Crisiolo Langamen Jr., pasang-awa ang grades noon, Top 8 sa 2022 board exam

by Bernie V. Franco
Jul 27, 2022
topnotcher
“Noon masaya na ako sa 75 na grades," ani Crisiolo Langamen Jr., Top 8 sa 2022 Criminologist licensure examination.
PHOTO/S: Facebook (Crisiolo Langamen Jr.)

Kumpiyansa si Crisiolo Langamen Jr., 25, ng Bohol na papasa siya sa June 2022 criminologist licensure examination.

Pero ikinagulat niyang napabilang siya sa topnotchers at naging Top 8. Nakakuha siya ng average na 88.30 percent.

Mensahe ni Crisiolo sa Philippine Entertainment Portal (PEP.ph) nitong July 27, 2022, “Di ko inaasahan kasi sobrang dami ng nag-take at ang dami ng magagaling.

"Pinapanalangin ko na sana maging posible. Pero alam ko sa sarili ko na papasa ako."

Si Crisiolo ay nagtapos ng Criminology mula sa Trinidad Municipal College sa Bohol.

AVERAGE STUDENT

Nakuha raw sa dasal at pagtitiyaga ang kanyang pagiging topnotcher.

Sabi nga ni Crisiolo, pinagtiyagaan niya ang mag-review ng isang taon. Marami siyang hinarap na pagsubok.

Hindi biro ang 12 hanggang 16 hours araw-araw na nagbabasa at nakikinig ng lectures.

Post niya sa Facebook (published as is): “Isa lang po akung average na student, in fact since elementary to college di ko pa naranasan yung maging honor student.

Continue reading below ↓

“Noon masaya na ako sa 75 na grades.”

Ang susi niya sa tagumpay: “Preparation and prayer.”

Dugtong niya, “Study kahit masakit na sa ulo, kahit pagod, kahit walang pera, kahit gutom.”

topnotcher

Makahulugan pa niyang pahayag, “Di talaga nawawala ang negativities sa buhay, meron talaga iyan.”

Kaya ginawa raw niyang motivation ang mga pangyayaring ito.

Continue reading below ↓

Inusisa ng PEP.ph kung ano nga ba ang mga negativities na ito.

Naging matipid sa sagot si Crisiolo, pero may kinalaman daw ito sa mga “Marites...na pilit nanghihila, nagbabato ng masasakit na salita hanggang sa mainsulto ka at di na mapigilan ang sarili.”

Naranasan daw siyang sabihan ng hindi magagandang paratang at magmukhang masama sa ibang tao.

Samantala, ipinaliwanag niya kung bakit inabot siya ng isang taon sa pagre-review.

"Na-delay po kasi ang mga papers namin kaya di nakaabot sa filing,” aniya.

“Halos mawalan ako ng pag-asa pag naiisip ko yung papers ko: CAV or certificate of authentication and verification…

“At yung diploma na muntik di napirmahan ni Mayor, ‘tapos may lakad. Buti nakaabot pa.”

Nagkataon din daw na may mga maling impormasyon pa sa mga papeles at kailangang ipawasto na kumain ng oras.

topnotcher

Continue reading below ↓

Si Crisiolo (encircled) sa kanyang on-the-job training

Pero hindi raw tumigil sa pagre-review si Crisiolo habang hinihintay ang mga papeles.

Kaya ngayong inani na niya ang lahat ng kanyang pagsasakripisyo at paghihirap sa pamamagitan ng pagiging topnotcher, hangad niyang maging inspirasyon ang kanyang kuwento sa mga licensure-exam takers.

Ipinaaabot ni Crisiolo ang kanyang pasasalamat sa staff ng Trinidad Municipal College, sa Amici Review Center, at sa lahat ng mga naniniwala at tumulong sa kanya.

Nag-iisip ngayon si Crisiolo na pumasok sa law enforcement o kaya ay magturo.

HOT STORIES

We are now on Quento! Download the app to enjoy more articles and videos from PEP.ph and other Summit Media websites.
Read Next
Nominate your Lodi.
Sino ang LODI mo?
*Please fill out this field.
This story is about me
Bakit siya LODI para sa ‘yo? Ano ang kahanga-hanga niyang ginawa?
Word: 0/150.
*Please fill out this field.
Anong pangalan mo?
*Please fill out this field.
Email Address
*The email you entered is invalid.
Contact Number
*Please fill out this field.

By signing up, I agree to PEP.ph Term of Use and Privacy Policy.

Your extraordinary story has been submitted.
Featured
Latest Stories
Trending in Summit Media Network

Featured Searches:

Read the Story →
“Noon masaya na ako sa 75 na grades," ani Crisiolo Langamen Jr., Top 8 sa 2022 Criminologist licensure examination.
PHOTO/S: Facebook (Crisiolo Langamen Jr.)
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results