Binasag na ng singer na si Kuh Ledesma ang kanyang katahimikan at sa wakas ay nagsalita na rin para ipagtanggol ang dating asawang si Louie Gonzalez na sangkot sa pagpatay sa negosyanteng stepbrother nitong si Federico "Paco" Delgado. Natagpuang naliligo sa sariling dugo niya si Paco dahil sa tinamong mga saksak sa bahay nito noong March 10.
Ang 47-year-old na ex-husband ni Kuh ay positibong itinuro ng nakasaksi sa naganap na krimen. Kitang-kita raw diumano ng witness nang tanggalin ng dating asawa ni Kuh ang bonnet sa mukha nito bago nilimas ang mga pera sa vault na nasa loob ng bahay ng pinaslang.
Ayon naman kay Kuh ay nakahanda siyang itaya ang sariling buhay para lang mapatunayan na inosente ang ex-husband at ama ng anak na si Isabella. Natitiyak niya na hindi raw nito magagawa ang karumal-dumal na krimeng ibinibintang dito.
"I will stake my life. My husband is innocent," ani Kuh.
Kaugnay nito, kinumpirma ng Pop Diva na nang maganap ang krimen ay kasalukuyang nasa Makati Medical Center ang dating asawa, kung saan ilang araw na itong sumasailalim sa gamutan. Matinding depresyon dahil sa pagkamatay ng inang si Victoria Quirino Delgado, anak ni dating Pangulong Elpidio Quirino, noong November 2006 ang dahilan ng pagkaka-ospital ng dating mister ni Kuh. Positibo nga si Kuh na malalampasan ng dating asawa ang sitwasyong kinasusuungan nito at malilinis din ang pangalan nito.
Samantala, on a lighter note, sinabi ni Kuh sa hiwalay na panayam na hindi siya nai-insecure sa mga baguhang singers, partikular sa Champions na kasama niya sa Sunday musical variety show ng ABS-CBN 2 na ASAP '07. Sa katunayan, aniya, lalo pa siyang nai-inspire na i-reinvent ang sarili.
"We have so many amazing talents nowadays it's so exciting," sabi niya. "I consider much of it a good thing actually. More than anything it inspires a greater form excellence in that, rather than mere commercial success, I now aim for innovations."
Sinabi pa ni Kuh na sa mga baguhang singers ay hinahangaan niya sina Sarah Geronimo, Mark Bautista, Christian Bautista, at Erik Santos ngunit para sa kanya ay pinaka-mahusay si Rachelle Anne Go.
"She already has style young as she is and I like the tone of her voice," esplika pa ni Kuh.
Siyempre pa, puring-puri rin ng Pop Diva ang 22-year-old daughter na si Isabella.
Aniya, "Isabella is quite different. She doesn't sound like anybody else. she doesn't even sound like me. She has a sound all her own and is making great strides carving her own path."