Part 2. John Lloyd Cruz blasts critics of his rumored relationship with Angelica Panganiban: "Ano ang alam niyo para makapagbuo kayo at makapagkalat kayo ng kuwento?"

Ito ang pahayag ni John Lloyd Cruz tungkol sa nababalitang relasyon nila ni Angelica Panganiban: “Isa sa pinakamaganda about this relationship, sa amin ni Angel, ang maganda rito is kaya namin, naiintindihan namin kung nasaan kami, kung saan namin ipoposisyon ang sarili namin. Para bang walang takot to do everything, today, then kung meron pang tomorrow. Parang may nag-e-exist na paniniwala na you do what you have to do today. You have the rest of your life.”


Sa ikalawang bahagi ng taped interview ni Boy Abunda kay John Lloyd Cruz sa The Buzz, tinanong ni Boy si John Lloyd kung ano ang nasa likod ng lumabas na litrato nila ni Angelica Panganiban sa Instagram account ng aktres.

Sa larawan ay may nakalagay na “Perfect Sunday” at caption na “according to the guy in pink”—na ang tinutukoy ay walang iba kundi si John Lloyd.

(CLICK HERE to read related story.)

Ngunit sa halip na direktang sagutin ni John Lloyd ang tanong ay naglabas muna siya ng kanyang saloobin sa mga pambabatikos na nakukuha nila ni Angelica.

Natawang sabi ng aktor, “Alin ba, saan ko ba sisimulan?

“Marami akong gustong sabihin.

“Siguro, isa sa gusto kong sabihin, bago man yung tungkol sa amin ni Angelica, nakakatawa minsan kapag nakakarinig ka sa mga tao na as if alam nila ang pinagdadaanan mo.

“Grabe, all out, give na give ang pagbibigay ng komento, opinyon.

“Hanggang sa punto na kung ano ang perception nila, kung ano ang opinyon nila, unti-unti, tumatagal, nabubuo, yun na ang totoo sa kanila.

“Nakakatawa lang. Nakakatawa na minsan nakakairita.

“Minsan, nakakapikon. But mostly, nakakatawa.

“Parang let’s not forget, itong mga taong ito, puwede nating sabihin kung ano ang gusto nating sabihin about them.

“Puwede tayong magbigay ng opinyon, i-share natin ang opinyon sa mga kapwa natin na opinionated.

“But at the end, you have to realize na hindi kayo mga parte ng mga buhay ng mga taong ito.

“I mean, ano ang alam niyo para makapagbuo kayo at makapagkalat kayo ng kuwento?

“Yun, nakakatawa lang.

“Minsan siguro, sa sobrang paniniwala nila sa sarili nila...

"Ganoon naman tayo, we are entitled to our own opinion.

“But let’s not forget, oo nga pala, parang… ’Wala nga pala ako do’n. Wala nga pala ako sa relasyon nila.

ADVERTISEMENT - CONTINUE READING BELOW

“’Wala nga pala ako do’n sa buhay nila at hindi ko nga pala alam kung ano ang nangyari.’

“Yun, I have to say that.

“Feeling ko, yung ibang tao, they have to be reminded na dahan-dahan lang po sa pagbibigay ng opinyon.

“Unang-una, wala naman tayo do’n. Wala kayo do’n.

“At ako, isa sa natutunan ko, pagkatapos kong ma-realize yun ha, yung sa akin mismo, sa sarili ko, naging maingat akong magbigay ng opinyon tungkol sa ibang tao.

“Naging maingat akong magbigay ng komento, especially judgment.

“Ang tao, ang bilis mag-judge.

“Dahan-dahan lang, ang totoo kasi, wala ka namang pinanghahawakan.”

Sinang-ayunan naman ni Boy ang sinabi ni John Lloyd na dapat nandoon pa rin ang respeto sa pagbibigay ng judgment.

Dagdag naman ni John Lloyd, “Yun kasi ang pinaka-convenient.

“Ang Pinoy kasi, we find entertainment in dissecting other people’s lives.

“In the process, parang mapagbigay ka ng comment, mapagbigay ka ng opinyon…

“Ito ha, minsan, kahit yung mga taong nakapaligid na sa inyo.

“Ang tingin ko kasi sa Pinoy, kung ano ang pini-feed mo…

“I-feed mo nang i-feed sa Pinoy, nababasa nila every day, yun na ang papaniwalaan nila.”

NOT THE RIGHT TIME. Ibinalik namang muli ni Boy ang tanong sa Instagram photo na inilabas ni Angelica. Kung ano ang gustong sabihin ni John Lloyd tungkol dito o kung gusto ba nitong magsalita tungkol dito.

Ayon kay John Lloyd, “Ang pinanggagalingan ko lang, for something this special, yung sa amin, hindi sa umiiwas ako na ayaw kong pag-usapan.

“Never kong nagustuhan na maramdaman niya yun na hindi ko siya ipina-prioritize.

“It’s just that, ang pinanggagalingan ko, something this special, ayoko itong isabay sa promo ng pelikula ko. It deserves a better time.

“Hindi naman tanga ang manonood, opo, wala po akong sinasabing iba.

“Ang sa akin lang, yung sa amin, gusto kong bigyan ng pagpapahalaga, na sa tingin ko, karapat-dapat para sa amin.

ADVERTISEMENT - CONTINUE READING BELOW

“So, yun lang ang pinanggagalingan ko.

“Bakit kasi isasabay pa namin dito, isasabay pa namin sa Star Magic Ball. Yun lang ang akin.

“At saka, respeto rin sa sampung taon namin ni Bea [Alonzo]. May kanya-kanyang time.”

STAR MAGIC BALL. Naganap ang interview ni Boy kay John Lloyd bago pa man ang Star Magic Ball noong Sabado, September 1. Kaya isa pa sa tanong ni Boy ay kung ano ang plano ng aktor sa malaking event na ito o kung solo lang ba itong darating.

Sabi ni John Lloyd, “Isa sa pinakamaganda about this relationship, sa amin ni Angel, ang maganda rito is, kaya namin, naiintindihan namin kung nasaan kami, kung saan namin ipoposisyon ang sarili namin.

“Para bang walang takot to do everything, today, then kung meron pang tomorrow.

“Parang may nag-e-exist na paniniwala na you do what you have to do today. You have the rest of your life.”

Sa Star Magic Ball, magkahiwalay na dumating sa Shangri-La Makati Hotel sina John Lloyd at Angelica.

Pero sa loob ng Rizal Ballroom kung saan ginanap ang mismong event ay naglapit rin ang dalawa at nakuhanan pa nga ng litrato na magkasama.

Marami rin ang nakakita na magkahawak-kamay sina John Lloyd, at Angelica nang sabay silang umalis pagkatapos ng Star Magic Ball.

(CLICK HERE to read related story.)

Huling tanong ni Boy kay John Lloyd: Yes or no, masaya ba siya?

Pero sa halip na yes or no, ito ang nakangiting sagot ng aktor: “Ang tagal ko nang hindi ganito kasaya.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN