Jessica Sanchez to join cast of Glee

Kumpirmado na ang pagpasok ni Jessica Sanchez sa ikatlong season ng award-wining musical-comedy series na Glee. Pero wala pang detalye kung anong role ang gagampanan ng American Idol Season 11 runner-up.


Jessica Sanchez, kumpirmadong pasok sa cast ng hit musical-comedy series na Glee.

Ayon sa exclusive report ng TVLine, nagsara na ang negosasyon para sa recurring role sa Glee ng Filipino-American American Idol Season 11 runner-up.

Wala pa raw detalye kung anong role ang ibibigay ng executive producer ng Glee na si Ryan Murphy para kay Jessica at kung kailan siya unang lalabas.

Pero malakas ang usap-usapan na ang role ng 16-year-old singer ay posibleng maging bagong love interest ni Finn, ang character na ginagampanan ni Cory Monteith.

Sa huling episode ng Glee ay nag-break na si Finn at ang kasintahan nitong si Rachel (Lea Michele).

Si Jessica ang ikalawang Pinay na lalabas sa Glee pagkatapos ni Charice na gumanap bilang Filipino exchange student sa Season 2.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN