Carl Guevara on courting Kris Bernal: "First time kong maka-encounter ng ganito na parang na-challenge ako."

Ayon kay Carl Guevara, hindi kasiguruhan ang pagiging guwapo upang magustuhan ng isang babae ang kanyang manliligaw. Sabi ng Kapuso star, “Okey lang, sa akin, hindi ko naman idinadaan lahat sa kaguwapuhan. Hindi naman porke’t guwapo ka at may gusto ka sa isang babae, gusto ka niya agad.”


Magtatapos na ngayong linggo ang afternoon drama series ng GMA-7 na Hindi Ka Na Mag-iisa, kung saan kabilang sa cast si Carl Guevara.

Pero hindi matagal mababakante si Carl dahil may sasalo sa kanya agad na bagong serye sa Kapuso network.

Sa exclusive interview ng PEP.ph (Philippine Entertainment Portal) kay Carl sa studio ng H.O.T. TV sa GMA Network noong Linggo, October 21, ibinalita niyang inaayos na ng manager niyang si Perry Lansigan ang bago niyang drama show.

“Hindi ko pa lang alam kung ano yung detalye ng project.

“Pero sabi ng manager ko, meron na raw at magte-taping na ako next month.

“Pag-uusapan pa lang namin, may meeting kami,” sabi niya.

Kumusta naman ang showbiz career niya ngayon?

“Okey naman, kasi sunud-sunod yung projects after nitong Hindi Ka Na Mag-iisa.

“Sabi ni Perry, meron na raw kasunod... hindi naman nababakante.”

KRIS BERNAL. Biniro namin si Carl na hindi bagay sa kanya ang titulong Hindi Ka Na Mag-iisa dahil wala siyang lovelife ngayon.

Pinatigil na kasi siya ni Kris Bernal sa panliligaw.

Nabago ba ang tingin niya kay Kris matapos siyang patigilin sa panliligaw?

“Hindi naman, hindi... actually, natutuwa nga ako sa kanya. Natsa-challenge ako.

“Kahit paano, napapanood ko naman siya, e. Natutuwa ako sa show nila," pagbanggit ni Carl sa primetime series ni Kris kasama si Aljur Abrenica, ang Coffee Prince.

Dagdag niya, “First time kong maka-encounter ng ganito na parang na-challenge ako.

“Basta, nandito lang naman ako, e.”

Desisyon ba ni Carl maging busy sa career at wala munang personal o lovelife?

“Ahmm… okey naman. Masaya naman, kahit paano busy rin. Enjoy ko yung mga trabaho ko.

“Actually meron din naman pag may available time ako sa araw.

“Siyempre, ginagawa ko yung pansarili ko. Lumalabas ako kasama ko yung family ko… gym.

“Yung mga regular na mga ginagawa ko sa araw-araw,” iwas niya sa tanong.

ADVERTISEMENT - CONTINUE READING BELOW



TEMPORARY SEPARATION. Kumusta na sila ni Kris?

“Kami ni Kris? Okey naman.

"Medyo busy rin kasi, e—busy siya, busy rin ako. So, yun.

“Alam ko nag-start na yung bago nilang show. So, ayoko rin namang makadagdag sa mga iniintindi niya.

“Kasi yun naman ang hinihintay niyang project—yung Coffee Prince.

“Minsan nagkakamustahan kami pag may time… sa text, mga ganyan.”

Hindi na ba gaya ng dati na kailangang mag-text at kumustahin ang isa’t isa, na parang obligasyon?

“Ay, hindi naman. Yung sa amin kasi, friends kami, e.

“Pag naisipan ko siyang i-text, iti-text ko siya, sumasagot naman siya.

“Ahmm… hindi na gaya ng dati.

"Kasi sinabi naman niya sa akin na busy siya ngayon.”

Paano niya tinanggap ang pagpapatigil ni Kris na manligaw siya?

“Sa akin, okey lang yun. Basta, dito lang ako kung may time, di ba?

“Iti-text ko siya. Pero hindi na yung palagi.”

Hindi ba siya nasaktan o na-disappoint?

“Hindi naman," sagot ni Carl.

"Kasi, in the first place, pag pumasok sa ganyan… lahat naman kami may showbiz career kami.

“Ang priority mo talaga, trabaho. Kasi diyan ka nabubuhay.”

First time ba niyang masabihan ng babae na tigilan na ang panliligaw o itigil muna ang relasyon?

“First time, pero kailangan mong tanggapin,” pag-amin niya.



NO EFFECT. Naramdaman ba ni Carl na hindi umepekto ang kaguwapuhan at ka-macho-han niya kay Kris?

“Hindi naman.

"Kumbaga, para sa akin, sinabi naman niya na gusto niyang ayusin ang ibinigay sa kanyang project.

“So, sabi ko, ‘Sige, suportahan kita!’” natatawang sagot ni Carl.

Na-disappoint ba siya o na-frustrate ng kaunti?

“Hindi naman. Kasi naiintindihan ko naman yung sitwasyon, e.

“Kung ako rin naman ang bibigyan ng project na ganun… halos araw-araw nagtatrabaho ako… ang hirap namang haluan ng lovelife dahil mahahati rin naman yung ano...”



SHORT COURTSHIP. Gaano ba siya katagal nanligaw kay Kris?

ADVERTISEMENT - CONTINUE READING BELOW

“Actually, tatlong buwan pa lang, e. Tatlong buwan pa lang naman, e—hindi pa naman malalim.”

May usapan ba sila ni Kris na puwede na siyang manligaw ng iba o maghihintay muna?

“A, wala naman. Magkaibigan kami ngayon.”

Puwede ba siyang manligaw ng iba o kailangang pang ipaalam kay Kris?

“Siguro, siguro... Pero sa ngayon, wala pa naman akong ibang natitipuhan… wala pa naman akong nagugustuhan.”

Hindi kaya palabas lang nila ni Kris na wala munang ligawan dahil may relasyon na sila talaga?

Diin ni Carl, “Hindi naman… hindi, hindi.

"Sa akin naman, kung kami talaga, aaminin namin.

“Kasi ang hirap rin namang itago na… hindi namin mai-enjoy pag lalabas kami.

“Kahit saan kami magpunta, maraming makakakita sa amin. Meron at merong makakakita.

“Kung kami, aaminin namin.

"Saka, hindi ako papayag na hindi ako aamin dahil lang meron siyang trabaho.

“Kahit paano, isa ay masasaktan doon.”

Muntik na bang maging sila ni Kris o naging sila na, pero naputol lang agad?

“Hindi ko masabi, e. Kasi tatlong buwan pa lang akong nanligaw sa kanya, e.”

Usually, gaano katagal siya manligaw sa babae bago siya sagutin?

Sagot niya, “Sa totoo lang, hindi naman ako marunong manligaw.

“Ewan ko, mabilis lang, e… hindi ako umaabot ng mga… isang buwan?”

Ang panliligaw ba niya kay Kris ang pinakamatagal?

“Siguro!” saka tumawa nang malakas si Carl.



CHALLENGED. Ibig bang sabihin, na-challenge siya nang husto kay Kris?

“Oo, masaya rin. Masaya rin na na-challenge ako.

“Kahit paano natuto akong manligaw, kung paano sumuyo.”

Pero kung iisipin, parang walang puwedeng tumanggi sa kaguwapuhan at ka-macho-han ng isang Carl Guevara.

“Okey lang, sa akin, hindi ko naman idinadaan lahat sa kaguwapuhan.

“Hindi naman porke’t guwapo ka at may gusto ka sa isang babae, gusto ka niya agad.

“Kailangan mo ring matutong sumuyo ng babae.”

Hanggang kailan siya maghihintay kay Kris?

ADVERTISEMENT - CONTINUE READING BELOW

“Hangga’t kayang maghintay… pero sa ngayon, chill na lang muna.

“Kasi ang dami niyang iniintindi, e. Ako rin naman may trabaho.

“So, kung saan siya masaya.”

Mahal pa rin ba niya si Kris?

“Oo, kahit paano love ko pa naman si Kris.”

Minahal ba niya si Kris at naramdaman ba niyang minahal din siya?

“Hindi ko alam, e… itanong ninyo sa kanya.”

Ang sabi ni Kris, mabait at matiyagang manligaw si Carl kaya napalapit ang loob nito sa kanya.

Naramdaman ba niyang minahal siya ni Kris? tanong namin muli kay Carl.

“Kahit paano… siguro. Siyempre pag niyaya ko siya, sumasama naman siya sa akin.

“May tiwala naman siya sa akin. Nagre-reply naman siya kahit paano.

“Pero hindi ko naman masabi… pero nararamdaman ko yun.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN