Sinamahan ni Vic Sotto ang kanyang anak na si Vico sa pangangampanya sa isang barangay sa Pasig City kahapon, April 21.
Tumatakbo sa pagka-konsehal sa first district ng Pasig City ang anak nina Vic at Coney Reyes sa ilalim ng Partidong Galing at Puso nina Grace Poe at Chiz Escudero.
Todo-suporta si Vic sa anak dahil sinamahan pa niya ito sa pagha-house-to-house sa Brgy. Palatiw sa Pasig.
Nagbiro pa ang 26-anyos na si Vico sa kanyang Facebook account kung paano dinudumog ang house-to-house campaign niya kapag kasama ang kanyang sikat na ama.
“Medyo nagiging kakaiba nga lang ang tema ng 'house to house' kapag kasama na si Papa.
“Ang bangko nagiging stage at ang paglalakad nagiging parang motorcade na motorless,” bahagi ng caption ni Vico sa kanyang Facebook account.
Pinasalamatan naman ni Vico ang ama sa pagsama sa kanya sa pamamagitan ng Instagram post na ito:
Bukod kay Vic, kasama ring naglibot ni Vico ang ilang konsehal ng Pasig upang tulungan siya sa kanyang pangangampanya.
(Note: Photos from Vico Sotto's Facebook account)
Featured Searches: