Labis na nalulungkot si Angelica Panganiban dahil hindi niya kapiling sa kasalukuyan ang partner na si Gregg Homan at ang anak nilang si Amila Sabine.
Naka-isolate ngayon si Angelica matapos magpositibo ito sa COVID-19.
Sa kanyang Instagram post ngayong Huwebes, January 12, 2023, ipinakita ni Angelica ang screenshot ng video call niya kay Gregg at sa kanilang anak.
Pati na ang picture ng antigen test kung saan parehong pula ang lumitaw.
Ayon sa aktres, miss na miss na niya ang kanyang pamilya.
Buong caption ni Angelica, “Nauubusan na ko ng positive thoughts [thought balloon emoji] pls send help. I miss you family @gregg_homan”
View this post on Instagram
Kaagad namang bumuhos ang dasal at suporta para sa kanya.
Ilan sa nagpaabot ng mensahe ay sina Maxene Magalona, Isabelle Daza, Anne Curtis, Pokwang, Iza Calzado, at Ogie Alcasid.
Nagkomento rin sina Kakai Bautista, Isabel Oli, John Prats, Melai Cantiveros, Kean Cipriano, at Carla Abellana.
Gayundin sina Smokey Manaloto, Joana Ampil, Maris Racal, Coney Reyes, at Camille Prats.
Hindi malinaw kung saan nahawaan si Angelica ng COVID-19.
Pero nitong nakaraang linggo lamang ay nakasama niya ang ilang kaibigan para sa bridal shower ng aktres na si Glaiza de Castro.
Read: Glaiza de Castro overjoyed by surprise bridal shower hosted by Angelica Panganiban