Nitong eight-month quarantine, nagkaroon ng mas maraming oras si Fabio Ide sa kanyang unica hija na si Danielle o Dannie.
"I was focusing sa anak ko," ang panimulang kuwento ng Brazilian-Japanese model nang makausap siya ng PEP.ph (Philippine Entertainment Portal) sa grand media launch ng Ang Daigdig Ko'y Ikaw, ang bagong drama series ng Net 25.
"Six years old na siya. Ah, single dad ako. So, I was just really focusing on her."
Co-parenting sila ng mommy ni Dannie na si Denisse Oca, anak ng character actress na si Melissa Mendez.
"Minsan nasa bahay ko [si Dannie]. Minsan nasa bahay nila. Kaibigan pa rin kami. So, okey naman.
"Basta masaya iyong mga anak namin, iyon ang importante talaga sa amin."
Nitong August, isa sa mga naging concerns ni Fabio bilang daddy ay ang paggamit ng gadgets sa online learning.
Ani Fabio sa post nito, "Fatherhood is a lifetime responsibility with its challenges. Sometimes we have to move mountains just to put a cute smile in our kids faces. Honestly, I have always being against gadgets and electronic stuff until they reach certain age because I still think playing outside with other kids and enjoying the little things in life will always make them grow stronger and wiser.
"But I guess now this have to change.
"Due the crisis and pandemic Dannie will have to study online from home for a certain period of time until things get back to normal and because of that I had to get her an iPad so she could start her online school today."
Samantala, one year na rin ang relationship ni Fabio at ng non-showbiz girlfriend nitong si Ellen Frojd.
"Hindi siya Filipina, for the first time. Taga-Sweden siya," ang maikling kuwento ni Fabio.
Kailan niya nakilala si Ellen?
"Last year pa kami nag-meet, sa housewarming ng kaibigan ko. We met through a friend.
"'Tapos, dahan-dahan lang. 'Tapos nagiging ano, boyfriend-girlfriend. So, masaya rin kami."
Ngayong quarantine ay magkasama sina Fabio at Ellen sa iisang bahay.
May plano na ba silang magpakasal?
Aniya, "Uh, maybe one day I would like to. We talk about it. Pero, right now, the focus is really ano, the focus is to survive the pandemic.
"You know, just to be healthy. 'Tapos ano, enjoy lang. Enjoy lang ang buhay."