PART 1. Kris Aquino says her sons did not ask for James when they were on U.S. vacation

"I think kung nakita nilang miserable ako dun sa bakasyon at nag-iiyak ako do'n, do'n nila mapi-feel na there's something wrong. Pero kung nakita naman nila na magaan ang pakiramdam ko, nung nanay nila, masaya kami, hindi sila magtatanong. Di ba? Yung parang wala silang hinanap," says Kris Aquino about her U.S. trip with sons Josh and Baby James, without husband James Yap.


Dumating kahapon ng madaling-araw, July 30, ang TV host-actress na si Kris Aquino mula sa tatlong linggong pagbabakasyon sa U.S. kasama ng mga anak niyang sina Josh at Baby James.

Kasabay ng kanyang pagbabalik ay ang pagsalubong ng mga intrigang iniwan niya at umusbong habang wala siya sa bansa. Kaya naman paglapag ng eroplanong sinasakyan ay isang exclusive interview agad ang ibinigay sa kaibigan at manager na si Boy Abunda sa airport pa lang.

Ipinalabas ang unang bahagi ng panayam ni Boy kay Kris kagabi rin sa late-night showbiz talk show ng ABS-CBN na SNN: Showbiz News Ngayon. Ang ikalawang bahagi, kung saan sinagot ni Kris ang tungkol sa hiwalayan nila ng asawang si James Yap, ay ipalalabas sa The Buzz sa Linggo, August 1. Ang dalawang showbiz talk shows na nabanggit ay dating mga programa ni Kris kasama si Boy, na matalik at matagal na niyang kaibigan.

Matatandaang pinili niyang iwanan ang mga ito matapos manalo sa nakaraang elekisyon ang kapatid niyang si President Noynoy Aquino, upang wag na raw dumami pa ang ipasasagot na isyu sa presidente. Kilala kasi si Kris bilang media magnet. Ang anumang sabihin nito ay nagkakarun ng media coverage, liban pa sa talagang media savvy ang actress at host.

U.S. VACATION. Unang kinumusta ni Boy ang pagbababakasyon nila.

"It's nice to be back!" masayang bungad ng TV host-actress. "It was really a good vacation for the three of us. I mean, ako, si Josh, si Baby James, kasi yun yung time namin talaga na nabawi ko sa kanila lahat ng panahon na nawala sa kanila because of the campaign [last election].

"It was good to be semi-anonymous," nangingiting patuloy ni Kris. "Marami ring Pinoy na nagtatrabaho sa Disney, pero they were really so nice. So, yung cruise namin masaya. Yung Disneyworld, I became fit kasi naka-on yung pedometer dun sa iPhone ko. So, in a day, nakaka-six to seven miles kami kasi lakad ka nang lakad. Ako, makikita n'yo lahat ng pictures, ako yung taga-push ng stroller ni Bimby [palayaw ni Baby James].

ADVERTISEMENT - CONTINUE READING BELOW

"'Tapos, first time niya ma-experience mag-rollercoaster. Si Bimby, I'm so proud kasi may height requirement, 40 inches. Forty-two inches na siya! Normally, that 40 inches para for you to be about five years old, so matangkad talaga anak ko, nakasakay ng lahat ng rollercoaster!" Tatlong taon na si Baby James.

Bukod sa mga nabanggit ni Kris, ang isang bagay pa raw na nagawa niya noong nasa U.S. sila ay ang paglalaba.

Kuwento niya, "Oo, pinaglaba ko sila nung nasa Disney cruise kami... Kasi yung mga nag-aayos ng kuwarto, they were outside kasi. Bawat floor, parang may laundry room. 'Tapos yung mga Pinoy, sinabi talaga, 'Ma'am, kayo po naglalaba?' Sabi ko, 'Oo, kasi nagsu-swimming yung mga yaya!'"

Ayon pa kay Kris, walang signal ang telepono niya during the entire cruise kaya nawalan siya ng contact sa mga malalapit na tao sa kanya dito sa Pilipinas.

"So, for five nights, we were really taken away from the world," sabi niya.

Pagkatapos nito ay ikinuwento na niya ang iba pa nilang ginawa sa bakasyon nila.

"So, every night, nakanood kami ng mga Disney presentations na Broadway quality. Nakapunta kami sa Bahamas, na feeling ko naman, dyusko, di hamak mas maganda ang Boracay... Oo, I swear! Yung Castaway Cay nila, na island ng Disney [sa Bahamas], yun ang maganda. Pero kung tatanungin n'yo ako, kulang lang tayo sa pag-push, pero kayang-kaya natin 'yon.

"But Florida was a wonderful experience kasi I could be a child again through their eyes. Hindi mo iindahin yung init, yung pagod, yung pila, kasi ang saya! Talagang in heaven yung dalawa ko."

HOMECOMING. Naging espesyal din daw para kay Kris ang pagbisita nila sa Boston, Massachusetts, kung saan nanirahan ang pamilya Aquino sa loob ng tatlong taon. Ito yung panahong kasama pa nina Kris at ng kanyang apat na kapatid ang mga magulang nilang sina former President Cory Aquino at former Senator Ninoy Aquino.

