Watch Now

Bea Alonzo hopes John Lloyd Cruz will be her leading man in "Betty La Fea"

by Melba R. Llanera
Jul 14, 2008
"But I really hope na siya pa rin. I'm hoping na kung hindi man si John Lloyd, isang magaling na actor will play Armando. But it will be nice kung siya pa rin kasi mas kaunti na yung adjustments," says Bea Alonzo about wanting John Lloyd Cruz as her leading man in I Love Betty La Fea.

Sa contract signing ni Bea Alonzo para sa teleseryeng I Love Betty La Fea last July 9, isa-isang sinagot ng aktres ang mga katanungan at intrigang ibinabato sa kanya.

Unang hiningan ng PEP (Philippine Entertainment Portal) si Bea ng masasabi niya sa hiling ng marami na ang perennial screen partner niyang si John Lloyd Cruz pa rin ang kunin upang gumanap na Armando Mendoza sa I Love Betty La Fea, lalo't subok at tanggap naman ang tambalan nila ng young actor.

"Understandable ‘yan kasi we're doing a soap together for eight years as partner and as a love team," sabi ni Bea. "Hindi mo maalis sa kanila na hanap-hanapin kami sa TV, kasi kung saka-sakali, first time naming hindi magkakasama.

"But I really hope na siya pa rin. I'm hoping na kung hindi man si John Lloyd, isang magaling na actor will play Armando. But it will be nice kung siya pa rin kasi mas kaunti na yung adjustments."

ADVERTISEMENT - CONTINUE READING BELOW ↓

Hindi rin itinago ni Bea na sobra-sobra ang pressure na sa kanya ipinagkatiwala ng ABS-CBN ang I Love Betty La Fea.

"Sobrang pressure talaga, I'll be honest," sambit niya. "Pero at the same time, yung pressure na yun, tini-turn ko na lang into excitement then challenge. Challenge siya for me kasi first time ako na magko-comedy, magla-light soap opera. And it's not easy lalo't mga veterans ang mga kasama ko, like Ms. Ai-Ai delas Alas. Siyempre, ayoko namang magpahuli.

"Every take, ang iniisip ko na lang, characterization na lang at saka nakakatulong ng malaki ang workshop. Script reading pa lang, ang saya-saya na ng cast, tawa lang kami nang tawa. Ito yung trabaho na pag-uwi ko ng bahay, matutulog ako, nakangiti pa rin ako."

JOHN LLOYD-SARAH TEAM-UP. Nang una pa lang lumabas ang balita na si Sarah Geronimo ang kapareha ni John Lloyd sa pelikulang A Very Special Love ng Star Cinema, marami raw sa John Lloyd-Bea fans ang umalma at nagbantang ibu-boycott ang nasabing pelikula. Agad namang dinepensahan ni Bea ang kanilang mga tagahanga tungkol sa lumabas na balita.

ADVERTISEMENT - CONTINUE READING BELOW ↓

"I don't think they're gonna do that kasi yung mga fans naman namin are very intelligent people, very considerate. Siguro nasasabi lang nila yun dahil bugso ng damdamin nila nung nakarating sa kanila yung impormasyon na gagawa sila ng pelikula. Siyempre, initial reaction nila, ‘Ay, ibo-boycott namin 'to!' But I'm sure, hindi nila gagawin yun because they love John Lloyd, as much as they love me and I trust them with that," pahayag ng young actress.

DATE WITH JAKE. Bago pa man pumutok ang balita na nakitang nag-date diumano sina Bea at Jake Cuenca sa Alabang, lumabas din na gagawa sila ng pelikula under Star Cinema. Pero ayon kay Bea, "I'm not doing it anymore kasi nagkaroon ng changes sa plan ng management. I think Shaina [Magdayao] is going to do it na. Ako, I'm going to do Betty muna."

Marami ang nakapansin na parang iwas na raw si Bea na pag-usapan ang tungkol sa nababalitang espesyal na relasyon na namamagitan sa kanila ni Jake.

ADVERTISEMENT - CONTINUE READING BELOW ↓

Paliwanag ni Bea, "Hindi naman sa iniiwasan ko. Kaya lang, mahirap na dito lagi naka-focus yung conversation. It's nothing naman, it's a friendship na nabibigyan lang ng malisya.

"I don't think I have something to do with Jake and Roxanne [Guinoo, Jake's ex-girlfriend], lalo na sa breakup nila because I have my own life. I'm enjoying it saka ang dami kong ginagawa. May album ako, I have Betty La Fea, and that's the least thing na dapat kong problemahin as of the moment.

"It's true na lumabas kami ni Jake," patuloy niya, "and there's nothing wrong with that. I'm single and he's single, and it's not really a date. Two people hanging out and wala naman sigurong masama doon. Sabi ko nga, ngayong lumabas pa lang kami, kung anu-ano na ang mga lumalabas.

"Sabi ko nga, ang sine-savor ko yung feeling na pretty-prettyhan muna ako ‘tapos magiging Betty ako. Lagi kong sinasabi, lahat ng dumarating sa buhay ko ngayon, right timing. Siyempre, alam ni God na nalulungkot ka, mag-isa ka, pero ang daming trabahong dumarating, ang daming blessings."

ADVERTISEMENT - CONTINUE READING BELOW ↓

It seems that Bea is still mending her broken heart dahil nung tanungin namin siya kung nakapag-move on na ba siya sa breakup nila ng ex-boyfriend niya na si Mico Palanca, heto ang sagot ni Bea: "All I can say is that I'm in the process of moving on."

BEA'S CRUSH ON VHONG. Bea openly says that, even before, crush na niya si Vhong Navarrro, na siyang gaganap bilang Nicolas sa I Love Betty La Fea.

"Ang weird kasi si Vhong, katrabaho ko na siya sa ASAP lagi. Talagang makulit ang personality niya. So nung nag-workshop na kami, hindi naging mahirap sa akin na makilala or maging comfortable doing different things with him. Kasi sobrang approachable niya na kahit siguro sinong um-approach sa kanya, makakagaanan siya ng loob kasi he's really a nice guy. Sobrang funny niya na hindi nakakahiyang magpatawa or biruin siya. Oo, pinaka-enjoy ako na katrabaho si Vhong.

ADVERTISEMENT - CONTINUE READING BELOW ↓

"Alam naman ng mga tao na crush ko si Vhong. Even sa ASAP nga, yun ang laging biro nila sa akin, ‘Wow, Brad Pitt ang dating ni Vhong!' But iki-clear ko lang na this is not in a romantic way. But I really, really find him very funny. Alam mo kung mata-trap man ako sa isang elevator, gugustuhin ko na si Vhong yung makasama ko."

Read Next
Featured
Latest Stories
Trending in Summit Media Network

Featured Searches:

Read the Story →
"But I really hope na siya pa rin. I'm hoping na kung hindi man si John Lloyd, isang magaling na actor will play Armando. But it will be nice kung siya pa rin kasi mas kaunti na yung adjustments," says Bea Alonzo about wanting John Lloyd Cruz as her leading man in I Love Betty La Fea.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results