Isang puno sa Cagayan, naging tourist attraction dahil sa alitaptap

by Bernie V. Franco
May 6, 2022
fireflies cagayan
Sa isang barangay sa Cagayan, Isang puno sa isang barangay sa Cagayan ang naging tourist attraction dahil pinamahayan ito ng mga alitaptap.
PHOTO/S: Tony Phan from Unsplash

Kailan ka huling nakakita ng mga alitaptap?

Ang mga alitaptap (scientific name: Lampyridae) ay pamilya ng mga insekto na may higit 2,000 species.

Kumukuti-kutitap sila sa gabi at sa madaling-araw, bilang paraan nila ng pag-attract ng mates.

Noon, madalas silang makita sa mga probinsya at mahalamang mga lugar. Pero dahil sa urbanisasyon, naging mailap sila.

Sagana pa sa alitaptap ang barangay Casagan sa Santa Ana, Cagayan.

At marami sa mga bata ay pamilyar pa sa mga insekto, ayon sa Facebook post ng Philippine Information Agency (PIA) Region 2, nitong May 2, 2022.

Dahil dito, ginawang tourist attraction sa lugar ang firefly watching.

Kaya kung magagawi ka sa magaganda nitong white beaches, idagdag mo ito sa iyong activities.

fireflies

Continue reading below ↓

Nagkuwento pa si Charles Castillo, Casagan Tourguides Association president, tungkol sa mga alitaptap na makikita malapit sa paanan ng bundok.

Namamahay ang mga ito sa isang puno na kung tawagin ng mga residente ay “kullaban.”

Dagdag pa ni Castillo, masuwerte na nasisilayan pa sa kanilang lugar ang mga alitaptap, pero di hamak na mas marami ang mga ito noon.

“Doon sa madilim talaga sila naninirahan, sir. Ayaw nila sa maliwanag,” sabi ni Castillo.

Mula sa bayan ng Santa Ana, bibiyahe ang turista ng 20 minuto papunta sa barangay hall ng Casagan.

At mula rito, ay maglalakad ng sampung minuto para puntahan ang punong kullaban.

Samantala, maraming netizens ang nagkomento tungkol sa post.

Ang iba sa kanila ay nagbahagi ng kanilang magagandang childhood memories ukol sa mga alitaptap.

Nalungkot naman ang iba sa pagkawala ng mga ito.

fireflies

Continue reading below ↓

May isa na nagbahagi ng kanyang nabasa na ang mga alitaptap ay namamalagi sa isang lugar na malinis ang hangin.

Samantalang ang iba ay binanggit ang mga pamahiin na narinig nila sa mga nakatatanda.

fireflies

HOT STORIES

We are now on Quento! Download the app to enjoy more articles and videos from PEP.ph and other Summit Media websites.
Read Next
Featured
Latest Stories
Trending in Summit Media Network

Featured Searches:

Read the Story →
Sa isang barangay sa Cagayan, Isang puno sa isang barangay sa Cagayan ang naging tourist attraction dahil pinamahayan ito ng mga alitaptap.
PHOTO/S: Tony Phan from Unsplash
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results