Life story of Roy Villegas: Batang kalye noon, kumikita ngayon ng PHP300K/month dahil sa burger

by Bernie V. Franco
Jan 14, 2022
roy villegas
Roy Villegas, a former street kid, conquered the odds by never giving up on his dream to put up his own business. He now earns PHP300,000 a month.
PHOTO/S: YouTube (GMA Public Affairs)

Mula sa pagiging batang lansangan at mangangalakal, marami nang natupad na pangarap ang negosyante na si Roy Villegas.

Nagsimula si Roy na magtinda ng burger gamit ang PHP10,000 na puhunan. Ngayon, mayroon na siyang anim na burger joints at kumikita ng PHP300,000 kada buwan.

Naipatayo na rin niya ang kanyang dream house, nakabili ng mga kotse, at nakaluluwag na sa buhay.

Naitampok ang success story ni Roy sa Unang Hirit ng GMA News and Public Affairs noong October 2021.

Pagbabalik-tanaw ni Roy, “So dati kasi, may barkada ako, yung best friend ko si JC.

“Kung anu-ano ang ginagawa namin. Minsan, nag-aalok kami ng linis-puntod. Kahit ano basta magkaroon lang ng pagkakakitaan.

“Kasi nasa kalsada kami, e. Bale choice na namin na tumira sa kalsada.”

Sa murang edad, naging madiskarte na si Roy, na taga-Calamba, Laguna.

Para makapag-aral sa kolehiyo, ginamit ni Roy ang kanyang talento sa paglalaro ng basketball at naging miyembro ng school varsity.

Continue reading below ↓

Pagtapos ng kolehiyo, nagsilbi siyang basketball coach sa iba't ibang universities.

unti-unting pagtupad ng pangarap

Kahit na maayos ang lagay niya bilang isang basketball coach, hindi nakalimutan ni Roy ang kanyang pangarap na makapagsimula ng sariling negosyo.

“Nakikita ko yung sarili ko doon na hindi ko mako-continue yung goal ko or dream ko to have my own business if nagtuluy-tuloy ako doon,” aniya tungkol sa pagiging coach.

Kaya binitiwan niya ang kanyang coaching job para tutukan ang negosyo, at inunti-unti ni Roy ang pag-iipon.

Paglalahad niya, “Actually, kapapanganak pa lang ng baby ko noon, e, so yung naipon namin napunta lang doon sa panganganak ng baby ko.

“May natirang PHP10,000.”

Ang sampung libong piso na iyon ang naging puhunan ni Roy sa kanyang burger business noong 2015. Tinawag niya itong Uncle Roy’s Burger.

Ang ibang gamit ni Roy sa sinimulang negosyo ay mula sa mga patapong bagay.

“Kinuha ko lang yung mga natitirang kariton doon sa kanto.

Continue reading below ↓

“’Tapos bumagyo noon, e. ‘Tapos maraming natumbang puno.

“Since sanay ako sa bote-diyaryo, lahat ng gamit ko scrap.”

Mahirap ang unang tatlong buwan kay Roy dahil hindi pumatok ang kanyang negosyo.

“Three months iyon lugi, e. So, walang bumibili. So, parang nalulugi pa ako ng PHP 2,000 a month.”

Pero hindi nawalan ng pag-asa si Roy, at patuloy niyang pinagtuunan ang kanyang burger business.

Hanggang nagbunga ang kanyang pagtitiyaga at unti-unting nakabangon ang kanyang negosyo.

Ngayon, mayroon nang anim na branches ang negosyo ni Roy at kumikita na siya ng PHP300,000 kada buwan.

Marami na rin siyang naipundar.

“Dati wala kang bahay and yun talaga yung finorsee ko, yun ang number one dream ko talaga, e, magkaroon ng sariling bahay.

“Nagkaroon tayo ng mga kotse, at kung anu-ano.”

roy villegas

Continue reading below ↓

Mensahe naman niya sa mga nais magsimula ng negosyo: “If meron kayong naiisip, do a calculated risk.

“Never back down. Lagi mong piliin na maniwala sa sarili mo, at eventually yung hard work mo, with honesty, magbubunga iyan, no matter what.”

FEATURED IN "MY PUHUNAN"

Taong 2018, naitampok din ang kuwento ni Roy sa now-defunct ABS-CBN business public service program na My Puhunan.

Dito ibinahagi ni Roy ang mga challenges na kanyang hinarap sa pagtayo ng negosyo, tulad ng pagdaan ng kanyang burger recipe sa proseso na trial and error.

Maging ang ginamit niyang burger cart ay isang nakakadenang kariton na hindi na ginagamit ng kanyang kapitbahay, kaya hiningi na lamang niya ito.

Pero nagkaroon din ng "big break" ang kanyang burger business.

Kuwento ni Roy sa My Puhunan, may isa raw babaeng umorder sa kanya ng burgers.

“Road manager siya ni Parokya ni Edgar. Naghahanap ng pagkain, ayaw ng Parokya ng big fast-food company, sawa na,” lahad ni Roy.

Continue reading below ↓

May gig daw noon malapit sa kanilang lugar ang sikat na OPM band.

Sabi pa ni Roy, “Umorder muna sila ng twenty burgers. Umalis.

“After four hours, bumalik.”

This time, eighty burgers daw ang inorder sa kanya.

“So, nung after noon, nag-post ako, nag-ano ako sa FB, nag-click ako, ‘Thank you, Parokya, nasarapan ka sa burger ko,’ then yun na.”

roy villegas

Continue reading below ↓

Roy's first-ever burger cart, which was his neighbor's unused cart.

Bukod sa kanyang burger joints, nakapagpatayo na rin si Roy ng dalawang branches ng restaurant, ang Bulalo sa Banga.

Nabanggit din ni Roy sa programa na maaga silang inabandona ng kanilang ina. Napilitan siyang kumayod sa murang edad para sa kapakanan nilang tatlong magkakapatid.

Nakituloy siya sa iba't ibang pamilya at mga kakilala na naging mabait naman sa kanya.

Pero kahit ano ang hirap na dinanas noong kabataan niya, pinili pa rin ni Roy na patawarin ang kanyang ina sa ginawang pag-iwan sa kanila noon.

Katuwiran niya, “Nasa point ng life nalulungkot ako, oo. Pag naiisip ko, nagiging wala siyang dagdag.

“Pag malulungkot ka, lalo lang nadadagdagan ang problema.

“So, choice ko na lang na i-switch yung lungkot. Pasayahin mo na lang.

“Find another way around para maisalin [sa masaya].”

HOT STORIES

We are now on Quento! Download the app to enjoy more articles and videos from PEP.ph and other Summit Media websites.
Read Next
Nominate your Lodi.
Sino ang LODI mo?
*Please fill out this field.
This story is about me
Bakit siya LODI para sa ‘yo? Ano ang kahanga-hanga niyang ginawa?
Word: 0/150.
*Please fill out this field.
Anong pangalan mo?
*Please fill out this field.
Email Address
*The email you entered is invalid.
Contact Number
*Please fill out this field.

By signing up, I agree to PEP.ph Term of Use and Privacy Policy.

Your extraordinary story has been submitted.
Featured
Latest Stories
Trending in Summit Media Network

Featured Searches:

Read the Story →
Roy Villegas, a former street kid, conquered the odds by never giving up on his dream to put up his own business. He now earns PHP300,000 a month.
PHOTO/S: YouTube (GMA Public Affairs)
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results