Watch Now

Pinay nurse, napiling tumanggap ng George Cross award mula kay Queen Elizabeth II

by Bernie V. Franco
Jul 13, 2022
May Parsons Queen Elizabeth II
May Parsons, ang Pinay nurse sa U.K. na tinanggap ang prestigious George Cross award mula kina Queen Elizabeth II at Prince Charles of Wales. Si May ang naging kinatawan ng health service community ng U.K. nang tanggapin ang award.
PHOTO/S: Facebook (The Royal Family)

Ang Pilipinang nurse na si May Parsons ang napiling tumanggap ng prestihiyosong karangalan mula mismo sa monarch ng United Kingdom (U.K.).

Hindi naman kataka-takang ang kababayan natin ang naatasang i-represent ang 1.5 million healthcare staff ng National Health Service (NHS) dahil si May ang kauna-unahan sa buong mundo na nag-administer ng COVID-19 vaccine sa isang pasyente.

Gumawa siya ng kasaysayan nang binakunahan niya ang Briton na si Maggie Keenan noong December 8, 2020, na kasagsagan ng pandemya.

Mismong si Queen Elizabeth II ang nag-abot ng George Cross award sa ginanap ang seremonya sa Windsor Castle nitong July 12, 2022.

Bukod kay Queen Elizabeth, nasa awarding ceremony rin ang anak nitong si Prince Charles.

Kitang-kita ang matamis na ngiti ni May nang tanggapin niya ang award katabi ang NHS chief na si Amanda Pritchard

Queen Elizabeth II

ADVERTISEMENT - CONTINUE READING BELOW ↓

(L-R) Queen Elizabeth II nang iabot ang George Cross award sa Pinay nurse na si May Parsons at National Health Service Chief Amanda Pritchard.

Ang George Cross ay kumikilala sa “courage, compassion and dedication” ng staff ng National Health Service (NHS) ng U.K., ayon sa website ng healthcare system ng bansa.

Si May ay nagtatrabaho bilang Modern Matron for Respiratory Services sa University Hospitals Coventry and Warwickshire Trust.

Prince Charles

ADVERTISEMENT - CONTINUE READING BELOW ↓

Ang Pinay nurse sa U.K. na si May (far right) habang nakikipag-usap kay Prince Charles (far left) at nakatingin naman si NHS Chief Amanda Pritchard (center).

Ito ang pangatlong beses na iginawad ang George Cross award sa “collective group of people” mula nang simulan ito ni King George VI noong 1940.

Iginagawad ang George Cross bilang pagkilala sa “acts of the greatest heroism or of the most courage in circumstances of extreme danger.”

HOT STORIES

Read Next
Featured
Latest Stories
Trending in Summit Media Network

Featured Searches:

Read the Story →
May Parsons, ang Pinay nurse sa U.K. na tinanggap ang prestigious George Cross award mula kina Queen Elizabeth II at Prince Charles of Wales. Si May ang naging kinatawan ng health service community ng U.K. nang tanggapin ang award.
PHOTO/S: Facebook (The Royal Family)
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results