Marian Rivera responds to "perfect family" remark

by Rose Garcia
Apr 24, 2022
Marian Rivera and Dingdong Dantes at the 3rd birthday of son Sixto
Marian Rivera (2nd from R) and her perfect family! (L-R) Dingdong Dantes, Sixto, and Zia.
PHOTO/S: @marianrivera on Instagram

Itinuturing ni Marian Rivera na isang malaking blessing ang kanyang pamilya.

Sa naging exclusive interview ng Kapuso Primetime Queen sa YouTube channel ng hairstylist na si Celeste Tuviera, naikuwento ni Marian na kanyang ipinalangin ang pamilya na mayroon siya ngayon.

Dahil galing siya sa broken family, pinakahangad niya ang magkaroon ng isang buong pamilya.

“Sobrang blessed, di ba?” nakangiti niyang pahayag.

“Pero sa kabila ng lahat at kahit na nararanasan mo na siya, hindi pa rin ako titigil magpasalamat sa Itaas sa mga blessings na ibinibigay, especially itong family na meron ako na pinangarap ko talaga.”

Sabi pa ni Marian, talagang iniingatan at pinapangalagaan niya ang kanyang pamilya.

Kaya tanong ng PEP.ph (Philippine Entertainment Portal), hindi ba ito mahirap gawin sa loob ng mundong ginagalawan nila?

“Mahirap kung mahirap pero kung gusto mo, maraming paraan. Gagawin mo ang lahat ng paraan para maging maayos ang lahat.”

Ang interview kay Marian ay nangyari sa naging contract signing at press launch niya bilang Kamiseta Skin Blancare Lotion sa The Peninsula Manila hotel kamakailan.

Continue reading below ↓

"nobody's perfect"

Kapag nakikita silang Dantes family, naiisip agad na parang isa silang perfect na pamilya.

Pero mabilis na pagtatama ni Marian, "Nobody's perfect, guys."

Lagi silang mukhang masaya ng asawang si Dingdong Dantes at mga anak na sina Zia at Sixto.

ALSO READ:

Nagkakaroon pa rin ba sila ng mga konting tampuhan ni Dingdong bilang mag-asawa?

“Wala nga, corny na nga kami ngayon,” natawang sabi ng aktres.

“Siguro nag-mature rin and nakatulong din ang pandemya na mas marami kaming na-realize sa isa’t isa. Kung ano ba talaga ang mahalaga and especially sa mga attitudes naming dalawa.

“Na, 'Ay may ganoon pala siya.' So sa madaling salita, mas na-in love kami sa isa’t isa nitong pandemic.”

Hindi naman lingid sa lahat kung gaano ka-hands-on si Marian sa pagpapalaki kina Zia at Sixto.

Continue reading below ↓

Kaya pagdating sa pagiging isang ina, walang makaka-kuwestiyon kay Marian.

MOTHER'S DAY DOCUMENTARY

Dahil malapit sa kanyang puso ang pagiging isang ina, ngayong Mother’s Day ay may special documentary show na tatampukan ni Marian at mapapanood sa GMA-7.

Ayon kay Marian, “Espesyal dahil ang salitang nanay, magulang, para sa akin ay napakahalaga niyan bilang ako ay isang nanay na. So makikita nila sa documentary, ano ba ang sakripisyo ng isang ina para sa isang anak.”

Kinunan nila ang documentary na ito habang nasa Israel sila ni Dingdong at naging isa siya sa mga judge sa 2021 Miss Universe pageant.

“Actually, parang last minute na. Si Dong at Direk Mike [Tuviera] ang nag-usap diyan. Sinabi nila sa akin, so sabi ko, why not?"

Mas makikilala raw nang husto ng mga manonood ng documentary ang mga nanay nila, ayon kay Marian.

“Mas makikilala nila, mas maa-appreciate nila. At saka, ito yung parang sumuntok talaga sa akin. Iba talaga kapag nanay ka.”

Continue reading below ↓

Nang makausap ng PEP.ph si Marian, sinabi nitong inaayos pa nila ang title ng documentary pero sigurado na raw na Mother’s Day presentation ito ng GMA-7.

Mauuna rin itong mapanood bago ang kanilang sitcom ni Dingdong na Jose and Maria’s Bonggang Villa.

We are now on Quento! Download the app to enjoy more articles and videos from PEP.ph and other Summit Media websites.
Read Next
Featured
Latest Stories
Trending in Summit Media Network

Featured Searches:

Read the Story →
Marian Rivera (2nd from R) and her perfect family! (L-R) Dingdong Dantes, Sixto, and Zia.
PHOTO/S: @marianrivera on Instagram
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results