Pinabulaanan ng moderator ng official website ni Oprah Winfrey (www.Oprah.com) ang balita na nagbigay ng opinyon ang sikat na American TV host tungkol sa resulta ng Miss Universe 2011, na ginanap sa Sao Paulo, Brazil noong September 13 (September 12 sa U.S.).
Ilang oras matapos mapanalunan ni Leila Lopes ang Miss Universe crown, mabilis na kumalat ang balita na hindi raw satisfied si Oprah dahil para sa kanya, mas deserving daw na manalo ang Philippine delegate na si Shamcey Supsup:
"I have reservations with the results. If the only basis is the Q and A portion..., after having been trimmed down to 5, Ms. Philippines deserved to win. What made her different from the rest is that she had no seconds to rethink of her answer as she had no interpreter to break the ice. The rest had their interpreters and having breaks on seconds to think about their answers. Hands down, Ms. Philippines answered straight to the point."
Para sa ikalilinaw ng isyu, nagtanong kay Oprah, sa papamagitan ng website nito, ang isang Filipino tungkol sa authencity ng statement, na agad pinatulan ng ating mga kababayang naniniwala na si Shamcey ang karapat-dapat na winner.
Ito ang sagot ng moderator ng official website ni Oprah:
"There is no truth to the statement. Ms. Winfrey has not made any comments of this nature. Thank you for asking.
"Please note that there are many rumors circulating on the internet. For this reason we encourage our members to visit the Press Room on Oprah.com to get the latest updates and news: http://www.oprah.com/pressroom/Press-Releases-Oprah-in-the-News."