ADVERTISEMENT - CONTINUE READING BELOW

"Sabi ko nga, I was telling my sisters na... nagte-text ako na, 'I never realized it was this beautiful, na ang suwerte natin na we had those three years to be with our mom and dad na kumpleto tayo, na ganun kaganda yung lugar.'

"Tapos dumalaw kami dun sa dati kong school, do'n sa church kung saan kami nagsisimba. Dumaan kami doon sa bahay namin, nag-picture taking and all... Pumunta kami sa favorite na restaurant ni P-Noy [President Noynoy Aquino], kinunan namin ng pictures lahat ng pizza na kinain namin. 'Tapos sinabi ko sa kanya [P-Noy], 'O, ikinain ka na lang namin.'"

Tinanong ni Boy si Kris kung ano ang halaga ng tatlong taong nanirahan sila sa Boston. Pero imbes na sagutin kung ano ang kahalagahan ng paninirahan nila noon, sinabi ni Kris ang kahalagahan ng pagbabalik niya roon.

"Ang halaga na lang ng pagdalaw ngayon, hindi ako malungkot," sabi niya. "Kasi, alam ko, come Sunday [August 1], it will be very emotional for all of us. Tinatanong ni Pinky [Kris's sister], 'Naluha ka?' Sabi ko, 'No.' Kasi na-feel ko we were so blessed na nabigyan kami ng pagkakataon na magkaroon ng normal na buhay. Kaya kung may halaga ang pagdalaw namin doon, it made me so grateful for my childhood."

Ang tinutukoy ni Kris na petsa, August 1, ay ang unang anibersaryo ng kamatayan ni President Cory.

BONDING WITH HER SONS. Isa pang ikinatutuwa ni Kris sa bakasyon nilang ito ay ang bonding nilang mag-iina. Pero panay rin daw ang "pag-aaway" nina Josh at Baby James.

Ani Kris, "Hindi nagbago from the time we arrived to the time we left, iisa ang pinag-aawayan nila sa gabi. Si Kuya tatabi, si Bimby mag-iiyak na, 'Kuya, out, other mama ka.' Pinahahanap niya ng ibang nanay ang kuya niya! 'Tapos mag-aaway kaming tatlo, pagsasabihan ko yung isa, pagsasabihan ko yung isa, and then finally matutulog kami."

ADVERTISEMENT - CONTINUE READING BELOW

Pero tuwing nagbabanyo raw siya ay magkabati yung dalawa.

"Yes, loving sila pag wala ako doon," sabi ni Kris. "That's the one thing I did experience that I have not been able to experience here—sabay kaming matulog, sabay kaming magigising. Masarap 'yon... Tiniis ko na na-obsess si Bimby sa Cartoon Network, tuwang-tuwa siya!"

Dagdag niya, "I think, for my kids talaga, it was a chance talaga to just really be family without all the attention."

DID THEY ASK FOR JAMES? Sa tatlong linggong pagbabakasyon at pag-iikot nila sa Amerika, was there a time na nagtanong ang mga bata tungkol kay James?

"Well, James naman is calling Jerbel [yaya of Baby James]," sagot ni Kris. "Kasi ibinigay ko yung number ni Jerbel, 'tapos nakapag-uusap naman sila... Ahm, parang hindi naman [nagtanong ang mga bata].

"'Eto na lang siguro ang sasabihin ko: your children would always take their cue from you. I think kung nakita nilang miserable ako dun sa bakasyon at nag-iiyak ako do'n, do'n nila mapi-feel na there's something wrong. Pero kung nakita naman nila na magaan ang pakiramdam ko, nung nanay nila, masaya kami, hindi sila magtatanong. Di ba? Yung parang wala silang hinanap, kasi siguro naman, napunuan ko lahat 'yon at talagang sinikap ko na... Boy, naman, hindi ako marunong lumangoy, lumangoy ako, nag-beach kami, nag-boating kami. Takot ako sa dagat! Pero para yung fish feeding na 'yon, para si Finding Nemo makita namin, ginawa ko.

"If it's about what we're going through before leaving, I would have to say na matagal na silang may preview of what was to come... Nakita naman nila kung ano ang pinagdaanan namin, hindi naman naging sikreto. And I will admit to all of you na part of the reason why I said that it was time to really move on, because ilang beses nang nakita ni Baby James na nag-aaway [kami] at umiiyak ako. And I think that was not healthy. And I think na naiintindihan niya because I always explain," pagsisiwalat ni Kris.

ADVERTISEMENT - CONTINUE READING BELOW

Tanong ni Boy: "You talk to the child in his language, or you tell him the truth? Diretsa mong sinasabi?"

"Ako pa? Diretso," sagot naman ni Kris. "Sabi ko, 'Bimby, can Mama have a boyfriend?' Sabi ni Bimby, 'Mama, tama na!' Ganun kadiretso!

"Alam mo kasi, parang nakita ko do'n na dapat huwag n'yo sisiraan ang isa't isa. Kailangan parati mong nire-reassure na... I always tell him, 'Bimby, kahit na it did not work out for Mama and Papa, he's still always gonna be your papa. And then it's okay to love Papa. But you love Mama more, ha!'"

CLICK HERE for Part 2.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN