PART 1: Regine Velasquez-Alcasid likens herself to spicy soup Tom Yum: “Minsan nagmamaalat, minsan sweet, minsan nagmamaasim. Susyal!”

Ayon kay Regine Velasquez, mas mahirap lutuin ang Filipino food: “Yung mga kare-kare, complicated! Yung dinuguan, yung bopis... ‘Tsaka matrabaho. Yung bopis ang hirap, ang hirap gawin! Pagka ginagawa mo na lagi, siyempre akala mo ano...pero madaming preparasyon sa bopis, di ba?”


Mahilig manood ng Food Network channel si Regine Velasquez.

“Ang favorite kong show yung kay Giada [de Laurentiis] yung Giada At Home at saka yung Barefoot Contessa [ni Ina Garten].

“Alam mo, nung buntis ako, iyon lang yung pinapanood ko.

“E, hindi ako makakain kasi nga naka-diet ako dahil may gestational diabetes ako.

“Yung, ‘Ang sarap siguro kainin niyan!’Yung gumaganun ako.

“Sabi ng asawa ko, ‘Puwede huwag ka na manood niyan?’

“Kasi naaawa siya sa akin,” ang tumatawang kuwento ni Regine sa presscon ng Sarap Diva kagabi, September 28, sa Studio 6 ng GMA TV Complex.

“Sabi ng asawa ko, ‘Puwede, iba naman?’

“Kaya lang natutuwa kasi ako.

“At saka yung Iron Chef, I love Iron Chef. Nakakatuwa iyon ‘tapos siyempre si Bobby Flay. Iyon, yung mga shows na iyon,” sabi pa ng Songbird sa mga show na pinapanood niya noon.

Pinangarap ba niya talaga na magkaroon ng sarili niyang cooking show?

“Parang kelan na lang na parang it kinda dawned on me na parang puwede. It’s a possibility, na puwede kong gawin,” sagot ni Regine.

Magsisimula na sa October 6, magiging bahagi rin ng naturang cooking show ang musika ng Asia’s Songbird dahil kakanta si Regine tuwing ending ng show kasama ang brother-in-law niyang si Raul Mitra.

Mapapanood din sa Sarap Diva ang partisipasyon ni Nathaniel James Alcasid or Baby Nate at ang pet dog ni Regine na si George.

Ang Sarap Diva ay sa ilalim ng direksyon ni Treb Monteras II at mapapanood tuwing Sabado, 10:45 am bago ang Eat Bulaga!

REGINE AS FOOD. And since cooking show ang bagong project ni Regine, naitanong ng PEP sa kanya, kung anong klaseng pagkain siya kung naging pagkain nga siya?

“Puttanesca,” sabay-tawa niya.

Puttanesca kasi ang niluto niya during the presscon.

“Canton,” muling biro ni Regine.

“Siguro, sa Tom Yum. E, kasi, di ba yung Tom Yum ang daming nakalagay doon?

ADVERTISEMENT - CONTINUE READING BELOW

“It’s spicy, it’s sweet, it’s sour. Yung four basic taste, nandoon.

“Kasi to balance the acidity, you need to put a little bit of sugar. ‘Tapos to balance that, you need to put salt, patis, ganyan.

“So, feeling ko iyon kasi feeling ko ganun ako.

“Minsan nagmamaalat, minsan sweet, minsan nagmamaasim.

“Susyal,” sabay-tawa muli ni Regine.

Ang mister kaya niyang si Ogie Alcasid, sa anong pagkain niya maikukumpara?

“E, ano yun, e... Sweet lang yun, e. Sweet lang yun parati. So, dessert.

“Yung pinakamatamis na dessert ever!”

Kaya lang, hindi raw marunong mag-bake si Regine.

“Pero may mga desserts naman na hindi bine-bake, e,” sabi naman niya.

“Pero ngayon na nagkaanak ako, parang type kong mag-bake.”

Sa bahay raw nila, may katulong si Regine kapag nagluluto, na pagdating niya, hiwa na ang ingredients.

“Pero I like to do it myself kasi minsan meron akong sakit na gusto ko pare-parehong size.”

THE DIFFERENCE OF SARAP DIVA. Tungkol muli sa Sarap Diva, one season lang daw muna ito.

“Depende, kung maging maganda yung rating e di itutuloy,” ani Regine.

“Like kanina, nakita ninyo, nakikipag-usap ako sa inyo, ganun din ang ginagawa ko sa show. Sinasabi ko kung ano yung ginagawa ko [habang nagluluto].

“Parang nira-rundown ko kung ano yung ginagawa ko, but most of the time I refer to my guest.

“Nagtatanong ako ng questions. Minsan naman yung guests yung nagluluto, tatanungin ko siya kung ano na yung ginawa niya, ira-rundown niya yung recipe ‘tapos diresto na naman ako doon sa normal questions ko. Yung ganun.”

Ano ang kaibahan ng show niya sa ibang cooking shows?

“Hindi naman kasi talaga siya cooking show na instructional. “Kasi nga hindi naman ako talagang cook or chef. So, most of the time, ako yung tinuturuan.

“We get guests and nagse-share sila ng, like si Jessica Soho, niluto niya yung pakbet niya na special. Bakit special, bakit iyon ang specialty niya.

ADVERTISEMENT - CONTINUE READING BELOW

“So, magse-share sila ng mga ingredients sa akin, ng mga recipes sa akin, na ise-share naman namin sa audience ‘tapos kasama doon, may mga stories.

“Kung paano nalaman yun, kung paanong natutong magluto.

“Like si Chef Boy Logro, ang dami kong napag-alaman at natutunan sa kanya.

“Yung grade school lang pala yung natapos niya, yung ganun ba?

“And he started na parang helper lang siya sa kusina hanggang sa naging Sous Chef, hanggang sa naging siya na yung head chef. ‘Tapos nagtrabaho siya sa Oman. Di ba, sa isang sultan?

“So, yung mga ganun ba na nakikita mo yung personality kasi hindi lang naman taga-showbiz yung gusto naming i-guest, e.

“Personalities, so it can be artista, it can be iyon nga, chef, or newscaster, athletes, anything,” mahabang paliwanag ni Regine tungkol sa kanyang bagong show.

CHEF SHE WANTS TO BRING OVER. Kung may malaki siyang budget, sino sa mga international chef ang gusto niyang i-guest?

“Ang gusto ko siguro si Barefoot Contessa. Kasi natutuwa ako sa kanya, hindi din kasi siya aral, e. Pero ang galing niya,” tukoy ni Regine sa cooking host show na si Ina Garten.

“Yun bang minsan pag pinapanood ko siyang mag-bake, nai-inspire ako kasi she makes it easy. Yung ginagawa niyang madali, hindi complicated yung pagbe-bake.

“So, natutuwa ako.”

HARD-TO-COOK PINOY FOOD. Ano ang pagkain na hindi niya kayang lutuin or hirap siyang lutuin?

“Actually mas mahirap lutuin yung mga Filipino food, e.

“Yung mga kare-kare, complicated! Yung dinuguan, yung bopis... ‘Tsaka matrabaho.

“Yung bopis ang hirap, ang hirap gawin!

“Pagka ginagawa mo na lagi, siyempre akala mo ano...pero madaming preparasyon sa bopis, di ba?”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN