Kaugnay pa rin ng akusasyon ng dating driver-bodyguard ni Batangas Vice Governor-elect Marc Leviste na si Edward Ronquillo na nagkaroon diumano ng sexual relationship ang batang pulitiko kina Jackie Yllana, Diana Zubiri, at Maui Taylor, sinubukan ng PEP (Philippine Entertainment Portal) na kunin ang reaksiyon ng mga babaeng binanggit ni Ronquillo sa kanyang affidavit.
Ayon kay Douglas Quijano, na manager ng asawa ni Jackie na si Anjo Yllana, nang tanungin niya ang dating vice mayor ng Parañaque tungkol dito ay ayaw raw nitong patulan ang isyu.
Si Maui naman, sa hiwalay na interview ay idinenay rin na nagkaroon sila ng sexual relationship ni Marc. Although inamin ng sexy actress na ilang beses na silang nagkita ni Marc dahil ikinampanya ito noong tumakbo itong Board Member sa Batangas during the 2003 elections.
Ayaw ring patulan ng kampo ni Diana ang naturang isyu.
Ayon kay Marc, sa panayam ng PEP sa kanya kaninang hapon, ay tumawag daw mismo sa kanya ang manager ni Diana na si Jojo Gabinete at sinabi nitong hindi sila naniniwala sa mga paratang ni Ronquillo.