Part 2. Rafael Rosell on having a relationship: “Siguro hindi ko pa nahahanap yung mahal ko. Hindi mo naman puwedeng pilitin yun, di ba?"

Walang balak makigulo si Rafael Rosell sa relasyong Dingdon at Marian. Patunay niya: “May respeto ako sa kanila, nandito ako para magtrabaho and iyon ang gagawin ko. Sana walang conflict sa kahit sinumang kampo.”


Well-adjusted na raw si Rafael Rosell being a Kapuso.

“Yeah! It wasn’t much of an adjustment, e, parang it’s the same work with different people,” sabi ni Rafael sa PEP.ph (Philippine Entertainment Portal).

Pero sa GMA-7 ay mataas na agad ang level niya bilang leading man ni Marian Rivera sa Temptation Of Wife.

“Ah, sa ganoon, in terms of positioning siguro, mas suwerte ako dito.

“Pero in terms of comparing the people, wala masyado.

"Ibang atake lang ng iba’t ibang tao—same industry pa rin.

“Which I believe should be one industry na lang para mas maraming oportunidad para sa lahat ng mga artisa, di ba?

“Medyo mahirap na yung separation ng tatlong network,” pahayag niya.



COMPETING SHOW. May bagong katapat ang Temptation of Wife nina Rafael, Dennis Trillo, at Marian—ang show nina Kris Aquino, Anne Curtis at Robin Padilla sa ABS-CBN na Kailangan Ko’y Ikaw.

Sabi ni Rafael tungkol dito, “Ah, oo, nabalitaan ko nga ‘yan.

“Wow! Kung ilalagay ko ang sarili ko sa competition, sobrang suwerte natin, as in... Wow, ang galing!

“I’m so honored to be part of something like this na, ayon sa mga tao sa Twitter, napapatalbog namin yung kabila.”

Hindi raw siya nakikipagkumpitensiya.

“Pero since hindi naman ako kasali sa competition, para sa akin added bonus na yun sa paglipat ko.

“Na naging successful ang unang show kung saan ako nasalang.

“So blessing, sobrang blessing, as in sobra!”



LOVE SCENES. Kailan kukunan ang kissing scene nila ni Marian sa Temptation of Wife?

“Hindi ko pa alam, pero ang alam ko sa Friday [today], may mga matitinding dramatic scenes si Nigel at si Angeline.”

Handa na ba siya if ever magkakaroon na sila ng kissing scene ni Marian?

“Ako naman, trabaho is trabaho.”

Umamin si Rafael na kinakabahan siya.

ADVERTISEMENT - CONTINUE READING BELOW

“Honestly? Sa tototo lang, oo, may konting kaba. Na baka may magalit sa akin na mga fans!

“Pero para sa akin, trabaho lang.

“I respect Dindong and Yanyan’s relationship.

“I’m not out to create another reality TV show that’s based on Temptation of Wife.

“I mean, may respeto ako sa kanila, nandito ako para magtrabaho and iyon ang gagawin ko.

“Sana walang conflict sa kahit sinumang kampo.”



SPECIAL GIRL. Walang girlfriend o nililigawan si Rafael.

“Hindi ako nanliligaw, e,” sabi niya.

Siya ang nililigawan?

“Hindi naman. Ang association ko lang kasi sa panliligaw is magpapa-impress ka.

“So ilalagay mo yung best foot forward mo, and ang best foot forward mo, hindi naman lagi iyon ang katotohanan, e.

“Ang katotohanan ang nakikita ng mga tao kapag magkasama kayo bilang magkaibigan, di ba?”

Meron naman daw siyang mga seryosong relasyon in the past.

“Marami akong seryosong relationship na magkaibigan, pero yung tipong romantic relationship, hindi ko pa kaya, hindi pa ako ready sa ganoon.

“Siguro hindi ko pa nahahanap yung mahal ko. Hindi mo naman puwedeng pilitin yun, di ba?

“Pag dumating... game. Pero wala pa, e.”



SURFER BOYS. Gusto munang magpahinga ni Rafael pagkatapos ng Temptation of Wife at bago siya bigyan ng bagong assignment.

“Wala pang sinasabi sa akin.

"Actually, after, gusto kong kahit a few days or maybe a week off.

“Ang tagal ko na rin kasing hindi nagse-surf, e. Ang puti ko na!”

Saan niya gustong mag-surf?

“Depende kung saan yung alon, either Siargao or Baler or La Union siguro.

“Usually, pag more than one day off, sa Baler or La Union.

“Pag one day off lang, morning session lang ako sa Batangas or Real, Quezon or Zambales.

“Sana makapag-one week ako.”

Ten feet daw ang pinakamataas na alon na na-surf niya.

Nitong January ay nag-bonding silang magkakapatid sa surfing.

ADVERTISEMENT - CONTINUE READING BELOW

“Sinamahan ko yung mga brothers ko noong early January, first week ng January, pumunta kami ng Real, Quezon.

“Yung alon kasi doon, pa-bagyo na kasi, hindi na siya pang- intermediate... pang-beginner lang siya, so tinuruan ko sila.

“Napasali ko rin sila sa mundo ko sa surfing!” ang natatawang sinabi ni Rafael.

“First time namin tatlong magkakapatid.”

Guwapo rin daw ang dalawang nakababatang kapatid niya.

Mag-aartista?

“Ayaw nila, e. Yung isa gustong mag-direct, yung bunso.”

Pinakaguwapo daw yung nasa middle nila.

“Pero gusto niya mag-business, e.

“Sa Norway siya nag-aaral ngayon, nagbakasyon lang sila ng Christmas at New Year.”



NEXT PROJECT. Ano ang next na role na gustong gampanan ni Rafael?

“I would like to do something opposite of someone nice... ang bait ni Nigel, e. Gusto ko salbahe naman."

Madalas na siyang salbahe noong nasa ABS-CBN pa siya, di ba?

“Iyon nga, e, ang sarap kasi, e.

“Siguro ganoon ulit, pero kung hindi, good boy ulit, nag-enjoy naman ako.”

Magko-Cosmo Bash na ba siya this year?

“Dapat kasali ako last year, kaso may hindi yata nakapag-agree sina Popoy at Cosmo.”

This year?

“Hindi ko alam.”

Pero ready siya rumampa nang hubad…

“Yeah, laging ready, laging handa!”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN