Muli na namang pinatunayan ni Juliana Gomez ang kanyang galing sa fencing dahil nagwagi na naman siya ng gold sa kanyang ikalawang international tournament.
Sa Instagram kagabi, December 19, 2022, ibinahagi ng ama nitong si Leyte 4th District Congressman Richard Gomez ang ilang larawang kuha sa anak sa katatapos lamang na West Java Fencing Challenge 2022 sa Bogor, Indonesia.
Sabi ng proud na proud na ama, sadyang maipagmamalaki ng bansa ang anak dahil sa nasungkit na gintong medalya nito.
Buong caption ni Congressman Richard, “Congratulations @gomezjuliana for winning the Gold in the West Java Fencing Challenge 2022 in Bogot, Indonesia.
“You make our country proud! Congratulations to Coach Benny Garcia as well!
#proudlyormocana”
View this post on Instagram
Sa kanyang Instagram Story, ibinahagi rin ni Juliana ang awarding photo niya sa event.
Sabi niya sa caption, “Last competition of the year! Now it’s time to head back home. Thank you Indonesia.”
Nitong nakaraang November 2022 lamang, nagwagi rin ng gold si Juliana sa kanyang unang international competition sa Air Force Open Fencing Championship sa Bangkok, Thailand.
Read: Richard Gomez proud of daughter Juliana's victory at Thai fencing tilt
Sabi niya sa isang panayam, tiwala sa sarili at puspusang training ang naging susi niya sa kanyang tagumpay sa Thailand.
Pahayag pa ng anak nina Congressman Richard at Ormoc City Mayor Lucy Torres-Gomez, “Siguro dahil may tiwala ako sa skill ko dahil nagti-training naman ako araw-araw.
“Tapos confident ako sa mga galaw ko noong araw na iyon. I was just lucky that I was able to win. But this is just the start and I have more to work on to myself.”
Read: Juliana Gomez on fencing victory in Thailand: “Confident ako sa mga galaw ko noong araw na iyon.”
Dagdag niya, panimula pa lamang ito sa kanyang marami pang labang tatahakin sa fencing.