Lovi Poe plays an incest rape victim in Familia Sagrada

"Noong una, napi-picture out ko na ang shooting, kung ano ang gagawin ko. I was having second thoughts, I won't lie [about] that. Pero sinabi naman that Direk Joel will take care of me, the things that we'll do. Tapos, mga kasama ko pang co-actors are the people that I could really trust," says Lovi Poe about her role in Familia Sagrada.


Pagkatapos ma-late si Lovi Poe ng isang beses sa shooting ng pelikulang Sagrada Familia at nakagalitan siya ng direktor nilang si Direk Joel Lamangan, ayon sa young actress-singer, maayos na raw ngayon ang lahat sa pagitan nila ng direktor. (CLICK HERE to read related story.)

Ito ang naging pahayag ni Lovi nang dalawin ng PEP (Philippine Entertainment Portal) ang shooting ng Sagrada Familia sa may Kamias, Quezon City kahapon, October 6.

"Okey lang, kasi yun nga po, it wasn't meant to happen. Pero after that, everything was okay naman po. It's my first time with Direk Joel and it's more on, not takot, but it's more on knowing who is really in charge. Well, it's always like that naman."

A MORE DARING LOVI. Naging daring na rin, in a way, si Lovi sa huling indie film niya na Walang Hanggang Paalam, kung saan ginagampanan niya ang role ng isang liberated teenager. Would she say na mas grabe pa ngayon ang ginawa niya sa Familia Sagrada dahil ni-rape naman siya dito ng sarili niyang ama, na ginagampanan ni Emilio Garcia?

"This one is nothing compared," sabi niya. "This time, I'm a victim. Kawawa, scary... Grabe! Noong una, napi-picture out ko na ang shooting, kung ano ang gagawin ko. I was having second thoughts, I won't lie [about] that. Pero sinabi naman that Direk Joel will take care of me, the things that we'll do. Tapos, mga kasama ko pang co-actors are the people that I could really trust."

Mabigat daw ang bawat shooting day nila.

"Yes, kaya nga hindi ako dapat masaya. Kailangan sa araw ng shooting, pagdating mo, bad mood ka na para mas madali kang makapag-internalize," sabi ni Lovi.

Kapansin-pansin na sunud-sunod ang serious roles na ginagampanan niya ngayon sa pelikula. Bakit nga ba?

"Siguro kasi, I wanna be taken seriously. I really want to be an actress. Not just someone being seen on TV, but be called as an actress. That's one of the things that I want to fulfill," saad niya.

ADVERTISEMENT - CONTINUE READING BELOW

Noong pinanood niya ang Walang Hanggang Paalam, naikuwento niyang na-shock siya sa nagawa niya roon. This time ba sa Familia Sagrada ay na-shock din siya?

"Naku, feeling ko, baka malalaglag na 'ko sa kinauupuan ko!" natatawa niyang sabi. "Doon kasi flirty ako. Pero dito, may pinanggagalingan talaga kung bakit siya naging aggressive."

"WE'RE FRIENDS." Nang tanungin naman tungkol sa kanyang lovelife at kay Jolo Revilla, nangiti lang si Lovi sabay sabing, "We're friends."

Kapansin-pansin ang absence ni Lovi sa nakaraang birthday party ng ama ni Jolo na si Senator Bong Revilla. Tila first time ito na wala siya sa event ng pamilya Revilla?

"First time ba yun?" natatawa niyang sagot. "I think I was sick that time. I don't remember, e. May time na nagkasakit ako."

Umiiwas na ba siyang makita sa events ng mga Revilla?

"Hindi naman po. Wala naman po akong dapat iwasan. Napalapit na po ako sa pamilya nila. Close naman po ako sa kanila. So, hindi naman po kailangang iwasan. Napakabait naman po nila," sabi ni Lovi.

May nagbabawal na ba sa kanya?

"Ay, wala naman po... it just happened. At saka si Jolo, alam naman po niya na nandito lang ako para sa kanya. Alam naman niya yun. We're friends naman po. Hindi pa rin maiiwasang mag-usap kayo. Alam n'yo yung, if it's yours, it's yours."

Sa ngayon daw, ang stand niya, her doors are open to everyone.

"Basta, yun lang po ang masasabi ko. Pero after everything... Ayoko rin naman pong mag-focus sa lovelife. It's more on trabaho at pag-aaral po," paliwanag ni Lovi.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN