Bago magtapos ang araw kahapon, July 25, isang nakakakilig na birthday message ang ibinahagi ni Matteo Guidicelli sa social media para sa girlfriend na si Sarah Geronimo.
Ipinagdiwang ng Popstar Princess ang kanyang ika-31 kaarawan nitong Huwebes.
Ipinost ni Matteo, 29, ang kanyang pagbati sa lahat ng kanyang social media accounts—Twitter, Instagram, at Facebook.
Hindi naging matipid si Matteo sa pagpuri sa kanyang girlfriend na tinawag niyang “most beautiful woman.”
Simula ng aktor, “My love, HAPPY HAPPY BIRTHDAY! You are the most beautiful woman to ever cross my life.”
Sabi pa ni Matteo, pinananatili man nilang pribado ang kanilang relasyon, gusto niyang ipaalam sa lahat ang pagmamahal sa kasintahan.
Tinawag pang “bulletproof” ni Matteo ang pag-iibigan nila ni Sarah.
“We keep our relationship very private but before the day ends let me say that I LOVE YOU VERY MUCH.
“No one and nothing can stop me from loving you more and more each day.
“We are bulletproof together love, keep that glow in your eyes and that magical heart.”
Pagtatapos ng kanyang greeting, “You’ve touched my life in ways that I can not explain, thank you. Keep being you and shine forever! I love you! HAPPY BIRTHDAY! [heart and kissing emojis]”
Ipagdiriwang nina Sarah at Matteo ang sixth anniversary nila bilang magkasintahan sa September.
Sa comments section naman, nakibati ang ilang celebrities kagaya nina Angel Locsin, Angelica Panganiban, at Darren Espanto.
