Ikinalungkot ng GMA-7 actress/host na si Heart Evangelista ang pagpanaw ng isang Thalassemia patient na itinuturing na rin niyang kaibigan.
Ayon sa healthline.com, ang Thalassemia ay isang inherited blood disorder kung saan nagpo-produce ang katawan ng abnormal form of hemoglobin na siyang dahilan upang masira ang mga red blood cells sa ating dugo at maging sanhi ng anemia.
Nitong nakaraang Biyernes, June 28, nagbigay ng isang touching tribute si Heart sa kanyang Instagram account para sa kanyang pumanaw na kaibigan na kinilala niya bilang si Robert.
Ibinahagi ng Kapuso talent ang kanyang litrato kasama si Robert na kuha noong una silang magkakilala.
Sulat ni Heart, "Remembering a special friend who was gone too soon, today.
"This photo was taken in 2013 with my dear friend, Robert."
Ibinahagi ng Starstuck VII judge kung paano binago ni Robert ang kanyang buhay.
Patuloy nito, "It was such a blessing to have met an angel like you and becoming like a big sister to you even just for a few years.
"I just wanted to thank you and let you know that you have opened my eyes and taught me so many things.
"Up to this day, you continue to inspire me to do more."
Humingi rin ng tawad si Heart dahil hindi na nito nagawa ang huling hiling ni Robert.
Aniya, "I also just want to say sorry that I wasn’t able to do more for you at that time (including giving you the TV you wanted before your passing).
"But I hope you know that meeting you was truly life-changing for me and made me realize so many things."
Sa huling bahagi ng kanyang post, sinabi ni Heart na tutulong siya upang lumawak pa ang kamalayan ng mga Pilipino tungkol sa sakit na Thalassemia.
"It pains me that you had to undergo so much pain and suffering as a Thalassemia patient, but it gives me peace knowing that you’re in a better place now.
"Know that I will strive to raise awareness about your illness in hopes that it could help save someone’s life.
"Thank you, Robert. Your life truly touched mine.
"Say hello to the angels up there for me and I’m sure you’re having the best time."