Karylle teases she would accept an engagement ring from rumored boyfriend Yael Yuzon

Napuno ng tawanan ang launch ni Karylle bilang endorser ng isang jewelry brand noong nakaraang linggo. Panay kasi ang biro ng singer-actress na handa itong tumanggap ng engagement ring basta’t hindi ito “malas” at may malaking bato gaya na lamang ng suot niyang singsing sa larawang ito.


Napuno ng tawanan ang ginanap na launch ng singer-actress na si Karylle bilang endorser ng Miladay Jewels noong Mayo 10, Huwebes, sa Patio Carlito Restaurant sa Quezon City.

Nagpahiwatig kasi ang It’s Showtime host tungkol sa gusto niyang matanggap na engagement ring mula sa kanyang kasintahan.

“Meron sila actually sinasabi na singing na hindi suwerte.

“Kasi, di ba, they say that a ring is supposed to be round like a perfect circle? So ’pag may putol ‘yon...

“Kaya ayoko ng gano’ng ring. Gusto ko ganito lang, o. Simple,” patungkol sa suot niyang hugis-puso na singsing noong gabing iyon.

“Of course, gusto ko suwerte. ’Tapos ito meron pang heart, o, ’tapos may diamonds.”

Ayon kay Karylle, isang karelasyon niya raw noon ang nagbigay sa kanya ng “malas” na singsing.

Naging biruan tuloy sa presscon na ang singsing na iyon ang naging dahilan kung bakit hindi nagtagal ang relasyon ng dalaga.

YAEL YUZON. Sa ngayon, napapabalitang idine-date umano ng panganay ni Zsa Zsa Padilla ang bokalista ng bandang Spongecola na si Yael Yuzon.

Binigyan na rin ba siya ng singsing ni Yael?

“Wala, wala. Mag-ipon muna siya.

"Kailangan one-time big time na lang ‘yon!” biro ng dalaga.

Pero kung sakali, handa ba siyang tanggapin ang singsing na ibibigay sa kanya ni Yael?

“Kung ganito, [patungkol pa rin sa singsing na suot niya] I’m always ready!” muling pagbibiro ni Karylle na muling nagpatawa sa mga bisita.

“Okay, ‘pag may lalakeng nagbigay sa’yo ng ganyan, magdadalawang-isip ka pa ba?” balik-tanong niya sa mga showbiz reporters.

“Di ba, ang sagot mo kaagad, ‘I Do’?” pahabol pa niya.

Muling tinanong si Karylle: “So any moment bigyan ka ng ganyan ng lalake, go ka na?”

“Oo.”

Pero nilinaw ni Karylle na ang pagtanggap niya ng singsing ay hindi nangangahulugan na agad na rin siyang magpapakasal.

ADVERTISEMENT - CONTINUE READING BELOW

“Forty-two months to pay, 42 months to wait,” muli niyang biro.

Kung siya raw ang papipiliin, nais sana ni Karylle na makatanggap ng engagement na may batong sapphire.

“Naisip ko kasi, my first ever role when I entered theater was for The Little Mermaid, the Trumpets version.

“So I played Princess Sapphire and naisip ko baka sapphire [ang batong bagay sa akin] kasi maganda iyon, e, parang may sentimental [value].”

RELATIONSHIP WITH YAEL YUZON. Bagamat naging bukas si Karylle sa pagbibiro tungkol kay Yael sa presscon, tumanggi naman itong magsalita tungkol sa tunay na estado ng kanilang relasyon.

Bakit nga ba ayaw pang umamin ni Karylle?

“Hindi pa ba tayo natuto sa mga kaganapan [noon]? O, di ba nga alam n’yo naman ang lahat?”

Ang tinutukoy ni Karylle ay ang naging relasyon niya noon kay Dingdong Dantes na tumagal din ng tatlong taon, subalit nauwi rin sa hiwalayan noong 2008.

“At saka sa kanta nga, di ba, ang kanta na sinulat ni Yael: ‘Tambay/ Whoa, whoa, whoa / Alam naman nila kahit hindi magkaaminan.’

“Ay, hindi kayo nakinig, e. Bumili kayo ng [album ng] Spongecola," sabi pa ni Karylle.

DREAM WEDDING. Dahil napag-uusapan na rin lang ang engagement at pagpapakasal, ano nga ba ang dream wedding ni Karylle?

“Hindi ko pa naiisip, e. Hindi ko rin alam, e.

"Ang naiisip ko lang, ayoko ng, di ba, palaging sinasabi ng ibang tao ang gusto nila yung simpleng wedding?

“Ako, ayoko lang [isipin] kasi gusto ko lahat ng loved ones ko nando’n, in the sense na I want the people who love me to be there to bless the marriage.

“Kasi naniniwala ako do’n sa malakas ang prayers ng taong nagmamahal sa ’yo—like relatives, friends—na talagang malapit sa ‘yo.

“Malakas ang prayers nila. Kumbaga, ‘yon ‘yong gusto kong mangyari.

"Kumbaga, ‘yon pa lang ‘yong naiisip ko.”

ADVERTISEMENT - CONTINUE READING BELOW

Wala ba siyang naiisip na magiging setting ng kanyang kasal?

“’Yon ang hindi ko inisip. Gusto ko lang ‘yong kumpleto lahat ng mahal ko sa buhay," sagot ni Karylle.

Pero sa ano’ng edad ba niya nais maikasal?

“Wala. In God’s time.

"Actually, ‘yong mga friends ko ngayon pa lang kinakasal, so wala namang pressure.”

Bagamat hindi minamadali ni Karylle ang pagpapakasal, nakikita naman niya ang sarili niya sa hinaharap na bubuo rin siya ng sarili niyang pamilya kasama ang lalaking mahal niya.

“Oo naman. Kahit na siguro sabihin na natin na hindi gano’n kaganda ‘yong result ng marriage ng parents ko, I am parang bonded with the whole family.

“[Hindi pa rin naman] nawala ‘yong faith ko in love.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN