Angel Locsin returns to TV with a fantasy series for kids

Angel will star in Kokey, where she will be paired for the first time with funnyman Vhong Navarro.


Wala raw binabalikang relasyon si Angel Locsin, kaya nang magkasira sila ni Luis Manzano, sa tingin ng marami ay malabo nang madugtungan pa ang relasyon nila.

Pero nang makapanayam si Angel ng PEP (Philippine Entertainment Portal) sa nakaraang story conference at pictorial para sa Kokey, tila di na ganoon katigas ang posisyon ng aktres.

"Yes, di ako naniniwala sa reconciliation, pero baka kainin ko ang mga salita ko," pag-amin ni Angel.

"Di ko naman maalis agad kung ano ang nararamdaman ko, kung ano ang mga pinagsamahan namin. Pero sa ngayon, mas okey pag friends muna kami," sabi ng aktres na nitong Nobyembre lang uling nakipag-usap kay Luis, apat na buwan matapos ang kanilang breakup.

PROUD OF LUIS. Si Anne Curtis ang ka-date ni Luis sa nakaraang 23rd Star Awards for TV kung saan nanalo siya as Best Male TV Host, samantalang Female Star of the Night naman si Anne.

Ayon kay Angel ay niyaya siya ni Luis na samahan ito pero hindi siya puwede noon.

"Nagtanong siya, pero di naman ako makakapag-provide ng gown nang ganun kabilis. Ayoko rin naman kasi may commitment din naman ako kinabukasan."

Pero nagpahayag ang aktres ng kagalakan nang matamo ni Luis ang karangalan.

"Sinabihan ako agad ni Luis nung manalo siya, same thing with Anne. Dapat lalabas kami ni Anne kasi nanalo siya as Star of the Night, pero antok na antok na ako kasi mayroon akong fun run kinabukasan ng 5:30 a.m. for McDonald's. Baka mahimatay ako sa fun run, di maganda, kasi tinatawag akong Darna tapos ganun ang mangyayari, di ba?

"Very proud ako kay Luis kasi alam ko kung paano niya seryosohin ang trabaho niya. Alam ko kung paano siya magtrabaho. I think deserve naman niya yun."

NO DATE FOR THE EMMYS. Di man pinalad si Angel na manalo sa 37th International Emmy Awards, kung saan nominated siya for Best Actress para sa teleserye na Lobo, masasabing nagbukas ito ng pinto para mapansin internationally ang mga shows na gawa dito.

ADVERTISEMENT - CONTINUE READING BELOW

Inimbitahan ni Angel si Piolo Pascual na maging kapareha niya sa awards night sa New York noong November 23, pero hindi ito puwede. Naging honest rin si Angel na inaya niya si Luis pero hindi rin siya nito napagbigyan.

"Tinext ko si PJ [Piolo] kung gusto niyang sumama sa Emmys. Sabi niya gusto naman daw niya. Nagpaalam naman siya, kaya lang di siya pinayagan kasi naghahabol sila ng taping for Lovers [in Paris]. Siyempre, siya ang in-invite ko dahil siya ang kasama ko din, ka-partner ko sa Lobo. Gusto kong ma-experience din niya.

"Oo, in-invite ko rin si Luis pero nanood siya ng Pacquiao... Medyo nagtampo lang ako sa kanya. Ang tagal naming di nag-usap tapos heto nga, parang naging okey na although friendship muna, tapos din dun siya kay Pacquiao. Ako, ang suporta ko sa Team Pacquiao, nandun siya kay Pacquiao-wan. 'Ok, dun ka muna.'"

WORKING WITH JOHN LLOYD. Magiging kapareha niya si John Lloyd sa sisimulang teleserye ng ABS-CBN at tiyak na mahahaluan ng love angle ang samahan nila. Sa isang panayam ay inamin daw ni Luis na masasaktan siya kung saka-sakaling mahulog ang loob nina John Lloyd at Angel sa isa't isa.

"Huwag muna siyang magselos kay John Lloyd," ang sagot naman ni Angel dito. "I don't think about those things kasi ang focus ko ay sa magiging trabaho namin ni Lloydie... Wala naman sigurong dapat ika-hurt o ano pa man kasi wala namang issue.

"Basta ako pag nag-start na kami ng show, magwo-workshop talaga ako, ayokong mapahiya kay Lloydie. Napakahusay niyang aktor, iba yung atake ni John Lloyd. Kaya niyang magpatawa, kaya niyang magpaiyak, ang galing! Sobrang intense actor talaga."

Sabi ni John Lloyd sa ibang interviews na medyo nailang daw siya nung ginagawa nila ang station ID ng ABS-CBN dahil kailangan niyang akbayan si Angel.

ADVERTISEMENT - CONTINUE READING BELOW

"Hindi, no, nang-aasar lang 'yun, baka raw may magalit. Nagbibiro lang si Lloydie," paliwanag ni Angel.

SERIES FOR KIDS. Habang di pa sinisimulan ang teleserye nila ni John Lloyd, isa munang fantaserye ang gagawin ni Angel. Ito ay ang Kokey, kung saan makakapareha niya si Vhong Navarro.

"Happy and excited ako. Ang tagal na rin akong di nakikita sa TV at ngayon babalik ako sa isang show na pambata. Excited ako kasi first time kong makakatrabaho si Vhong. Pangalawa, unit ito ni Direk Loren Dyogi, ibang atmosphere naman. Pangatlo, si Direk Wenn, first time ko siyang makakatrabaho din."

Masaya ring nagkuwento si Angel na habang tumatagal ay lalong dumarami daw ang sumusuporta sa kanila ni Anne sa proyekto nilang Shop and Share na almost half a million ang nalikom at naibigay na sa Philippine National Red Cross.

"Nag-donate si apl.de.ap ng Black Eyed Peas, na-touched talaga ako, sobrang nice-nice. Kasama niya ang family niya, pinuntahan ko siya sa hotel, nandun ang buong family niya kasi birthday niya. Nag-donate siya ng jacket, shirt, 'saka shoes.

"Si Efren PeƱaflorida [CNN Hero of the Year in 2009] naman, nag-donate din. Facebook friends kami tapos nakakatuwa nga kasi nag-meet kami sa airport. Nag-good luck kami sa isa't isa. Siya mismo ang nag-offer sa suot niyang dog tag. Susuotin daw niya yun sa CNN, tapos pag siya ang nanalo, ipapa-auction niya. Na-touched ako kasi naalala pa niya yung promise niya. Ang sweet din niya kasi binigyan niya ako ng sarili kong trophy, 'Hollywood Best Hero.'"


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN