Kitang-kita ang kasiyahan at excitement ni Ruffa Gutierrez sa trade launch ng TV5 na ginanap sa World Trade Center noong March 25.
"I'm very happy. I really saw how hard the production works for this event. I mean, the foods, the drinks, the giveaways—they are giving a new car—the stage, the presentation... I must really congratulate the people behind TV5 for coming out and spearheading this huge event," sabi ni Ruffa nang makausap siya ng PEP (Philippine Entertainment Portal) sa backstage ng WTC.
After seeing the turnout of the trade launch, masasabi ba niyang wala siyang dapat pagsisihan sa pagpili niyang maging "Kapatid"—ang bagong brand ID ng TV5?
"Hindi naman ako nagsisi ever since," sabi ni Ruffa. "Every time I make a decision, palagi kong pinaninindigan at wala talagang pagsisisi. You can make mistakes in the past but with this, it was never a mistake. It was actually an honor that they were very nice to me. They gave me an amazing offer na hindi ko ma-refuse. So, happy ako to be part of the TV5 family."
SHOWS ON TV5. Mapapanood si Ruffa bilang isa sa talent scout/judge ng Talentadong Pinoy. Magte-tape na rin daw siya para sa drama anthology na 5-Star Specials after Maricel Soriano. Kasama rin siya sa bagong showbiz talk show na Paparazzi every Sunday.
Nilinaw ni Ruffa na hindi magiging katapat ng iniwan niyang The Buzz sa ABS-CBN ang Paparazzi.
"It's actually before The Buzz at 2:30 p.m. So, after P.O.5 [new variety show], kami na agad. The Buzz is at 4 p.m."
Dagdag pa ni Ruffa, "I'm also non-exclusive. While I'm promoting Working Girls 2010, I'll be guesting at GMA-7 shows."
Sa katunayan, sa Linggo (March 28) nga ay magge-guest si Ruffa sa showbiz talk show ng GMA-7 na Showbiz Central, na siyang katapat ng The Buzz.
Sa kanyang Twittter account, sinabi ni Ruffa na sana raw ay matigil na ang network war.
"E, kasi, I've been in the business since I was 13 and I remember back then, kahit saan puwede kaming mag-guest. You know, I was a mainstay of That's Entertainment and GMA Supershow [sa GMA-7], they will also guest me in Young Love, Sweet Love for RPN-9. Nakakapag-guest din sa IBC-13. Hindi pa yata uso ang ABS nun. Pero once na naging uso na rin ang ABS, nagge-guest din kami dun. So, nakakaikot lahat kapag nagpo-promote ng film.
"You know, it's nicer that the more networks, the more programs. I think it's better for the whole industry, and the people benefiting this would be the viewers anyway because it will focus on healthy competition. We're really gonna try our best and strive for excellence. So, kaming mga viewer ang mananalo," saad ni Ruffa.
Sa palagay ba niya ay kaya na ng TV5 to compete against the two giant networks, ABS-CBN and GMA-7?
"I think, you know, this is gonna be the force to reckon with. In terms of being able to compete, I have high hopes that TV5 can compete with the two networks. As long as it's a healthy competition, wala namang masama.
"But I also believe in MVP's [Manny V. Pangilinan, TV5 chairman] golden touch. Sa tingin ko naman, hindi naman matatakot dun yung dalawang network sa pagpasok ng TV5. At hindi sila pipirma ng kontrata sa major stars nila at mga tauhan nila kung hindi sila takot din sa TV5."
Three-year non-exclusive contract ang pinirmahan ni Ruffa sa TV5.
KRIS AQUINO. Naging maintriga ang pag-alis ni Ruffa sa The Buzz dahil sa nangyari sa kanila ni Kris Aquino. Public apologies were done, pero hindi pa raw sila personal na nagkakausap.
"Wala pa," pag-amin ni Ruffa. "Si Tito Boy [Abunda], well, I filled up his questionnaire and lumabas na sa Philippine Star and I thanked him for the nice article. Yun, nag-text back siya sa akin.
"Si Kris, hindi pa kami nagkikita, hindi pa kami nagkakausap. Baka busy siya sa kampanya. But for me, tapos na yun. I'm already here in TV5. So, let's leave that behind."
Paano kung accidentally ay magkita sila?
"Siguro, whatever happens. For me naman, it's not something that you know, you really have to think about. Siyempre, maliit lang naman ang industriya. Siyempre, magkikita kami. Magbabatian kami. Wala namang magiging problema," sabi ni Ruffa.
FOR PRESIDENT. Naging issue rin kung sino na ang iboboto niyang presidente this coming election. May impression noon na she's pro-Noynoy Aquino. The same pa rin ba ang choice niya ngayon?
"Well, as of now, I'm not sure who I'm gonna be supporting. Everyone can always change their mind until the May election. Hindi ko pa alam kung sino ang susuportahan ko.
"Lahat kaming pamilya, iba-iba. My dad's for Erap. My mom is for Gibo. Raymond is for Villar. My kids are for Villar. Si Chard, hindi pa niya nasasabi. Hindi pa siya nakakapag-decide.
"I think for me, I'm gonna really watch the debate and carefully decide and think whom I'm gonna vote for. Kasi for me, it's important, e. Kung sino ang gusto ng puso ko at saan ako naniniwala," pagwawakas ni Ruffa.