Wilma Doesnt enjoys being a single mom to two daughters; welcomes a visit to the kids by their "missing" fathers

Wilma Doesnt (in photo) on being a single mom: "I’m happier, easier ’yong mga decisions—kung saan school papasok, kung anong manners ang ituturo. So, alam mo ’yong confusion? Mas less na ito lang, ako lang ’yong disciplinarian, mommy ko ’yong spoiler, hindi nagka-clash ’yong ideas."


Hindi gaanong lumalabas ngayon sa TV at pelikula ang model-comedienne na si Wilma Doesnt.

Ang huling pelikula niya ay ang Got 2 Believe (2002), na pinagbidahan ni Claudine Barretto at ng yumaong aktor na si Rico Yan.

Sa TV naman, ang huli niyang regular show ay ang defunct musical-variety show ng TV5 na P.O.5.

Pero, sa nalalapit na Kapaskuhan ay muli nang mapapanood si Wilma.

Kasama siya sa cast ng Metro Manila Film Festival (MMFF) entry na Yesterday, Today, and Tomorrow, na pagbibidahan nina Maricel Soriano at Gabby Concepcion.

ATTITUDE PROBLEM. Nakapanayam ng PEP.ph (Philippine Entertainment Portal) at YES!magazine si Wilma sa set ng Yesterday, Today, and Tomorrow sa Baliuag, Bulacan, last week.

Dumating si Wilma sa set na may karamdaman, pero game naman siyang nagpakuha ng litrato at magpa-interview.

Sa pakikipag-usap ng PEP sa kanya ay binigyang-linaw niya ang usap-usapan na may "attitude problem" siya kaya nawawalan siya ng show.

"Ako ba ang laging may attitude?" pabirong sabi ni Wilma.

"Hindi naman siguro, I don’t feel like I have attitude.

"Siguro lang, nagkataon na ’yong pagkatao ko—sobrang strong, vocal ako.

"I mean, kung ano ’yong nararamdaman ko, sasabihin ko.

"I think much better ’yon kaysa naman pag nakaharap ’yong tao, ang bait ko, pag nakatalikod, nagba-bad mouth ako.

"For me, I think that’s attitude.

"Pero me, being upfront and being true to myself, I don’t think that’s an attitude at all."

SINGLE MOM. Hindi naman lingid sa kaalaman ng marami na may dalawang anak si Wilma sa magkaibang lalake.

Pero hindi kasal ang komedyana.

Dalawang babae ang anak ni Wilma—sina Asiana, 8, at Emilia Svetlana, 4.

Para kay Wilma, mas masaya siya bilang single parent.

Sa ganitong paraan daw ay hindi siya gaanong nahihirapan sa pagdedesisyon para sa kanyang mga anak.

Paliwanag niya, "Hindi naman mahirap for me kasi nandiyan ’yong parents ko who help me a lot.

ADVERTISEMENT - CONTINUE READING BELOW

"In fairness naman, and sa awa din ng Diyos, mababait naman ’yong mga anak ko."

Dagdag pa ni Wilma, "I’m happier, easier ’yong mga decisions—kung saan school papasok, kung anong manners ang ituturo.

"So, alam mo ’yong confusion? Mas less na ito lang. Ako lang ’yong disciplinarian, mommy ko ’yong spoiler, hindi nagka-clash ’yong ideas."

Hindi naman nahirapan si Wilma na ipaunawa sa kanyang mga anak ang kanilang sitwasyon.

Katunayan, ginagawa pa nga raw itong biro sa kanilang bahay.

"Ay, ano ’yon, running joke ’yon, it’s a running joke sa house!" natatawang sabi ni Wilma nang tanungin kung hindi ba naghahanap ng ama ang kanyang mga anak.

Paliwanag niya: "Kasi, parang ’yon nga ’yong lagi kong sinasabi, parang maliit ’yong chance ng mga anak ko na maging rebelde.

"Kasi, from the very start, wala silang idea kung ano ’yong father figure.

"Unless seven years old, tapos naghiwalay kami ng tatay, parang ’yon nga ’yong may psychological effect.

"Tuwing nakikita ko sila, happy naman, growing up naman na nagmamahalan silang magkapatid."

Gayunman, inamin niya na paminsan-minsan ay hindi maiwasan na nagtatanong pa rin ang kanyang mga anak tungkol sa kanilang mga ama.

"’Yong panganay, medyo malaki na, sometimes nagtatanong siya.

"Hindi naman nagpapakuwento, gusto niya lang makita.

"Ayaw na niya sa picture, gusto niya sa personal.

"So, sabi ko sa kanya, ’You know what, your father is so poor, e. Wala siyang money para bayaran tayo.’"

Ang tinutukoy ni Wilma na "bayaran" ay ang sustento na dapat ay ibinibigay ng mga ama ng mga bata.

Wala raw kasing ibinibigay na sustento ang mga ito sa kanilang mga anak.

Ang mga kuwentuhan sa eskwelahan ang nakikitang dahilan ni Wilma kung bakit minsan ay nagtatanong ang mga bata tungkol sa kanilang ama.

Sabi niya, "They ask one time, then matagal na ulit mawawala.

ADVERTISEMENT - CONTINUE READING BELOW

"So, parang they don’t ask about it again, ’yong gano’n lang.

"Siguro dahil sa school, napapagkuwentuhan nila, father.

"’Ta’s magtatanong siya, ’Mom, where’s my father?’

"’I don’t know.’ Hindi ko naman kasi talaga alam, e, wala kong idea."

Minsan naman, si Wilma raw mismo ang nagtataka kung bakit tila hindi hinahanap ng kanyang mga anak ang kanilang mga tatay.

Kuwento niya, "So, one time I asked, ’Asiana, you don’t miss your father?’

"Sabi niya, ’You know, mommy, I don’t miss the things that I don’t have.’

"Ay, ako ang lumubog sa kinauupuan ko! Ang taray, very well said!

"Sabi niya, ’Why mommy?’

"Sabi ko, ’Wala, I’m just asking.’

"Hearing that from the kids, ibig sabihin ay walang kulang."

NO EFFORTS FROM THE DADS. Hindi naman daw sa ipinagdadamot ni Wilma ang kanyang mga anak.

Ang gusto lang sana niya’y ang mga ama ng mga bata ang mismong pumunta sa kanilang tahanan.

Sabi ni Wilma, "Ako kasi, personally, hindi ako ma-pride.

"Pero ang pride ko now is pride for my daughter.

"Parang, kung gusto mong makita ang anak ko—alangan kami pa ang mag-drive going to your house, di ba?

"Sinasabi ko lang na ikaw magbayad ka, pero kung ikaw pupunta ka sa amin, kakatok kang tao, patutuluyin kita.

"Hindi naman kami bastos na pamilya."

Kaya sa huli, ang mensahe ni Wilma sa mga tatay ng kanyang mga anak:

"Kung gusto mo, visit the house, see your kid, that’s it, wala tayong pagkukuwentuhan."


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN