Boy Abunda shows indifference to Gretchen Barretto's texting controversy

The garrulous talk show host, whose bread and butter is getting the scoop on anybody in Tinseltown, is suddenly mum on the latest issue involving his alaga, Gretchen Barretto (inset). "Nabasa ko ang isang text message. Parang kinopi-furnish ako. So, nalaman ko. Hindi ako nagtanong. Hindi ako, wala."


May panibago na namang kontrobersyang kinasasangkutan ang talent at kaibigan ni Boy Abunda na si Gretchen Barretto. This time, involved si Gretchen sa isyu ng mahiwagang text messages na sinasabing galing sa beauty businesswoman na si Mikaela Bilbao.

Ano ang masasabi ni Boy tungkol dito?

"Wala," sambit ng sikat na TV host pagkatapos ng kanyang programang SNN: Showbiz News Ngayon. "Wala talaga naman kasi akong alam doon.

"Nabasa ko ang isang text message. Parang kinopi-furnish ako. So, nalaman ko. Hindi ako nagtanong. Hindi ako, wala."

Did he ask Gretchen about it?

"May mga bagay kasi na pinag-uusapan, may mga bagay na hindi. Pero parang wala, e."

"WE'RE NOT TALKING ABOUT IT." Kinunsulta ba siya ni Gretchen tungkol dito bilang manager at kaibigan niya?

"Kung tatanungin niya ako at wala namang basehan, umiikot sa balita, kanya na yun, di ba? Parang kulang naman kami sa kontrobersyang pinagdaanan ngayon. Hahaha! Huwag na muna [mag-comment]."

Ayaw nilang patulan ang isyu, gano'n ba?

"Ah, hindi. Your words not mine. Ah, may bagay na hinaharap, may mga bagay na hindi. Base sa pagkakaalam ko, e, wala naman. I don't know much of the story. Pero parang kung ganun kagrabe, napag-usapan na sana namin ni Gretchen. E, the fact that we're not talking about it siguro, hindi grabe, pero walang basehan."

May ideya ba siya kung sino ang nag-text sa kanya?

"Sa rami naman ng nagte-text sa akin... Meron namang number pero walang pangalan."

Hindi niya inalam kung sino yung nagpadala ng text messages sa kanya?

"Oo, naman. Alam mo, minsan nga pag may nagte-text sa akin, 'Alam mo, kalbo,' blah-blah. Hindi ko na pinapansin. Hahaha!"

A LAWSUIT IS "A MATTER AMONG FRIENDS." May source na nakapagsabi sa amin na pursigido si Mikaela na idemanda si Gretchen.

"That's truly a matter among friends. I am not involved in the relationship."

ADVERTISEMENT - CONTINUE READING BELOW

Napag-uusapan ba nila ni Gretchen ito?

"Hindi," mabilis na sagot ni Boy. "Kung ako ang tatanungin ni Gretchen, ngayon ang pinag-uusapan namin yung darating niyang soap sa ABS-CBN. 'Yan ang tinatrabaho namin at pinag-uusapan namin, with Claudine [Barretto]. 'Yan ang pinag-uusapan namin. Ako'y umaasa at nagdarasal."

CLAUDINE'S OWN CONTROVERSY. Speaking of Claudine, di ba nabulabog ang negotiations with ABS-CBN after pumirma siya ng kontrata with Viva Films?

"That I don't know at hindi ko rin panghihimasukan 'yan. Ang sa akin lamang, kami ay handa na kaming pumirma at kami ay naayos na sa lahat ng mga items na dapat pag-usapan. Lahat na mga tanong ay amin nang nasagot. Okey kami."

Paano kung tuluyang i-shelve ng ABS-CBN ang kauna-unahang teleserye sanang pagsasamahan ng kontrobersyal na magkapatid?

"Ay, 'yan ang hindi namin alam. We will cross the bridge when we get there."

Kung palitan si Claudine sa proyekto, itutuloy pa rin kaya ito ni Gretchen?

"We will study that very carefully. Pero hindi kami nagsasara ng pintuan."

Aware ba si Gretchen sa pagpirma ni Claudine sa Viva Films at balitang galit sa kanya ang ABS-CBN?

"I'm sure. Ah, I'm sure. Pero hindi magdedesisyon 'yan nang hindi kinukonsulta sa akin. Pero bukas kami sa options namin.

"Si Gretchen right now just wants to work. She's just so excited to go back to television. She's just so excited to act. Gusto niya talagang maging aktres. Hehehe."

Baka raw tuluyan nang makalimutan ni Gretchen ang Tagalog pag di natuloy ang proyekto nila ni Claudine.

"Gretchen will always be a Filipina by heart and by spirit and by mind. So, hindi malilimutan ni Gretchen ang pagta-Tagalog. Ang ibig sabihin lang niyan, pinaghahandaan ni Gretchen ang kanyang teleserye... she's not taking for granted yung offer. [If] she has to go to school and brush up on her Tagalog or whatever language, ay ibig sabihin... seryoso niyang pinaghahandaan ang trabaho niya because she wants to work. She really wants to work," pagtatapos ni Boy.

ADVERTISEMENT - CONTINUE READING BELOW


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN