Batang estudyante sa Benguet nagbebenta ng kabute; nag-iipon para sa pasukan

by KC Cordero
Aug 2, 2021
Sa tuwing bakasyon, matiyagang naghihintay sa buong maghapon si Jessie Almoza sa mga motoristang nagdaraan at nagbabakasakaling may bumili ng tinda niyang kabute.

Ang bakasyon para sa batang si Jessie Almoza ay pagbababad sa kalsada sa may Sitio Camisong ng Loacan, Itogon, sa Benguet.

Nag-aabang ito ng mga motorista o sino mang dadaan para alukin ng kanyang mga tindang kabute.

Ang organic kabute na isang variety ng Benguet mushroom ay tinatawag na “boo.”

Unang lumabas ang mga larawan ni Jessie na nagtitinda ng kabute sa post ng Facebook page na The LOStories noong Hunyo 18, 2020. Ten years old siya nun.

Sa mga larawan ay makikita ang kanyang maliit puwesto na nilagyan lang ng trapal bilang panangga sa init ng araw.

Mula noon, marami na ang nag-share ng post tungkol kay Jessie.

Karamihan sa mga komento ay puro papuri sa kanya.

A screencap of Jessie Almoza peddling mushrooms on a road in Benguet

ADVERTISEMENT - CONTINUE READING BELOW ↓

Jessie Almoza taking a breather under a make-shift shade.

NAG-IIPON PARA SA PAG-AARAL

Noong Hunyo 22, 2020 ay nai-feature at nakapanayam ng TV Patrol North Luzon-Baguio si Jessie.

Mahirap lang ang kanilang pamilya, at na-stroke pa ang kanyang ama.

Ang kanyang ina at kapatid na babae ang nangunguha ng boo na kanyang itinitinda.

Gumigising ang mga mga ito nang maaga para umakyat sa bundok.

ADVERTISEMENT - CONTINUE READING BELOW ↓

The 'Boo' mushroom that Jessie Almoza sells in Benguet

Ayon sa bata, nagtitinda siya ng kabute para may magagastos siya pagsapit ng pasukan.

Matatas niyang sagot sa panayam, “Gagamitin ko po para makapang-ipon ng pera, para makabili ng gamit ko sa school.”

Iyon din ang sabi ng kapatid niyang si Geta Wadwadan sa nasabi ring panayam. “Kami po iyung naghahanap, 'tapos sila po iyong nagbebenta.

ADVERTISEMENT - CONTINUE READING BELOW ↓

“Iyong mga pinagbentahan, iniipon nila para sa pasukan po. Gamit nila sa eskuwela po.”

Jessie Almoza counting their earning for the dayAn empty soda bottle that works as a makeshift piggy box for Jessie Almoza

ADVERTISEMENT - CONTINUE READING BELOW ↓

Bagamat apektado ng pandemya ang kanyang pagtitinda dahil bihira ang mga motoristang dumaraan, may ilang customer na pamilyar na sa puwesto ni Jessie.

Isa na rito si Ryan sa nakausap ng TV Patrol North Luzon-Baguio nang bumili ito ng kabute.

Ayon sa motorista, "Maganda rin naman po. Na meron silang ginagawa habang wala silang pasok. Dati-rati pag ganitong season, merong ganyan na ibinebenta dito."

A motorist buys from Jessie Almoza

ADVERTISEMENT - CONTINUE READING BELOW ↓

REAKSiYON NG NETIZENS

Hanga ang social media kay Jessie.

Sa kanyang murang edad, alam na ng bata ang kahalagahan ng pera at pag-iimpok.

Maigi rin na may partisipasyon ang kanyang pamilya, at bagamat mahirap ang kanilang buhay ay ini-encourage ang bata na magpursige sa pag-aaral.

Samantala, nangangamba naman ang ilan sa risk sa kalusugan ni Jessie dahil baka mahawa ito sa COVID-19.

May nagpanukala pa na sana ay may signboard si Jessie para alam ng mga nagdaraan na may tinda siyang kabute..

Pinaka-winner naman ang komentong ito bilang pagsuporta sa mga gaya ni Jessie lalo na ngayong may pandemya: “That's why we buy from these street vendors our vegetables, not from the rich malls. Empathy with action!”

HOT STORIES

Use these Shopee vouchers when you shop or order online. Marami pang ibang coupons dito.

We are now on Quento! Download the app to enjoy more articles and videos from PEP.ph and other Summit Media websites.
Read Next
Featured
Latest Stories
Trending in Summit Media Network

Featured Searches:

Read the Story →
Sa tuwing bakasyon, matiyagang naghihintay sa buong maghapon si Jessie Almoza sa mga motoristang nagdaraan at nagbabakasakaling may bumili ng tinda niyang kabute.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results