OFW na dating hairdresser sa Royal family sa UAE, may hair salons sa Norway

by Bernie V. Franco
Nov 3, 2022
dolores canlas salon owner norway
Isa na ngayong salon owner si Dolores Canlas sa Norway, kung saan may tatlong branches na siyang naitayo. Pero bago iyon, nagtrabaho muna siya sa Hong Kong at Abu Dhabi sa United Arab Emirates.
PHOTO/S: YouTube (ABS-CBN News)

Si Dolores Canlas ay isang Overseas Filipino Worker (OFW) sa Norway na nagmamay-ari ng tatlong branches ng beauty salons.

Pero hindi instant ang kanyang tagumpay bilang businesswoman sa Norway.

Ani Dolores sa kanyang post, naging puhunan niya ang “hard work, perseverance and focus on our dreams.”

At nagsimula siya bilang beautician sa Pilipinas.

Labindalawang taon pa lamang siya ay nag-aral na siya ng cosmetology sa Olongapo City, ulat ni Marco Camas para sa TFC.

Sa paghahangad na umasenso sa buhay, nangibang-bansa si Dolores at nagtungo sa Hong Kong, kung saan namasukan siya bilang isang stylist.

Kalaunan, nagtungo siya sa Abu Dhabi sa United Arab Emirates (U.A.E.) at namasukan bilang stylist at beautician.

“Karamihan sa mga customers namin doon ay mga VIPs, mga sheiks na tinatawag,” sabi ni Dolores.

Naranasan din niyang maging private hairdresser sa mga miyembro ng royal family roon.

BAGONG BUHAY SA NORWAY

Taong 2012, nagtungo siya sa Norway bilang isang turista.

ADVERTISEMENT - CONTINUE READING BELOW ↓

Bumalik siya roon makalipas ang isang taon at nakapag-asawa ng isang Norwegian.

Sa bagong lugar, hinarap ni Dolores ang mga bagong hamon.

“Kasi nung pumunta ako rito may edad na ako, and, pangalawa, yung language.

“Kasi ang mga nagtatrabaho rito fluent na doon sa language.”

dolores canlas salon owner norway

Pero bitbit ang maraming karanasan sa pakikipagsapalaran sa ibang bansa, unti-unting nagtagumpay si Dolores sa pagpapatayo ng kanyang sariling negosyo.

ADVERTISEMENT - CONTINUE READING BELOW ↓
NOOD KA MUNA!

"Nag-open ako sa Haslum, nag-stay ako doon ng seven years.

“Nag-open ako sa Trondheim City ng another salon.

“Itong dito sa Oslo ang pangatlo ko nang branch,” ngiti ni Dolores.

Para makatulong sa mga kapwa Pilipino, plano ni Dolores na mag-hire ng mga Pilipino hairdressers.

“Nakaplano po tayong kumuha ng magagaling na hairdresser sa Pilipinas na kapwa Pilipino rin para itong salon na ito maging isang Filipino salon talaga,” sabi ng OFW hairdresser.

Hindi rin aniya matatawaran ang galing ng mga Pilipino.

Bukod sa determinasyon at diskarte, may isa pang payo si Dolores pagdating sa pagtupad sa mga pangarap.

“Just believe in yourself. [Just think] ‘I Can do it!’”

HOT STORIES

Read Next
PEP Live
Featured
Latest Stories
Trending in Summit Media Network

Featured Searches:

Read the Story →
Isa na ngayong salon owner si Dolores Canlas sa Norway, kung saan may tatlong branches na siyang naitayo. Pero bago iyon, nagtrabaho muna siya sa Hong Kong at Abu Dhabi sa United Arab Emirates.
PHOTO/S: YouTube (ABS-CBN News)
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results