Pitong taon nang naninirahan si AJ Dee sa Oslo, Norway, kasama ang kanyang Filipino-Norwegian wife at dalawang anak.
Sa mga nakalipas na taong iyon, tuluyan nang iniwan ni AJ ang showbiz at isa nang sucessful businessman sa Norway.
Read: AJ Dee to quit showbiz and migrate to Norway: "I’m willing to give it up dahil sa family."
Si AJ ay nakatatandang kapatid ng Kapamilya actor na si Enchong Dee.
Taong 2004 nang pasukin ni AJ ang showbiz.
“My first ever stint sa show business was when I joined 'TV Idol,' yung parang contest siya with MTB [Magandang Tanghali Bayan], yung noontime show sa ABS before in 2004,” pagbabalik-tanaw ni AJ sa ulat ni Marco Camas para sa The Filipino Channel.
Mula roon ay nagtuluy-tuloy na si AJ sa showbiz, kunsaan naging visible siya sa mga programa ng ABS-CBN.
Sa isa pang post ni AJ noong September 2022, ibinahagi niya ang isang video clip mula sa pelikulang kanyang ginawa.
Caption niya: “Haha it feels so weird that this used to be my job before for 13yrs.
“It’s crazy how unexpected life can be, from acting to designing, selling and even folding clothes.”
STARTING A NEW LIFE IN NORWAY
Matapos ang labintatlong taon sa showbiz, ibang direksiyon ang tinahak ni AJ para sa kanyang pamilya.
Taong 2016, lumipad siya kasama ang misis sa Norway.
Aniya, “It took me a year to decide na sabi ko, ‘Okay, I had a good chapter of the show business and I have to jump on the next one, which is taking care of my family, and deciding to move sa Norway.’ And that was 2016.”
Sa unang taon niya sa Norway, pinag-aralan ni AJ ang language at sinimulan ang isang longganisa business.
Sabi ng dating model-actor, “We were selling longganisa. To be honest, we literally made longganisa by our hands and us three. So, tatlo kaming partners doon.”
At dahil dating modelo at mahilig sa fashion, nag-venture din siya sa men's clothing business.
May negosyo si AJ na lumilikha ng custom-made pants and suits.
“I’m very proud to offer our craftmanship.
“Filipinos are not known for making suits, but this one, I’m pretty sure this would offer something more special than what you see in the market here in Oslo.
“This is what’s up about my life here in Norway and my found passion,” FB post ni AJ ukol sa pagpasok niya sa pagnenegosyo sa ibang bansa.