“Yes, blueberry cheesecake!”
Ito pa umano ang naibulalas ni Kristine Guerza bago kagatin ang sabong giveaway para sa bridesmaids ng kasal nina Karen Molina at Christian Daniel Damasing na ginanap noong February 5, 2023 sa Cavite.
Pahayag ni Kristine sa Tiktok video na ipinost niya kinabukasan (published as is), “Advice ko lang po sa mga may event diyan, wag sana mukhang cake ung soap. Muntik na po kasi akong malason HAHAHA.”
Makikita sa video na hawak-hawak ng dalaga ang cake na sabon na may kagat. Sa pagitan ng pagtawa ay sinabi niyang, “Kala ko cake, kadiri.”
Pagkatapos nito ay tila may iniluwa siya sa bintana ng kotse.
Kinagat daw niya ang sabon habang nagda-drive siya sa South Luzon Expressway at madilim pa sa kotse.
Wala din umanong amoy ang sabon.
Sa ganda ng pagkakagawa ng giveaway, hindi lamang siya ang nag-akalang tunay itong pagkain. Yun nga lamang, siya ang "unang kumagat."
Ang Tiktok video ni Kristine ay mayroon nang 481,200 views at 20,600 heart reactions sa kasalukuyan.
At patuloy itong nagpapatawa sa netizens nang ma-feature ito sa Saksi nito lamang Biyernes, May 19, 2023.
Ang post ng GMA News and Public Affairs sa Facebook tungkol dito ay mayroon na ngayong 61,000 reactions, 3,000 comments, at 3,300 shares.
Humakot ito ng nakatutuwang comments mula sa mga netizens. Narito ang ilan (published as is):
“Di siguro naka kain ng cake sa reception.”
“Isang kagat bula agad”
“Lumag-ok ka din ng kalahating baso ng downy hihihi”
“The design is very gutom na gutom ”
“Paghihiganti ng kinasal yan. Tatakaw daw ng bisita”
“Cake po tlga yan .. sabon flavor lang”
Pagdududa naman ng ilan, imposibleng hindi mahalata na sabon ang giveaway dahil sa texture nito.
Nag-iwan ng paliwanag si Kristine ukol dito.
Aniya, “Totoo po yan na unang hawak kagat agad dahil nag ddrive ako sa slex nung nagutom. Gabi yun at madilim so wala pa 10 sec ang panyayari.” At sinundan niya ito ng laughing emoji.
Samantala, may ilang netizens din ang nagkomentong nakaka-relate sila sa sinapit ni Kristine dahil may pareho silang karanasan sa mga natatanggap nilang sari-saring event giveaways.
Inakala raw nilang cake pero sabon pala at kandila iyon.
Narito ang komento ng ilang netizens na may the same experience:
