Ang kuwento tungkol sa kapeng barako, ayon sa coffee farmer na si Lester Ledesma

by KC Cordero
Feb 22, 2022
Lester Ledesma, kapeng barako cherries.
Na-in love ang photojournalist na si Lester Ledesma sa sarap ng lasa ng kapeng barako, at wala pa umano siyang natikman na kape na kasing-sarap ng sarili nating native coffee.

Thirteen years ago, nakabili si Lester Ledesma at ang kanyang maybahay ng taniman ng kape sa Cavite.

Ang plano nilang mag-asawa, i-revive ang isang bahagi ng ating culinary history sa pamamagitan ng pagtatanim ng kapeng barako.

Ayon sa artikulong sinulat ni Lester sa matadornetwork.com, isang travel network for a diverse generation of modern adventurers, noong September 28, 2021, basic lang ang alam nilang mag-asawa sa farming.

Pagbabahagi niya, “Despite our unlikely backgrounds [I’m a photojournalist and she’s an IT consultant], this was the first step in our dream of owning a coffee farm.”

Magubat ang nabili nilang coffee farm kaya marami silang inayos. Ayaw rin nila ang mga nakatanim doon na robusta trees na ang bunga ay ginagamit sa paggawa ng instant coffee.

Ani Lester, “Instead, we wanted to farm a more rare variety called kapeng barako.”

Kapeng barako cherries.

Continue reading below ↓

Noon pa raw niya naririnig ang tungkol sa kapeng barako, pero minsan pa lang siyang nakatikim nito sa bahay ng isang matandang magsasaka.

Pagbabalik-tanaw ni Lester, “I remember being blown away by its distinct aroma and full body, the slightly acidic flavor, the fruity, wine-like notes, and that oh-so-delectable hint of caramel.”

Mula noon, na-in love na siya sa lasa ng kapeng barako.

“I’ve been a coffee drinker long enough to know a Burmese Ywangan from a Kenyan Volcanica, but my country’s own native coffee was unlike any I’d ever tasted.”

KAPENG BARAKO ANG ‘STANDARD COFFEE CROP” NOON SA PILIPINAS

Kapag sinabing kapeng barako, o coffea liberica, kasingkahulugan ito ng kape ng Pilipinas.

Ayon sa artikulo ni Lester, batay sa ating kasaysayan, ang mga paring Kastila ang nagtanim ng mga unang puno nito sa mga gilid ng simbahan noong 1700s.

Nang tamaan ng peste ang mga taniman ng kape sa buong mundo noong late 1800’s at nangamatay ang mga puno ng arabica, naka-survive ang coffea liberica dahil mas malakas ang genes nito.

Continue reading below ↓

A farmer picking coffee cherries.

Mula noon, ito na ang naging standard coffee crop sa Pilipinas. Iyon nga lang, mas kokonti ito kung mamunga kumpara sa ibang variety.

Madalas ikuwento ng mga matatanda noong araw kung gaano kasarap ang kapeng barako.

Isinasabaw nila ito sa bahaw (malamig na kanin) at hinahaluan ng asukal para sa almusal.

Continue reading below ↓

Masarap din itong kasabay ng suman at pandesal kapag nagmemeryenda sa hapon.

Ngunit noong 1960s, naging popular sa Pilipinas ang instant coffee. Nag-shift ang mga Pinoy coffee farmers sa pagtatanim ng robusta dahil bukod sa mas marami kung mamunga, ito rin ang binibili ng instant coffee producers.

Ani Lester, “Things were so bad for kapeng barako that by the time we started our farm in 2010, it was almost impossible to buy the trees in bulk.

“Thankfully, we managed to source seedlings from a local university to replace the aging robusta trees on our land.”

NAGSIMULANG MAGBUNGA ANG MGA PUNO AFTER 5 YEARS

Pinagsikapan nina Lester at ng kanyang misis na mapaganda ang kanilang coffee farm.

At makalipas ang limang taon, nagsimula na silang mag-ani ng mga bunga ng kapeng barako.

Labis daw itong ikinasaya ni Lester, “My excitement at seeing the sacks of ripe liberica cherries was matched only by the satisfaction of cupping our first roast.”

Continue reading below ↓

Napakasarap din aniya ng lasa nang matikman niya iyon.

“Those fruity, caramelly notes, the distinct, full-bodied kapeng barako flavor that caressed the palate—it was all there, and just as delicious as when I first sampled this truly unique coffee.”

MARAMI NA ULING NAGTATANIM NG KAPENG BARAKO

Masaya si Lester na sa ngayon ay unti-unti na muling nagiging popular ang kapeng barako, lalo't nagiging curious ang mga young coffee aficionados sa native brew na paborito ng ating mga ninuno.

Farmers at the coffee plantation.

Continue reading below ↓

Ayon kay Vie Cesar Reyes ng Philippine Coffee Alliance, “There’s still a long way to go before our liberica becomes mainstream, but it has gained more ground and space in the local coffee landscape.

“In the last two years, our organization and its partners have planted close to 50,000 liberica seedlings in the Philippines.

“We’ve also organized farming clusters in indigenous communities, helping them have income while adding to the country’s supply of kapeng barako.”

Woman cleaning coffee beans.

Continue reading below ↓

Pagbabahagi pa ni Vie, ilang liberica growers na rin ang nagsimulang mag-export ng kanilang produkto sa USA.

“These are small victories, but they definitely help bring our liberica back from obscurity.”

Para naman kay Lester, ang nakalipas na 13 taon ay “very encouraging” para sa kapeng barako. Inaasahan niyang lalo itong sisikat sa ating bansa at sa buong mundo.

Marami na rin ang kanyang suki ng kanyang mga nagiging ani.

Masaya niyang pagbabahagi, “I posted on Facebook that I had kapeng barako for sale, and was immediately besieged by orders from all over my network.

“I had a mere 80 kilos of coffee the first time I did this. It sold out in a week.”

We are now on Quento! Download the app to enjoy more articles and videos from PEP.ph and other Summit Media websites.
Read Next
Featured
Latest Stories
Trending in Summit Media Network

Featured Searches:

Read the Story →
Na-in love ang photojournalist na si Lester Ledesma sa sarap ng lasa ng kapeng barako, at wala pa umano siyang natikman na kape na kasing-sarap ng sarili nating native coffee.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results