Sobrang busy ngayon ng Cebuana volleyball superstar na si Deanna Wong.
Madalas mag-post ang kanyang inang si Judin Alvizo-Wong ng updates tungkol sa mga invitations at endorsements ng dalaga.
At nitong May 1, 2022, pati ang Ben&Ben official Facebook page ay nag-post din na na-meet nila si Deanna.
Ang caption: “So, ilang mga updates, beh. Nasa Bohol kami for a show. See you tonight!
“Nakita namin si Deanna Wong dito. Nagpa-picture kami sa kanya.
“Tugtugin namin live mamaya for the first time yung ‘Paninindigan Kita’. Post namin dito agad.”

Todo react tuloy ang mga fans ni Deanna at ng Ben&Ben na tuwang-tuwa na nagkasama sa isang picture ang kanilang mga idols.

Pero sa kabila ng pagiging busy, happy si Deanna sa aniya ay isa pang “blessing” na kanyang natanggap.
Noong April 11 ay nag-post siya sa kanyang Facebook ng mga photos ng kanilang bagong family business.
Ang kanyang caption: “Another blessing opened up last Friday. Welcome to our little business!
“Not only does our sari-sari store have what you want, it also comes with a hardware store next door.
“An all-around place with your every need!”

Kung pagbabatayan ang kanyang post, nag-open ang kanilang sari-sari store noong April 8.
Agad itong nag-trending at umani ng 165K reactions, 13K comments, at 10K shares.
Karamihan sa comments ay kino-congratulate si "Boss D," tawag ng fans sa dalaga.
May mga nagsabi pa sasadyain nila sa Minglanilla, Cebu ang tindahan.


Nag-post din ng pictures ng tindahan ang kanyang ina noong April 20.
Ang mga bantay ay mga teammates ni Deanna sa Choco Mucho na sina Regine Arocha (nasa kaliwa sa larawan) at Caitlin Viray.
Ang caption sa post: “Salamat sa amung mga gwapang bisita sa Sachi Store. Welcome to Minglanilla, Cebu, Regine Arocha & Caitlin Viray.”
“Sachi” ang nickname ni Deanna.

Natuwa naman ang mga fans ni Deanna na makita siya at ang mga kapwa players sa kanyang tindahan.

Marami rin ang nag-wish na maging successful ang kanilang family venture.
Nakabakasyon sa Cebu si Deanna simula nang matapos ang 2022 PVL Open Conference last March.

Medyo apektado ang privacy ng kanyang pamilya dahil laging dinudumog ng fans ang kanilang bahay at tindahan.
Pero mukhang chill lang naman si Deanna at magiliw na hinaharap ang mga fans.