Gary Valenciano optimistic that friend Zsa Zsa Padilla will be “a cancer survivor”

Gary Valenciano on Zsa Zsa Padilla’s health condition: “She’s a fighter, pero minsan ang mga fighter, nahihirapan din. Sabi niya sa akin, ‘One of these days, Gary, when I come back in Manila, I will call myself a cancer survivor.’ Naniniwala ako na that’s what God wants her to be—to be a survivor.”


Masaya si Gary Valenciano dahil bukod sa maganda ang pelikulang ginawa niya ay makakatulong pa ito sa mga nasalanta ng habagat.

Nagkaroon kasi ng advance screening ang musical film na I Do Bidoo Bidoo kagabi, August 23, sa Cinema 3 ng Gateway Mall sa Cubao, Quezon City.

Isa si Gary sa mga bida ng pelikulang ito na idinirek ni Chris Martinez. Kasama niya rito sina Zsa Zsa Padilla, Ogie Alcasid, Eugene Domingo, Sam Concepcion, at Tippy Dos Santos.

Ang kinita mula sa special screening na ito ay idu-donate sa mga naging bikitima ng nakaraang kalamidad dulot ng hanging habagat.

Bukod sa ticket sales ay nag-donate din—in cash or in kind—ang ibang mga nanood, kaya umabot daw sa P610,000 ang nalikom nilang halaga.

Pangungunahan ng Shining Light Foundation ang pamamahagi ng tulong sa mga nasalanta ng kalamidad.

Kaya naman mensahe ni Gary sa lahat ng dumalo kagabi: “Nagpapasalamat ako sa mga bumili ng tickets, kasi one hundred percent of the proceeds from this is going to the victims.”


SHARED SUCCESS. Ipinagmalaki rin ni Gary ang kanyang mga kasama sa I Do Bidoo Bidoo, na gusto niya raw makatrabahong muli sa isang musical film kung mabibigyan ng pagkakataon.

Graded A ng Cinema Evaluation Board ang pelikula, kaya agad daw itong ibinalita ni Gary kay Zsa Zsa na kasalukuyang nasa Amerika.

Kuwento ni Mr. Pure Energy, “Nagte-text kami kanina.

“Nakalimutan ko na medyo madaling-araw na do’n, pero nagte-text kami.

"Sabi ko, ‘Zsa Zsa, binigyan tayo ng A ng Cinema Evaluation Board.’

"Sabi niya, ‘Wow, congratulations!’

“Kahit nando’n siya, parang in touch pa rin siya sa lahat ng nangyayari dito.”

THE NEWS. Bilang isa sa malapit na kaibigan at matagal nang katrabaho ni Zsa Zsa, hindi maiwasang tanungin si Gary tungkol sa kalagayan ngayon ng singer-actress.

Na-diagnose ang Divine Diva na may Stage 1 kidney cancer.

ADVERTISEMENT - CONTINUE READING BELOW

(CLICK HERE to read related story.)

Napag-alaman ng PEP mula kay Gary na isa siya sa mga unang sinabihan ni Zsa Zsa tungkol sa kundisyon nito.

Kuwento ni Gary, “It was Saturday evening, papunta siya sa TFC [The Filipino Channel] para magkaroon ng interviews, and she chose to text me.

“She said, ‘I want you to know first before I talk to the people of TFC dahil doon ako papunta.’

"On the day that she told me, it was also Tito Dolphy’s fortieth day, so ang daming umaano talaga sa kanya.

“Then she said, ‘Okay, can you hold your breath?’

"So I texted her, ‘Okay, I’m holding my breath. What?’

“Then ‘yon na, binanggit, straightforward: ‘I have cancer, its stage one. I won’t need any radiation, I won’t need chemotherapy. But I’m going to have to rest and I have to go through a procedure sa August 27.’

“So, from there, we started talking, texting each other, and I gave her words of encouragement.

"She thanked me, she told me to tell Angeli, yung gano’n.”

Si Angeli Pangilinan ay asawa at manager ni Gary. Si Angeli ay kapatid din ni Senator Francis "Kiko" Pangilinan.


ZSA ZSA IS OKAY. Sasailalim si Zsa Zsa sa isang operasyon sa Lunes, August 27, sa Cedars-Sinai Medical Center sa Los Angeles, California, upang tanggalin ang kanyang bukol sa bato.

Sinabi ni Gary na noong nakausap niya ito nang gabing iyon ay “okay” naman ang Divine Diva.

Ibinahagi rin ni Gary sa PEP kung paano ang operasyon na gagawin sa kanyang kaibigan.

“Hindi yung tipong hihiwain talaga yung katawan niya.

“It’s just apat na maliliit na butas, na bago na mangyayari at gagawin sa kanya, para lang makuha kung ano man ang nasa loob ng katawan niya.

“But she’s okay, she needs to rest, and then she should be back in one month—back to work, ha, in one month.”

ADVERTISEMENT - CONTINUE READING BELOW

Ngunit kung si Gary raw ang tatanungin, ipapayo niya kay Zsa Zsa na magpahinga na lamang muna hanggang sa tuluyan itong gumaling.

Aniya, “Enjoy, enjoy your time in the States.

"Enjoy your time with your family and you can come back anytime.

"Nandito naman kami, hindi naman kami aalis kahit kailan.”

Bagamat malayo siya sa kaibigan, ginagawa raw ni Gary ang kanyang makakaya upang iparamdam kay Zsa Zsa ang suporta—hindi lamang niya kundi ng iba pa nilang mga kasamahan sa industriya.

Bukod pa rito, ibinabahagi rin ni Gary kay Zsa Zsa ang “word of God” upang ipaalala dito na kahit ano pa ang pinagdadaanan niya, laging nasa tabi niya ang Panginoon.

Dagdag ni Gary, “She’s a fighter, pero minsan ang mga fighter, nahihirapan din.

“Sabi niya sa akin, ‘One of these days, Gary, when I come back in Manila, I will call myself a cancer survivor.’

“Naniniwala ako na that’s what God wants her to be—to be a survivor.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN