Dala ng pangamba sa COVID-19, desidido talaga si Max Collins na sa bahay na lang nila ng mister na si Pacho Magno manganak.
Sa panayam sa kanya ni Nelson Canlas ng 24 Oras, ikinuwento ni Max ang mga paghahandang ginagawa niya para sa kanyang home birthing.
Dalawang buwan na lang at due nang magsilang si Max.
Bukod sa pag-e-exercise ay ine-educate daw ni Max ang sarili sa pamamagitan ng online home birthing classes.
Makakasama ni Max sa kanyang panganganak sa bahay ang asawang si Pancho na isang registered nurse, ang kanyang midwife, at isang doula.
Ang doula ay isang birthing partner o assistant sa panganganak.
Samantala, dahil pa rin sa panganib ng kasalukuyang coronavirus pandemic, mas maraming mga ginang ang nanganganak ngayon sa bahay o kaya'y sa mga birthing clinics.
Ito raw ay para maiwasan ng ina at sanggol ang mga nakakahawang sakit na naglipana ngayon.
Si Max at Pancho ay parehong Kapuso artists.
