOW

“Hindi kami nagsasawa sa isa’t isa.

“And you have to really grow with the person you’re with.

“Uhm… siguro ang isa pang sikreto sa amin is we put God at the center of pur relationship.

“We are definitely happy.

“Of course, lahat naman ng relationship may pinagdadaanan, pero you can always overcome it.”

(CLICK HERE for related article)

Nang amin naman tanungin si Nikki, katulad ni Billy, sinabi rin nito na ang kanilang pagiging “God-centered” ang sikreto upang tumagal at tumatag ang kanilang relasyon.

Pagmamalaki ni Nikki, “We go to church together, we pray together, when I’m down and mayro’n akong pinagdadaanan sa buhay, he would pray for me.

“Who would have imagined na siya pa ‘yong magte-text sa akin ng encouragement or, 'di ba, the Bible says,’ or ‘di ba in Church they said,’ siya pa ‘yong magte-text sa akin ng gano’n.

“So I guess that’s the difference— we know we’re accountable not to each other but to God.

“So mas iba ‘yong sense of responsibility and accountability sa relationship. We’re taking care of each other for someone else.”

Bago matapos ang aming panayam kay Nikki, nasabi nito na ang mga katangian ni Billy at ang mga pangyayaring naibahagi niya sa amin ang nakakumbinsi sa kanya na, “This is the kind of person I want to be with for the rest of my life.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN