PEPtalk: Zaijian Jaranilla wants to give Xyriel Manabat “pustiso” and “noseline” this Christmas!

Sina Zaijian Jaranilla at Xyriel Manabat ay kasama sa cast ng 24/7 In Love na mapapanood pa rin sa ilang sinehan.


Nagpatuloy pa rin ang kulitan sa huling bahagi ng PEPtalk, kasama sina Zaijian Jaranilla at Xyriel Manabat.

Nagpakitang-gilas din ang dawalang Star Magic talents sa pagsayaw, kung saan napasali rin ang mga hosts na sina Nerisa Almo, ang lead correspondent ng PEP.ph (Philippine Entertainment Portal), at Bong Godinez.

Ngunit bago ang talent portion, nagkuwento muna ang mga child stars tungkol sa kanilang buhay artista, na kaakibat daw ang "pangungurot ng mga fans."

XYRIEL: “...Yung pinaka-nag-e-enjoy po ako, marami po akong nakakasamang artista.

"Makakasama ko po yung mga idol ko, tapos po, yung kapag wala ka pa po sa take, maglalaro po muna kayo ng kapwa mo artista, ganun po.”

BONG: “Ikaw Zaijian, ano yung pinaka-na-e-enjoy mo sa showbiz?”

ZAIJIAN: “Ganun rin po pag ano... pag marami kang nakakasamang artista. Lalo na po si Xyriel, pag nakakasama ko po siya, lagi kaming naglalaro pag kunyare lunch break, dinner break, ganun lagi po kami, naglalaro pag hindi pa nagte-take.”

BONG: “Pero may nami-miss din kayo dun sa medyo hindi niyo nagagawa siguro dati, ngayon na busy na kayo?”

ZAIJIAN and XYRIEL: “Wala naman, po.”

XYRIEL: “Nakakapag-enjoy pa nga po kami ngayon, e.”

ZAIJIAN: “’Tsaka po nakakapaglaro pa rin kami sa labas, nakakapag-aral pa rin po kami nang mabuti.”

XYRIEL: “Nag-aano po ako, nagda-dodgeball, nagba-bike, ganun po, nanonood ng TV, namamasyal po, ganun po.”

NERI: “So, ngayong big stars kayo, masasabi ba na mas madali niyong nakukuha mga gusto niyo, like, pag may gusto kayong gadgets? Nabibili niyo na ba [ang mga gusto niyo] o kailangan niyo pa din magpaalam sa parents?”

XYRIEL: “Siyempre po, magpapaalam muna.”

ZAIJAN: “Ano po, siyempre hindi po, kasi hindi na lang po kahit ano ka na... kailangan mo i-save yung pera mo para pag paglaki... para pag paglaki mo na, meron pa po yung matitirang pang-aral, pang-business.”

ADVERTISEMENT - CONTINUE READING BELOW

NERI: “Speaking of pag-iipon, ano pa ba yung pinag-iipunan ninyo ngayon?”

XYRIEL: “Ako po, punta ’ko ng Hong Kong po, ng Boracay, tapos bibili po ako ng bahay.”

NERI: “Ikaw, Zaijan?”

ZAIJAN: “Ano po siguro po, kasi po nagkaro’n na... nabigay po sa ’kin yung bahay, yung kotse. Tapos po, siguro po, mas gusto ko pa pong madaming projects, commercials para blessings, para makapag... makapag-ipon pa.”

HOLIDAY PLANS. Ikinuwento rin nina Zaijian at Xyriel ang kanilang mga plano sa parating na Pasko at bagong taon.

ZAIJAN: “Para sa ’kin po Pasko is yung, yun po yung masaya, kasi magkakasama kayo ng pamilya mo, bonding kayo tapos nag-e-enjoy.”

NERI: “Pag holidays kayo, Xyriel, anong usually ginagawa ninyo sa bahay?”

BONG: “New Year, ganun. Pa’no nagse-celebrate ng New Year?”

XYRIEL: “Magpapaputok po.”

ZAIJAN: “Anong pinapaputok mo?”


XYRIEL: “Siyempre paputok!”


ZAIJAN: “Yung PEPutok?”

Nagtawanan ang mga bata.

Samantala, Iglesia ni Cristo si Xyriel kaya hindi sila nagseselebra ng Pasko, pero ipinagdiriwang nila ang bagong taon.

XYRIEL: “Mga pop pop po, sinturon ni Hudas, ganun... tapos po mga piccolo, tapos anong tawag do’n?”

ZAIJAN: “Yung lusis?”

XYRIEL: “Yun, lusis po, sulat kami dun [ang tinutukoy niya ay watusi]. Tapos yun po, favorite kong paputok, pop pop. ’Tsaka po pag nagse-celebrate po pag ano, wala akong pasok, pag monthsary po ng kapatid ko..”

BONG: “Monthsary? Monthsary?”

XYRIEL: “Opo.”

WISH LIST. Pagkatapos nito, napunta ang usapan sa regalo na gusto nilang matanggap ngayong Pasko.

NERI: “Pag holidays, di ba marami ding nagbibigay ng gifts? Kayo, ano’ng gusto niyong ma-receive this year?”

ZAIJIAN and XYRIEL: “Ako po…”

XYRIEL: “O, ikaw muna, ikaw muna, ikaw yung unang nagsalita, e.

ZAIJAN: “Sabay lang tayo, e.”

XYRIEL: “O, sige, ako muna. Ako po Wii, kasi wala po akong Wii, siya meron na. Meron ka [Zaijian] ng Xbox?”

ADVERTISEMENT - CONTINUE READING BELOW

ZAIJAN: “Wala, PS3 lang.”

NERI: “Ang techie nila ’no?”

BONG: “Ano yung pinakapaborito niyong natanggap na regalo?”

XYRIEL: “Ako yung bike ko po, ’tsaka po yung kubo ko.”

BONG: “Kubo? Pa’nong kubo?”

XYRIEL: “Pinagawa pa po ng lolo ko bago siya mamatay.”

NERI and BONG: “Sa bahay? Malapit sa bahay?”

XYRIEL: “Di po, sa province po ng Papa ko.”

BONG: “So, nagpupunta ka do’n?”

XYRIEL: “Opo, pag ano po, pag birthday, ganun, pag New Year, ganun po.”

NERI: “Wait lang, di nasagot ni Zaijan yung kung anong gusto niyang gift ngayon.”

ZAIJAN: “Siguro po, wala na po akong gustong matanggap kasi lahat po nabigay na sa ’kin, at siguro po, marami pang magandang magbibigay.”

BONG: “Last year, ano yung pinakapaborito mong natanggap?”

ZAIJAN: “Yung ano ko po, yung PS3 ko po ’tsaka po yung Wii.”

NERI: “Techie talaga.”

ZAIJAN: “’Tsaka po yung gusto kong niregalo sa ’kin ngayon, yung ngayong birthday ko po, yung niregalo po sa ’kin ni Tita Gina [Pareño] ’tsaka ni Tita Carmina [Villarroel].”

NERI: “Ano yun?”

ZAIJAN: “iPhone 4S po, ’tsaka iPad 3.”

XYRIEL: “iPad 3GS. Ay! Wala palang 3GS!”

ZAIJAN: “iPad 3 lang.”

XYRIEL: “Sorry, sorry.”

ZAIJAN: “iPad 3 lang, ’to naman, gusto mo may wifi agad e ’no? 3G agad?”

Nagsimula na naman ang asaran nina Zaijian at Xyriel nang tanungin kung ano naman ang balak nilang ibigay sa kanilang mga mahal sa buhay.

NERI: “Pero kung may pagbibigyan kayo ngayong holidays, sino at ano yung ibibigay ninyong regalo?”

BONG: “Siyempre, bukod sa mga crush niyo.”

XYRIEL: “Yieeee!”

ZAIJIAN: “O, bukod daw, bukod!”

XYRIEL: “O sige, bukod, bukod…”

NERI: “Ibang tanong na lang yung crush!”

XYRIEL: “Yieeee! Gitara!”

ZAIJIAN: “Gitara? Sige, gitara! Hindi naman gitara yun, e, ukelele yun!”

XYRIEL: “Ako po, bigay ko po, kanino ba? A, siguro po sa kapwa po bata, pinsan ko, bigyan ko ng laruan din po.”

ADVERTISEMENT - CONTINUE READING BELOW

ZAIJAN: “Gusto pong magbigay ng sa family ko po, gusto pong kaming lahat, kami magkakapamilya, gusto ko po nag-e-enjoy kami, happy kaming magkakapatid.”

BONG: “So bakasyon?”

ZAIJAN: “Opo.”

BONG: “E, sa mga crush? Itatanong ba natin?”

NERI: “Tanong na natin, mukhang may naisip si Xyriel.”

XYRIEL: “Ako, wala po, wala. Siya po, meron na, e.”

ZAIJAN: “Hala!”

XYRIEL: “Ako po, nag-iisip pa ako, e. Ano bang ibibigay ko dun?”

ZAIJIAN: “Ha? Ba’t ako?”

Hindi tinantanang tuksihin ni Xyriel si Zaijian.

XYRIEL: “Kahit ano na lang po. Ikaw [Zaijian]? Yieeee!”

BONG: “Ukelele daw, e.”

NERI: “Mas kinikilig si Xyriel!”

XYRIEL: “Kinikilig ako po, e… [sabay tawa]. Siguro nanonood yun [Aria Clemente]?”

ZAIJIAN: “Hala, imposibleng nanood yun!”

NERI: “Ano Zaijan?”

BONG: “Ba’t sabi niya kanina, ukulele daw?”

XYRIEL: “Ano po yung ukelele?”

BONG: “Ano ukelele ba o gitara?”

XYRIEL: “Di kasi po nagyu-ukulele din yun”

ZAIJAN: “Ukelele nga, e, gitara naman ’to.”

XYRIEL: “E, isa lang naman yun, gitara pa din yun.”

ZAIJIAN: “Iba ang ukelele sa gitara, maliit yung ukelele, e.”

XYRIEL: “E, gitara pa rin yun!”

ZAIJAN: “O sige, at least may string, gitara agad?”

Umani rin ng tawa ang sagot ni Zaijian nang sinabi nito kung ano ang nais niyang ibigay kay Xyriel.

NERI: “Anyway, ayun, sige, patapos na kasi yung 2012. So, pagdating ng 2013, ano yung gusto niyong mangyari sa showbiz career ninyo at sa personal life ninyo? Ano yung wish ninyo?”

XYRIEL: “Sana po, more projects and more blessings to come.”

ZAIJAN: “Ako po sana, pagkagat po ng 2013, magka-project agad ako, yun po. At more blessing po sana, sana maging healthy po ang family ko at saka ano rin po, pustiso para kay Xyriel. [sabay tawa]

“Kasi po lagi pong bungi.”

BONG: “Cute naman, e, bata pa…”

ZAIJAN: “Kasi malapit na siya mabungi.”

XYRIEL: “Bibigyan ko po siya ng alagang owl para kamukha ng mata niya.”

ADVERTISEMENT - CONTINUE READING BELOW

ZAIJIAN: “’Tsaka po noseline! [sabay tawa ulit]”

GANGNAM STYLE. Sa panghuli, sumayaw ang dalawang child stars.

NERI: “Kasi kanina di ba nabanggit ko, tinanong ko kung ano yung mga hidden talent niyo, puwede ba naming makita? Ikaw?”

ZAIJAN: “Hala?!”

NERI: “Bilang idol mo si Vhong diba? Puwede bang konting sayaw diyan?”

XYRIEL: “Sumayaw ka! Ako, wala akong hidden talent, e, nasa bahay, e.”

NERI: “Naiwan mo?”

XYRIEL: “Naiwan ko po, e.”

ZAIJAN: “A, may baker po ba kayo diyan? Pagbe-bake-in ko po, e.”

BONG: “Di niyo sinabi agad, e, dapat nagdala kami ng..."

XYRIEL: “Ano sumayaw ka na [Zaijian]!”

ZAIJAN: “Ikaw rin [Xyriel]!”

XYRIEL: “Ikaw muna [Zaijian]!”

ZAIJAN: “Sumayaw ka rin [Xyriel].”

XYRIEL: “May sinabi ba ko? Di naman dancer yung favorite actress ko, e.”

ZAIJAN: “Ano, actress lang? Walang actor?”

XYRIEL: “Di na naman singer at dancer yun, e.”

NERI: “So, ano yung gusto niyong sayawin?”

XYRIEL: “E? Siya po, di naman ako ano, e. Di ako kasali.”

ZAIJAN: “Ako ang alam ko lang sayawin, ’Gangnam Style.’”

NERI and BONG: “Sige nga, sample! sample!”

Ang ending ng PEPtalk, hindi lang si Zaijian ang sumayaw kundi pati si Xyriel... at ang mga hosts na sina Neri at Bong!


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN