Lani Misalucha on coming home: “Hindi mo malalaman kung ano ang i-expect mo pag-uwi mo dahil matagal kang nawala.”

Hindi raw madali ang buhay sa America, kung saan namamalagi si Lani Misalucha at ang kanyang pamilya. Sa pagdisiplina sa mga anak, sabi niya: “Na i-instill sa kanila na, ‘Uy, Pilipino tayo and ito yung pinaniniwalaan natin.’And higit sa lahat, and I’m really, really grateful na hindi sila napariwara.”


Tutulak na pabalik ng Amerika bukas, October 16, ang Asia’s Nightingale na si Lani Misalucha.

Pero habang nasa bansa ay napagbigyan niya ang PEP.ph (Philippine Entertainment Portal) ng isang exclusive interview.

Naganap ang panayam noong October 9 sa set ng Talentadong Pinoy Worldwide ng TV5 kung saan isa si Lani sa nagsilbing hurado.

Kuwento niya sa PEP, “Alam mo, pabalik-balik naman ako, e.

“Although sa nine years na nakatira na kami sa Amerika, yung nine years na yun, nakakauwi naman ako.

“Ang hindi lang ako nakauwi from 2004, straight akong two years na nasa America, tapos nakauwi ako ng 2006.”

Pero babalik din siya agad bago mag-November 28 dahil magkakaroon siya ng isang homecoming concert titled Journey With Me sa Resorts World Manila.



LIFE IN LAS VEGAS. Kahit halos siyam na taon na silang naninirahan sa Amerika, sinabi si Lani na hindi naman niya masyadong na-miss ang Pilipinas dahil paroo’t parito siya para sa kanyang singing commitments.

Kumusta naman ang buhay ng pamilya niya sa Las Vegas?

Tugon ni Lani, “Maayos… maayos naman.

"Alam mo kasi, ang buhay sa America, simple lang. But then again, at the same time, mahirap.

“Nagustuhan ko lang yung ganoong klaseng buhay sa America kasi hindi kumplikado.

"Yung kaming pamilya, kami lang nasa bahay.

"Although close na kami noon pa, naniniwala kami na much closer ang relationship naming pamilya kasi wala kaming pupuntahang iba kundi kami lang…

“Na magtutulungan, para we would be able to get through the day.

“Okay naman, although ang America ay hindi masyadong stable ang ekonomiya, but then again, we are surviving.”

Pagdating sa mga shows ay tuluy-tuloy naman daw ang kanyang mga palabas doon.

Kuwento ni Lani, “Yung pinakahuli ko ay sa Hawaii, dun sa Oahu Island.

“Yung mga shows ko, katulad noong since 2004, nasa Las Vegas ako, andun ako for five years.

ADVERTISEMENT - CONTINUE READING BELOW

“Nag-start kami sa Valleys Hotel together with the Society of Seven and then lumipat kami sa Flamingo."

Ang Society of Seven, na tinagurian ding SOS, ay isang grupo ng Pinoy na gumawa ng pangalan sa larangan ng musika sa Amerika at ngayo’y naka-base sa Las Vegas.

“And then after that, nagkaroon ako ng sariling show sa Hilton—Las Vegas pa rin ‘yan.

“Pero in between those times, lumalabas-labas din ako, nagtu-tour…

“Katulad noong nag-tour kami ni Reg, ni Regine [Velasquez], ni Vice Ganda, ni Arnel Pineda.

“At meron din ako, sarili ko lang, by myself, wala akong kasamang iba… ganun.

“Tapos umuuwi din sa Pilipinas every now and then.

"And then yung pinaka-recent ko, noong nasa Hawaii ako. Iyon yung andun ako for nine months.”

Ipinagpasalamat daw niya sa Panginoon na hindi naman siya nababakante sa Las Vegas.

Sabi ni Lani, “Sa awa ng Panginoon, nagpo-provide ang Panginoon sa amin.

“Alam mo yun? Ako lang naman yung mahilig mag-worry, e.

“But then, mamaya diyan, nadidinig naman kami ng Panginoon at nabibigyan pa rin kami ng trabaho.”



PHILIPPINE CHRISTMAS. Isa sa wish ni Lani ngayon ay muling makapagdiwang ng Pasko dito sa Pilipinas.

"Sana," sambit ni Lani.

"Kasi ang tagal nga naming… hindi nag-spend ng Christmas dito, so hopefully this year.

“Kasi ako, nanay na lang ang natitira sa amin. Ang husband ko, wala na siyang magulang…

“And actually, he’s by himself now, and it was just about two weeks ago when he lost his brother.

“So, wala na siyang magulang, wala na siyang kapatid.

"So it will be very nice if we are able to spend Christmas here... this year.

“You know, ang nanay ko matanda na rin, sana magkasama-sama kaming magkapatid.

“So kung merong mga trabahong kailangan ko pang gawin dito at magdire-diretso yun hanggang Christmas, so I don’t have a choice but to spend Christmas here.

ADVERTISEMENT - CONTINUE READING BELOW

"And then I must ask my daughters to fly here para magkasama-sama kami.

"Hay, gusto ko talaga!”



TWO DAUGHTERS. Nabanggit na rin lang ni Lani, inusisa na rin namin siya tungkol sa kanyang mga anak na sina Lian at Louven.

“Okay naman sila, kasi 2004, ‘no?

"Noong nag-migrate kami sa America, yung bunso [Louven] namin was ten years old.

“Yung panganay [Lian], twelve and a half years old.

“Ang mabuti kasi noon, kapag bata ka, hindi mahirap mag-adjust, you know, kapag nagpunta ka na sa ibang lugar.

“So hindi naman ganoon ka-difficult for them to adjust.

"Somehow merong kaunting culture shock for them…

“Kasi, you know, ang mga bata sa America, iba yung ways ng mga Pilipino, tayo—timid, very cool, very reserved. You know, mahinhin—totally.

"Iba yung bata doon, but then nakapag- adjust sila.

“Ang mabuti na lang doon, napanatili nila yung traits ng Pilipino. And ipinagpatuloy pa rin naming mag-asawa.

“Nai-instill sa kanila na, ‘Uy, Pilipino tayo and ito yung pinaniniwalaan natin.’

“And higit sa lahat, and I’m really, really grateful na hindi sila napariwara.

“You know for so… a lot of kids over there I’m telling you… as young as… what... twelve, thirteen, fourteen years old?

“Marami nang kaguluhan na nagyayari sa kanila—it’s either involving drugs or whatever.

“Pero salamat na lang sa Panginoon na yung mga anak ko hindi wild.

“They would rather stay at home than, you know, to go out.

"But then again, hindi mo maiwasan na may mga boyfriends na sila.

“So they’re in college, they’re both in the arts. They go to art institute in [Las] Vegas.

“The other one is in digital photography and the other one is in game design.

"But both of them are in love with music.

“The other one composes a song, the other one interprets the composition of her younger sister… so yun.

ADVERTISEMENT - CONTINUE READING BELOW

"Ganun yun—buhay-Amerika.”

Kuwento pa ni Lani, “Nagmamaneho sila, they would go to their school by themselves. And I miss that, you know.

“Noong nasa grade school yung bunso ko at yung isa naman sa high school, we would wake up every day.

“Kasi nung time na yun, hindi namin sila pinag-school bus so we would wake up and would bring them to school, then susunduin... ganoong klaseng buhay.”



LOVING PINOYS. Kahit iba’t ibang audience na ang kanyang mga nakasalamuha, looking forward daw palagi si Lani sa Pinoy audience.

Aniya, “Ako, nagpapasalamat pa rin ako, na ganun pa rin ang nadadatnan ko kapag umuuwi ako dito sa Pilipinas.

“You know, somehow it’s really scary for artists like us at mawawala kami for a number of years sa Pilipinas.

“And then, hindi mo malalaman kung ano ang i-expect mo pag-uwi mo dahil matagal kang nawala.

“And doon nga yung unang uwi ko noong 2006 nga.

“I was really overwhelmed dahil nga I never thought that it was going to be a success concert again, yung ginawa ko noong 2006.

“And I really never thought that people were still looking forward for a new song from me or a new album from me.

“And they would be tweeting, ‘Oh, when are you gonna have a new album?’

“‘Sana, Miss Lani naman, gumawa ka naman ng bagong album.’

"Yung mga ganoong mga bagay… nakakatuwa lang talaga.”

Dagdag pa niya, “Ayun lang. I’m telling you that I’m very grateful that, you know, somehow that I can still come home here…

“And people would still want to hear something from me.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN