Sa kabila ng 13 years nilang pagsasama, marami pa rin daw nadidiskubre si Arny Ross tungkol sa kaniyang asawa.
Ikinasal si Arny at ang kanyang longtime boyfriend na si Franklin Banogon noong November 9, 2021 sa Tagaytay City.
Nakapanayam ng PEP.ph (Philippine Entertainment Portal) si Arny sa naganap ng online mediacon para sa 25th anniversary ng longest-running gag show ng GMA-7.
Ang kuwento niya, “Kahit na 13 years na kami, naramdaman ko yung pagle-level up ng relationship namin noong kinasal na kami. Iba po pala talaga kapag may blessing na ni Lord, kapag may blessing na ng parents.”
Tanging si Arny, Franklin, at ang kanilang mga magulang ang dumalo sa kanilang kasal.
“Kahit sobrang intimate lang po ng wedding namin, six of us lang po sa wedding namin, pero parang dalawang oras kaming nag-iyakan ng parents ko, parents niya, kaming dalawa.”
Arny and her parents Arnold and Beth...
Franklin with Dad Samuel and mom Doree...
Kumusta naman ang buhay mag-asawa?
Kuwento ni Arny, “Nando’n po talaga ako sa nag-a-adjust po talaga ako ngayon. Breakfast person siya, morning person siya. Ako, baliktad.
“Hindi talaga ako ma-breakfast. Tanghali akong gumising kapag walang taping. So iyon, nag-aadjust-adjust po ako ngayon, and alam ko na marami pa po akong madi-discover kasi, nasa iisang bahay na po kami.”
ON DREAM HOUSE AND BUSINESS
Bago pa man sila magpakasal, sinorpresa ni Franklin si Arny na nagpapatayo ito ng bahay.
Pero ayon kay Arny, hindi pa raw tapos ang pagpapagawa nito. Kaya nakatira muna silang mag-asawa sa bahay ng kanyang mga magulang, na kinalakihan din niyang bahay.
Paliwanag niya tungkol sa pinapatayong bahay, “Noong nalaman ko na po, pinagtulungan na po naming dalawa.
“Sabi ko, i-extend natin, bigyan natin ng more rooms. Pinagtulungan na namin after noong i-reveal na po niya sa akin.
“Kaya po tumagal, dapat po nakalipat na kami right after the wedding, tumagal siya after ng extension na nakapag-decide po kami.”
Plano nilang tapusin muna ang bahay na ipinapagawa bago pumasok sa mga bagong investments.
Tutal, mayroon na rin silang ilang investments na nagawa noon pa, tulad ng pag-franchise ng restaurant na Bon AppeTea.
Aniya, “May mga ilang investments na rin po kasi kami together bago po kami ikasal. So tapusin muna po namin ang bank loan bago po siguro mag-add ng panibago.
“Kasi po, partner din po kami sa restaurant and ngayon po, medyo naba-back to normal na rin po itong nangyayari sa atin, sana po makabawi na rin po ang restaurant namin.”
Bukod dito, may online clothing stores, ang Ross Clothing Co. and Arny Shoe Collection, ang Kapuso star.
Use these Zalora vouchers when you shop or order online. Marami pang ibang coupons dito.
