Pinoy isaw vendor sa New York, kumikita ng PHP800K kada buwan

by Bernie V. Franco
Aug 4, 2021
Meet Robin John Calalo, isang Pinoy sa New York City. Sa pagtitinda lamang ng isaw at iba pang street food, kumikita na siya ng PHP200,000 kada linggo.
PHOTO/S: @boy_isaw on Instagram

Hit ngayon ang negosyong isawan ng Pilipinong si Robin John Calalo sa Woodside, Queens, sa New York City sa Amerika.

Si Robin John ay kilala ring Boy Isaw ng New York.

Sinimulan niya ang kanyang street-food business sa puhunang $50 o PHP2,500.

Ngayon, kumikita na si Robin John ng PHP200,000 kada linggo.

Ibig sabihin nito, kumikita siya ng PHP800,000 kada buwan.

Taong 2019 nang simulan ni Robin John ang kanyang business.

Nag-crave lang daw siya ng street food, kaya naisipan niyang mamalengke.

Kuwento ni Robin John sa panayam ng GMA News, “So, nag-decide akong mamalengke. May dala akong $50.

“So, nag-try akong magluto. Dinamihan ko na tapos binenta ko.”

Boy Isaw in New York

Continue reading below ↓

Ang unang customers daw niya ay mga kaibigan at kamag-anak.

At iyon na raw ang simula ng kanyang negosyo.

Craving satisfied na, nagkanegosyo pa.

BOY ISAW AND HIS BUSINESS

Ang mga produkto ni Robin John ay mga kilalang Pinoy street food, gaya ng adidas o paa ng manok, betamax o dugo ng baboy, isaw, at hotdog.

Pero hindi lamang daw hit sa mga Pinoy sa Amerika ang kanyang produkto, pati rin sa ibang lahi.

Base naman sa kanyang Instagram account na @boy_isaw, itinatayo ni Robin John ang kanyang puwesto kapag naiimbitahan sa mga food fair.

Dahil mas maluwag na ang quarantine kahit may pandemya, tuloy ang negosyo para kay Robin John.

Bukod pa rito, nag-o-online selling din siya ng ready-to-grill street food products on stick sa kanyang customers.

Boy Isaw ready-to-grill street food products

Continue reading below ↓

Sa ganitong paraan, mae-experience ng kanyang mga kliyente ang grilling in the comfort of their own homes.

Panay rin ang post ni Robin John ng mga suki niyang tinatangkilik ang kanyang mga produkto.

Base rin sa mga repost niya ay super satisfied ang kanyang mga customers.

Lumalabas na ang produkto niya ay nagkakalaga ng $3.50 (o PHP175) kada stick ng adidas, betamax, isaw, hotdog, manok, tenga ng baboy, at iba pa.

Ang rice naman ay $2 (o PHP100) at may promo siyang $14 (PHP700) kada tatlong stick at may libreng drink.

Base sa isa pa niyang Instagram account, si Robin John ay isa ring fitness instructor sa U.S.

HOT STORIES

Use these MetroMart promo codes when you shop or order online. Marami pang ibang coupons dito.

We are now on Quento! Download the app to enjoy more articles and videos from PEP.ph and other Summit Media websites.
Read Next
Featured
Latest Stories
Trending in Summit Media Network

Featured Searches:

Read the Story →
Meet Robin John Calalo, isang Pinoy sa New York City. Sa pagtitinda lamang ng isaw at iba pang street food, kumikita na siya ng PHP200,000 kada linggo.
PHOTO/S: @boy_isaw on Instagram
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results