Pumanaw na si Miss World Philippines 2012 3rd Princess April Love Jordan nitong Biyernes, June 21.
Namatay si April dahil sa liver cancer. Siya ay 31 taong gulang lamang.
Si April ay beterano na pagdating sa mga beauty pageant.
Bukod sa Miss World Philippines, sumali na rin siya sa Binibining Pilipinas 2009 (Top 10 finalist), Mutya ng Pilipinas 2006 (2nd runner-up), Miss Philippines Earth 2006 (finalist), at International Beauty & Model Festival 2009 (winner).
Ang nanalong Miss World Philippines sa batch nina April ay si Queenierich Rehman.
Si April ay nagtapos ng Tourism, Hotel and Travel Industry Management sa Pamantasan ng Lungsod ng Maynila (PLM).
Nakaburol ang kanyang mga labi sa Heritage Park Memorial Chapels sa Taguig City.
Nakatakda naman ang kanyang libing bukas, June 25.
