YES! 2012 100 Most Beautiful Stars cover girl Anne Curtis admits she’s just a “struggling actress” in Hollywood

“I think it’s just important that, as a person, you have personal goals that you want to achieve. Parang huwag kang maging kampante sa kung anong meron ka, kasi it could just disappear just like that,” YES! 100 Most Beautiful Stars cover girl Anne Curtis says about keeping an active career in showbiz.


Lubos ang pasasalamat ni Anne Curtis sa mga biyayang natatamo niya, lalo na sa kanyang showbiz career.

Hindi raw inaasahan ng actress-TV host na hanggang ngayong taon ay patuloy ang pagbibigay sa kanya ng mga oportunidad.

“That’s why I did take a moment when I was on the plane and I just said, ‘Lord, thank you,’” sabi ni Anne Curtis nang makapanayam siya ng PEP.ph (Philippine Entertainment Portal) at iba pang media sa press conference para sa special issue ng YES! magazine na 2012 100 Most Beautiful Stars.

Si Anne ang napilnig cover girl ng naturang issue na pormal na ini-launch kahapon, July 2, sa Richmonde Hotel, Eastwood City, sa Quezon City.

Matatandaan na noong nakaraang taon ay halos sunud-sunod ang naging proyekto ni Anne na talaga namang tinangkilik ng publiko.

Kasama rito ang pagkakaroon niya ng music album na Annebisyosa. Pagkatapos ay nagkaroon siya ng blockbuster movie na No Other Woman.

Sinalubong naman ni Anne ang taong 2012 sa pamamagitan ng isang concert sa Smart-Araneta Coliseum na pinamagatang Annebisyosa: No Other Concert. Ito ay sobrang pumatok sa publiko kaya nagkaroon pa siya ng mga concert sa loob at labas ng bansa.

Ayon kay Anne, hindi niya inaasahan na hanggang ngayong taon ay magiging masigla pa rin ang takbo ng kanyang showbiz career.

“I didn’t expect because I always said na just hope that things will come your way. Then, hope and dream, and have a goal.

“I think it’s just important that, as a person, you have personal goals that you want to achieve.

“Parang huwag kang maging kampante sa kung anong meron ka kasi it could just disappear just like that.

“I think it’s important to keep on working on yourself. Parang kung ano ‘yong gusto mong achieve-in, ‘yong goals, may matututunan ka.

“Hindi naman lahat ay given to you on a silver platter so you have to work hard.

ADVERTISEMENT - CONTINUE READING BELOW

“I’m so happy that it wasn’t an easy climb for me to get here. It took me 15 years.”


INDIE FILM IN HOLLYWOOD. Isa sa mga bagong ipinagpapasalamat ni Anne ay ang kanyang pagiging bahagi ng isang independent movie sa Hollywood na pinamagatang Blood Ransom.

Sabi ni Anne, “You actually take time to think pa rin na I’m actually going to shoot an indie film. I was just, ‘Lord, thank you so much for giving me this opportunity.’

“It’s not something that… yeah, you joke around about it. But, di ba, it just fell into my lap?

“I’m happy and I just have to be grateful. Yes, it’s good to dream but you also have to be thankful for everything.”

Sabi ni Anne, parang naging katuparan ito ng hiling ng kanyang ina para sa kanyang birthday noong Pebrero.

“It’s just so funny kasi parang ang birthday wish sa akin ni Mama, hindi ko alam kung The Buzz ba or Kris TV.

“Noong in-interview siya, ‘Hindi ko na alam kung ano ang iwi-wish ko,’ sabi niya, ‘Indie film.’

"Nagdilang-anghel ‘yong mommy ko!”

Matagal na rin daw niyang hinihiling na makagawa ng isang indie film pero hindi niya inakala na sa Hollywood pa siya gagawa ng ganitong klase ng pelikula.

“Well, I’ve always been open to it na sana makagawa ako ng indie film. Like, you know, sana may magpadala sa Viva ng script.

“It just so happened, di ba, hindi pala dito ‘yong indie film!

“I’m just so happy that I got it, I auditioned for it. Alam mo ‘yon, parang iba ‘yong feeling na nag-audition ka and you get it.”

“I’M A NOBODY THERE.” Bagamat kilalang-kilala dito sa Pilipinas si Anne Curtis, alam naman niya na hindi niya ito madadala pagdating sa ibang bansa—lalo na sa Hollywood.

ADVERTISEMENT - CONTINUE READING BELOW

Gayunman, sabi niya, “Sobrang saya [ng experience]. Nahihiya ako noong una, pero it was an amazing experience because I am a nobody there.

“Lahat kami pantay-pantay lang. I’m starting from ground zero again.

“It was just so refreshing in a way na parang iba, e. Ewan ko, parang iba ‘yong experience.”

Naalala pa ng It’s Showtime host na noong mabigyan siya ng offer na gumanap bilang lead actress sa Blood Ransom ay agad siyang nagpaalam sa kanyang manager sa Viva na si Boss Vic del Rosario.

“Well, I know I had commitments here, as in’yong timing pa, di ba, may concert pa ako at may teleserye pa akong ginagawa.

“But I really asked permission from Boss Vic. I said that I really, really, wanted to do this.

“I said, you know, don’t even ask for that is [higher]. You know, whatever it is that they offer, ‘yon na ‘yon kasi I’m a nobody there.

“In-explain ko kay Boss Vic na I’m a nobody. Hindi ako celebrity status doon.

"Sabi ko nga, ang status ko doon ay ‘struggling actress.’”

B-MOVIE IN HOLLYWOOD. Hindi rin problema kay Anne kung maituturing na B-movie or low-budget movie ang ginawa niya sa Hollywood.

“Well, that’s the in thing now in the States,” sabi ni Anne.

“If you look on iTunes, mayroon na silang indie film [category] kasi ‘yon ang ‘in’ thing ngayon, e, hipster-hipster indie film.

“Sobra akong happy that I’m part of it. I don’t even consider it like B-lister, parang luma na nga ‘yong term na ‘yon because the in thing now is indie flicks.”

Para sa kanya, isa itong karanasan na hindi niya malilimutan.

“Ang saya lang ng experience na may matututunan ka pa pala sa entertainment, sa acting industry.

“Kasi parang at one point, magiging kampante ka na, e.

ADVERTISEMENT - CONTINUE READING BELOW

“Parang, ah, alam ko na ‘tong taping or shooting, ganyan lang. Pero iba ‘yong proseso nila doon. Parang 12 hours is 12 hours.”

Dahil nagawa na halos lahat ni Anne sa mundo ng showbiz, mayroon pa ba siyang mahihiling?

Natatawang sagot ni Anne, “Dance concert nga. Dance concert. ‘Tapos guest ko ang mga Jabbawockeez!”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN