Kasama ni Iza Calzado ang kanyang nobyong si Ben Wintle nitong Pasko at Bagong Taon.
Sinabi ni Iza sa PEP.ph (Philippine Entertainment Portal) at ilang entertainment press na ipinagdiwang niya ang holidays kasama ang pamilya ni Ben sa Sydney, Australia.
Aminado ang aktres na isang paraan niya ito upang kahit papaano ay iwasan ang lungkot sa tuwing naaalala niya ang pumanaw niyang ama na si Lito Calzado.
Pumanaw si Direk Lito noong Nobyembre 11, 2011 sa sakit na liver cancer.
Sabi ni Iza, “I opted to spend it outside the country.
"I was very happy but of course I missed my family, my father.
“Of course, di ba, I would have wanted... if I have it my way, I would have wanted to spend it with my whole family.
“E, since wala nga, wala na nga, with the family of my boyfriend na lang.
“It was a very good decision, [and] it was always nice to see a family celebrate.
“Since iyon nga, have a simple celebration, just being together which is the essence of being a family—just being together.
"It was wonderful to see that.
“So maybe one day I could have my own.”
Sampung araw raw ang itinagal ni Iza sa Sydney.
SETTLING DOWN. Kahit pa pangarap ni Iza na magkaroon ng sariling pamilya, hindi pa niya ito nakikitang mangyari sa mga panahong ito.
“I think we’re both not yet in that stage,” wika ng aktres nang makapanayam siya ng PEP sa farewell presscon ng Kahit Puso’y Masugatan kahapon, Enero 22, sa Casa Filipino, Tomas Morato, Quezon City.
“We have both our careers to focus on at this point.
"Kasi siyempre if I settle down, that means I have to take a break—I’m not ready for that.
“Kailangan maximize the opportunity that’s been given to me, especially by ABS-CBN, at this point of my career.”
HOSTING CAREER. Samantala, nasubok naman ang hosting skills ni Iza nang mag-guest co-host siya sa The Buzz noong Linggo, Enero 20.
Matindi raw ang kaba ni Iza, lalo na at si Boy Abunda pa mismo ang nag-imbita sa kanya.
Kuwento niya, “[The first Sunday] Tito Boy asked me but I can’t because I’m flying to Iloilo for ASAP.
“Pero no’ng in-ask nila ako for last Sunday, kasi magpo-promote kami ng Kahit Puso’y Masugatan, in-ask ako ulit kasi gusto ni Tito Boy [Abunda] talaga.
“Sabi ko, ’Hindi ko talaga puwede hindian ito, sige, sabak na lang.’
"Matututo na lang ako, tutal that’s also how I started acting, I learned by doing.
“But of course with hosting and because… you know when I started, like a lot of eyes were on me, so if I make a mistake, that’s fine, somehow it’s a little more pressure.
“But at the same time, at the end of the day, you have to enjoy it.
"Kasi the more you pressure yourself, the more the work will come out not as good as how you want it to be.”
Isa pang ikinatutuwa ni Iza ay ang nalalapit na pagsisimula ng second season ng reality show na The Biggest Loser.
Ang alam niyang airing month nito’y sa Marso, kaya naman sakto ang guest hosting niya sa Sunday talk show.
“This year is for me! I claim it!” bulalas pa ni Iza.