PEP SCOOP John Lloyd Cruz and Shaina Magdayao broke up “months ago”; Angelica Panganiban is not the reason, sources say

Just a few months after getting back together, John Lloyd Cruz and Shaina Magdayao have decided to end their relationship. But contrary to reports, Angelica Panganiban (inset) has nothing to do with their breakup.


Kinumpirma ng isang source ng PEP.ph (Philippine Entertainment Portal) ang hiwalayang John Lloyd Cruz at Shaina Magdayao.

Ngunit sinabi rin ng source na ito na walang kinalaman sa breakup ng dalawa si Angelica Panganiban.

Ito ay sinusugan din ng dalawa pang sources na nakausap ng PEP.

Idinagdag ng dalawang sources na ang mga kuwento tungkol kay Angelica bilang third party ay: “Wala ‘yan. Imahinasyon lang ‘yan. Imbento na lang ‘yan.”

ANGELICA-JOHN LLOYD LINK. Tinatayang nag-ugat ang pagkakaugnay nina Angelica at John Lloyd dala ng ginagawa nilang pelikula ngayon. Isa itong omnibus film para sa 20th anniversary ng Star Magic, ang talent arm ng ABS-CBN na humahawak sa mga career nina Angelica at John Lloyd, at maging ni Shaina.

Sa Vietnam kinunan ang mga eksena nina Angelica at John Lloyd.

Ang mga naunang write-up tungkol sa Vietnam trip nila ay tungkol sa paghanga ng dalawang Kapamilya stars sa isa’t isa pagdating sa trabaho.

Bukod pa sa pagsasama nina John Lloyd at Angelica sa pelikula, nasabay naman ang isyu ng pagkakalabuan ng relasyon ni Angelica sa boyfriend niyang si Derek Ramsay.

Sa isang panayam ay inamin ni Derek sa press na “may pinagdadaanan” sila ni Angelica sa kasalukuyan.

(CLICK HERE to read related story.)

Dahil dito, maaaring ginawan ng koneksiyon ng ilan ang pagsasama sa pelikula nina Angelica at John Lloyd at ang problemang kinahaharap ngayon nina Angelica at Derek.

Pero diin ng unang source ng PEP, “They broke up because of an entirely different reason—nothing to do with Angelica and Derek.”

Samantala, nang tanungin ng ilang malalapit na kaibigan si Angelica tungkol sa pagkakaugnay sa kanya ni John Lloyd sa isang pahayagan ay tinawanan lamang daw ito ng aktres.

Maging si Derek ay agad nagtanggol kay Angelica at sinabing “hindi ganun” ang kanyang kasintahan.

THE LAST STRAW. Dagdag naman ng pangalawang source, ang breakup nina John Lloyd at Shaina ay nangyari “months ago pa.”

ADVERTISEMENT - CONTINUE READING BELOW

Ibig sabihin, matagal na raw break ang dalawa ngunit ngayon lamang ito lumalabas.

Nagkapatung-patong na raw kasi ang maliliit na problema ng 28-year-old actor at 22-year-old actress.

Kuwento pa ng pangalawang source, naganap ang paghihiwalay nina John Lloyd at Shaina sa isang party sa mismong bahay ng young actress.

Dito raw ay sinabihan ng pinakamatandang kapatid ni Shaina na si Sheila Magdayao—asawa ng anak ni German Moreno na si Federico—ang young actress na “Tama na…”

Na ang ibig sabihin ay panahon na para tapusin nila ang kanilang relasyon.

Ayon naman sa pangatlong source, isang rason kung bakit nauwi rin sa hiwalayan ang relasyon nina John Lloyd at Shaina ay dahil hindi malapit ang young actress sa pamilya ng aktor.

Bagamat mabait at maasikasong girlfriend si Shaina, giit ng source, demanding daw ito sa oras at panahon ni John Lloyd.

Dagdag pa ng source, marahil dahil bata pa si Shaina, gusto nito na laging sila lamang dalawa ni John Lloyd ang magkasama. Halimbawa raw, kapag nagbibiyahe sa ibang bansa, mas ginugusto nitong hindi kasama ang pamilya ng aktor.

Nagpadala ng text messages ang PEP sa handler ni Shaina at maging sa pamunuan ng Star Magic kaninang umaga, May 3, upang makuhanan sana ng pahayag ang young actress. Pero hanggang ngayon ay wala pa kaming natatanggap na sagot mula sa kanila.

Matatandaang noong October 2011 ay naghiwalay na rin sina John Lloyd at Shaina.

Bagamat lumabas noon ang pangalan ni Ruffa Gutierrez na siyang dahilan diumano ng pagkakalabuan nila, parehong itinanggi nina John Lloyd at Shaina na may kinalaman dito ang TV host-actress.

Kinalaunan, sinubukan nina John Lloyd at Shaina na tahimik ayusin ang kanilang problema hanggang sa magkabalikan na nga sila.

At sa pagkakataong ito, sinabi nilang ma magiging pribado sila pagdating sa kanilang relasyon.

Ngunit hindi nga nagtagal ay muling naghiwalay ang dalawa.

ADVERTISEMENT - CONTINUE READING BELOW

Sa kasamaang palad, nadawit naman ngayon ang pangalan ni Angelica sa hiwalayan nina John Lloyd at Shaina.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN